Sa mapait na nakaraan, galing tayo pareho
Nagbulagbulagan sa tama, utak kinandado
Ayaw tanggapin ang totoo
Na hindi talaga aabot hanggang dulo
Inabuso, nagpaabuso
Magkasing lalim yung sugat na tinamo
Parehong lunod sa lungkot ang puso
Nagparaya, tinaya ang lahat sa maling tao
Akala ko lahat naibuhos na
Ubos na ubos, wala ng natira
Na hindi ko na kaya magsimula pa
Pero noong dumating ka
Ang mga bakit ko at mga paano
Saan, kailan at ano
Isa isa, dahan dahan pero sigurado
Nasagot at sinasagot mo
Unti unting nabubuo
Ang nawasak na ako
Pero kahit may sagot na
Bakit yung isip ko nagtatanong pa?
Na baka pareho lang tayong naghahanap ng sandalan
Ng taong mapaghihingahan
Kasi pareho tayong mabigat ang pasan
Pareho tayong unang ikinasal
Sa pangarap nating matulungan ang pamilya
Kailangang magtiis na hindi palaging magkasama
Pero kahit di tayo araw araw magkita Mahal
Hindi ako maiinip, hindi ako mapapagal
Kahit anong takas ko sa nararamdaman
Pagpikit at pagmulat ng mga mata ko
Ikaw ang nakikitang kasama ko
Ang magiging ina ng mga anak ko
Ang makakasama hanggang tumanda tayo
Ikaw ang pinakamagandang regalo
Na hindi matutumbasan ng kahit ano
Kaya Panginoon maraming salamat po
Iingatan ko si Grace, pangako
Ikaw, ikaw magmula ngayon
Ang syang dahilan kung bakit ako babangon
Dahil sayo handa nang harapin anumang hamon
Gaano man kahirap ang sitwasyon
Basta't sayo, sayo lang ako magmula ngayon
Sayo lang ang paningin ko itutuon
🌺ՅԾՌɿԵԹ
