الفصل التانى
وقفنا الفصل ال فات عند حنين ونور رايحين الشركه
عمار * صباحو ياباشا
فهد* صباحو انت داخل قهوه اقعد يا عمار
عمار* مالك قافل على الصبح ليه
فهد* الزفته ندى مستفزه جدا مفكره انى مش واخد بالى من حركتها
عمار* هيا لسه حطاك فى دماغها
فهد * ده انا ال هديها على دماغها قريب اوى لو متعدلتش المهم سيبك منها خلينا نركز فى الشغل اخبار المناقصه الجديده ايه
عمار * كله تمام خلال يومين وورق المناقصه هيكون جاهز ونقدمه وان شاء الله هترسى علينا زى كل مره
فهد * عمار مس عاوز ولا غلطه فهمنى
عمار تمام يا فهد متقلقش صحيح انا كلمت ادهم النهارده
فهد هو كلمنى وهسفرله اخر الاسبوع محتاجنى هناك واحتمال افضل هناك ٣ اسابيع
عمار طيب مين هيمسك الشغل هنا
فهد عمار مالك صحصح معايا اكيد انت مالك مش مركز على الصبح ولا ايه
عمار معلش يا عمنا هههههههههه صحيح الانترفيو هيبدا كمان ساعه هتحضر معايا
فهد لا اختار انت مش فاضى ورايا اجتماع بره الشركه
عمار بس صحيح انت ليه حطيت شرط لو فى مهندسات لازم يكونوا انسات مش متجوزين اول مره تعملها
فهد عشان احنا دخلين على مشروعين كبار جدا وهينقلو الشركه لمكانه اكبر ولازم مجموعه الزينى دايما تكون الاول فاهم ومش عاوز حاجه تعطل الشغل تجى مهندسه تقولى اصل جوزى زعق عشان اتخرت اصل ابنى تعبان والكلام الفاضى ده المشاريع ال هنفذها يا عمار عوزه ناس متفرغه تماما عوزه ناس مبدعه عاوز شغل الناس كلها تتكلم بيه تتكلم على امبرطوريه الزينى فاهم احنا من اكبر شركات المقاولات ولازم نفضل الاول دايما
عمار الشغل رقم واحد فى حياتك
فهد طبعا عشان نفضل محافظين على مستوانا
عمار بس مش كل حاجه شغل هنفرح بيك امتى
فهد ههههههه تفرح ليه محسسنى انى بنتك وبعدين لسه ماجتش ال تخطف قلبى خلينا نفرح بيك انت لانى متاكد ان فى حد فى حياتك
عمار اتلغبط حد مين وتوه فى الكلام لا انا كده مبسوط وتمام اوى
فهد عمار المهندسين ال هتختارهم هما ال هيشتغلوا على المشروع الجديد وان التصميم ال هنختاره منهم هو ال هيتفذ وهيكون ليه فرصه يسافر معانا دبى للمشروع ال هناك مفهوم ودى هتكون فرصه لاى مهندس فيهم
عمار تمام بتخفزهم عشان يبدعوا فى التصاميم دايما بقول عليك دماغ عاليه
فهد دماغ عاليه طب قوم من قدامى يا عمار ولما ارجع من دبى تكون انت اخترت افضل التصاميم وبعدين انا وانت نختار الافضل بنهم ماشى
عمار تمام يا كبير هروح على مكتبى يلا سلام
وصلت نور الشركه ومعاها حنين
نور بصى يا حنون انتى هتفضلى هنا لحد معاد الانتر فيو وانا حروح على مكتبى لانى اتاخرت وفهد بيه مش بيرحم خالص واول ما تخلصى كلمينى وان شاء الله يا حبيبتى تقبلى ونشتغل سوا ده احنا هنسوى الهوايل ههههههه
حنين ههههههه نسوى الهوايل شكل الشغلانه طارت رحى يا نور على مكتبك احسن انتى ال تطيرى النهارده من الشغل
نور هههههه على رايك سلام يا مزتى
حنين بتضحك على صحبتها وبتدعى ربنا انةيوفقها فى الشغل ده وهيا بتدعى شافت واحد جاى عليها وبيضحك اول ما شفته حسام
حسام ازيك يا حنين عامله ايه
حنين انا تمام الحمدالله اخبارك انت ايه
حسام كويس ياه يا حنين مشفتكيش من ايام الجامعه
حنين الدنيا مشاغل يا حسام
حسام اتجوزتى انتى وجاسر
حسام كان بيبصلها بعيون كلها حب وعشق كان بيحبها جدا بس حنين كانت بتحب جاسر وحسام حاول يخظرها منه كتير انو انسان مش كويس وبتاع ستات بس حنين مصدقتهوش لانها كانت مفكره ان حسام بيقلها كده عشان يبعدها عنه
مرايه الحب عاميه
حنين اتلغبطت من سؤاله بس حاولت تكون هاديه وقلتله لا يا حسام انا وجاسر سبنا بعض فى الخطوبه كان عندك حق هو انسان مش كويس خافت تقله انها اجوزته واطلقت عشان محدش يعرف والشغل يضيع منها
حنين هو انت جاى تقدم فى الشغل هنا
حسام كان سرحان فى حنين وفرح جدا انها سابت جاسر والامل كبر جواه تانى انو ممكن يقرب منها وتحس بحبه وتقبله كزوج وبعدين رد عليها ايوه يا حنين انا جاى عشان الشغل فرصه كويسه انى اشتغل فى مجموعه الزينى
حنين ان شاء الله ربنا يوفقك يا حسام
حسام بيبصلها وبيبتسم وبيقولها ان شاء الله نكون مع بعض فى الشغل
فهد خارج من مكتبه عشان الاجتماع ال رايحه
ندى انا خارح ومش هرجع النهارده تانى لو فى اى حاجه بلغى بيها عمار بيه مفهوم
ندى مفهوم يا فندم
وهو خارج من الشركه عدى على المتقدمين لشغل بس مبصش لحد ماشى فى شموخ الفهد بس كل المتقدنين لشغل فضلوا بصين عليه لحد ما اختفى من قدامهم لانه خطف انظارهم بوسامته الجذابه ورائحه عطره التى تسكر المخطلطه برجولته حتى ان حنين جذبها رائحت عطره ورفعت راسها تنظر ايه لتعرف من هذا الشخص الواثق فى نفسه لهذه الدرجه سمعت من حولها من الفتيات تقول انه فهد الزيتى فقالت حنين فى داخلها فهد اسمه يدل على شخصيته
يتبع
الفصل الثالث
خلص فهد الاجتماع ورجع على الفيلا لقا بباه بيشرب القهوه فى المكتب وبيقرى
فهد ازيك يا بابا عامل ايه
منصور تمام يا حبيبى عامل ايه يا فهد واخبار الشغل ايه
فهد تمام يا حبيبى كله تحت السيطره متنساش انى ابن منصور الزينى
منصور بابتسامه طبعا واشطر من ابوك كمان
فهد انت الخير والبركه يابابا ربنا ميحرمناش منك
تدخل عليهم فريده هانم
انت جيت امتى يا فهد
منصور اسمها حمدالله على السلامه الاول
فريده وهيا بتبص ل منصور جوزها بغيظ وبتقله بطل تعدل على كلامى كتير يا منصور
فهد خلاص يا جماعه مش مستهله انا طلع اغير هدومى لما الغدا يجهز ابعتولى
فهد وهو خارج من اوضه المكتب شاف اخته يارا بتدخل من باب الفيلا
على فكره فهد بيحب اخته جدا ومدلعها اوى ومش بيحب حد يزعلها ويارا شيفاه ابوها التانى وبتعشقه بجنون
يارا فهود وحشتنى خالص مشفتكش الصبح وامبارح انت راجع متاخر كنت سهران فين يا شقى
فهد بيضحك من قلبه قلب فهد انتى كمان وحشتنى وبيخدها فى حضنه عامله ايه يا ام لسان طويل واخبار الكليه ايه والمذاكره
يارا اسكت يا فهود كان يوم اسود لما دخلت هندسه انا مش بحب المذاكره ولا المحاضرات ولا جو الخنقه ده انا مش عارفه استحملت اربع سنين الزاى الحمدالله انها اخر سنه
فهد بيضحك جامد وبيخبطها على دماغها بتقولى كده وانتى بنت المهندس منصور الزينى واخت المهندس فهد الزينى
يارا بتضحك فى حضن اخوا وبتقوله شوفت الكارثه اهو انا ال هنهى المسيره بتعتكم انا كنت عوزه كليه ظريفه خفيفه مش عوزه مذاكره
فهد نجبهالك منين دى وبعدين انتى جايه على اخر سنه وتتكلمى
يارا على رايك انا اخلص الكليه دى وبعدين اعمل ال انا عوزه هبقى اكبر مصممه ازياء فى مصر
فهد هتسبى الهندسه وتصممى ازياء
يارا كلها تصاميم يا فهود بس بدل ما اصمم مبانى اصمم لبس وبتغمزله بعنيها
فهد ربنا يصبرنى عليكى يا يارا
تخرج عليهم فريده من المكتب بعد ما شدت فى الكلام مع منصور
فريده انتى جيتى يا يارا
يارا لا لسه ما جتش
يارا وفهد بيضحكوا جامد
فريده يارا اتعدلى فى الكلام بلاش طريقه كلامك دى
يارا حاضر يا ماما يلا يا فهد نطلع نغير بدل ما فريده هانم هتفضل تدينا دروس فى الاتكيت والزوق الرفيع
فهد يلا يا لمضه
يارا انا طلعه يا ماما اغير هدومى لما الغده يجهز ابعتيلى جمالات
حنين تدخل الشقه وهيا فرحانه بتنادى على مامتها وهمس بنتها
امل احنا فى المطبخ يا حنين حمدالله على السلامه يا حبيبتى
حنين الله يسلمك يا ماما هموس قلب ماما وحشتنى اوعى تكونى غلبتى تيته النهارده
همس بتضحك لمامتها وبتقولها اشتنى ( وحشتنى )
همس عندها سنتين ولسه بدا فى الكلام
اكلتى يا قلب ماما
امل مستنيه ماما لما ترجع عشان تاكل معاها
حنين قلب مامى يا ناس اجمل همس فى الدنيا طب ثوانى يا ماما هغير هدومى واجى اجهز معاكى الاكل
تخرج حنين تروح اوضتها تقعد همس على السرير وتقعد جمبها تفتكر ال حصل فى الانترفيو
فلاش باك
حنين قاعده مستنيه دورها فى الانترفيو ولما جه دورها ودخلت تقابل عمار
حنين السلام عليكم
عمار وعليكم السلام اتفضلى
حنين قعدت وسلمت السى فى بتاعها ل عمار
عمار بص فيه وبعدين قالها انتى الاولى على دفعتك وتقدير امتياز تمام جدا وواخده كورسات كتير وكنتى بتنزلى تدريب شركات وانتى بتدرسى هايل شكلك متفوقه وشاطره وعندك طموح
حنين انا كنت بحب دراستى وبحب دايما اكون متفوقه فى الحاجه ال بحبها
عمار تمام يا بشمهندسه ان شاء الله تكونى معانا هنكلمك فى التلفون
خرجت حنين من مكتب عمار وهى بتدعى ربنا انها تقبل فى الشغل وبعدين اتصلت على نور صحبتها تطمنها ال حصل واتفقوا انهم يخرجوا بليل يرحوا المول يشتروا لبس جديد
وبعدين خرجت حنين من الشركه مروحه بيتها
باك
حنين باست بنتها وبتضحك وقالت يارب يا هموس اقبل فى الشغل وقامت غيرت هدومها وخرجت ل مامتها عشان تجهز معاها الغدا
امل طمنينى يا بنتى عملتى ايه النهارده
حنين تمام يا ماما كانوا مبسوطين من السى فى بتاعى وقالوا ان شاء الله خير
امل ربنا يوفقك يا بنتى
حنين ان شاء الله يا ماما ادعيلى انتى بس
فهد نزل على الغدا هو ويارا وبتهزر مع اخوها على السفره
فريده يارا ياريت تحترمى الاكل وتبطلى هزار
يارا بصتلها وقالت حاضر يا ماما
فريده اسمها مامى فاهمه
فهد خلاص يا فريده هانم متقصدش وبص لخته وغمزلها وضحك ويارا ضحكت هيا كمان
منصور متسبيها برحتها تضحك وتهزر انتى واقفه على كل كلمه كده ليه
فريده منصور ارجوك سبنى اربى بنتى زى منا عوزه ولازم تتعلم الاتكيت
منصور بيقول بصوت يشبه الهمس سبتها قال تعلمها الاتكيت الله يرحم جدك كان نفسه يشوف الجبنه الرومى
فهد ويارا سمعوا ابوهم لانهم جمبوا وفضلو يضحكوا من قلبهم ومنصور ضحك معاهم فريده اتغاظت من ضحكهم وقامت وسابت الاكل
على فكره فريده كانت من عيله متوسطه قبل ما تتجوز منصور بس هو حبها واتجوزها وهيا كانت فرحانه بيه لانه من عيله كبيره وهينقلها مستوى اجتماعى اعلى وتعيش حياه كانت بتتمنها بس بعد متجوزها بسنين اكتشف انو مش بيحبهااو بمعنى اصح حبها اختفى من قلبه بسببها لانها مكنتش بتشغل بالها بيه كان كل اهتمامها المظاهر وانها عوزه تبقى من الطبقه الراقيه وفضل منصور عايش معاها عشان فهد ويارا بس لانهم اهم حاجه عنده
بعد الغدا قام فهد يكلم ادهم فى دبى ويعرف الشغل وصل لحد فين وبعدين قفل معاه واتصل على عمار يشوف عمل ايه النهارده بعد ما مشى وهو بيكلمه دخلت يارا عليه المكتب واول ما سمعت اسم عمار قلبها دق جامد جدا وفضلت سرحت فيه مفقتش غير لما فهد فضل ينادى عليها جامد
يارا بصتله معلش يا فهد سرحت شويه
فهد الواخد عقلك
يارا ههههههه هيكون ايه يعنى الكليه المكلكعه دى هطير عقلى
المهم انا راحه النادى ماتجى معايا
فهد لامش هقدر النهارده تعبان منمتش كويس امبارح وعاوز اطلع اريح شويه عشان خارج مع عمار بليل عاوز يشترى لبس وياخد راى وبعدين هنسهر سوا
يارا سكتت كل ما يجى اسم عمار قلبها كانه هيخرج من مكانه يارا خافت يبان عليها حاجه قدام فهد انها بتسرح كل ما تجى سرته وتبقى متلغبطه فاقت بسرعه وحولت الموصوع لضحك خساره يا فهود ده صحابى هيموتوا ويشفوك النهارده اصلك فارس احلامهم
فهد بيضحك من قلبه اصلهم بنات فاضيه
يارا طبعا ما انت فهظ الزينى مفيش اى بنت بتعجبه نفسى اشوف ال هتخطف قلبك يا فهد
فهد بيبتسم اكيد هتكون مختلفه
يارا يارب نفرح بيك يا قلبى قريب
فهد قام حضنها وباسها من خدها وقالها خلى بالك من نفسك ومتتاخريش فى النادى
يارا حاضر يا فهود سلام
يتبع
