SWIPE HELP GONE WRONG - COMPLETE

Chapter 12

"Hindi sa ganoon."

Hindi niya napigilan ang sarili na titigan ito. Bigla, may mga tanong siyang gustong hanapan ng sagot. Noon naman hindi niya 'yon masyadong pinagtutuonan ng pansin. Ngayon, tila ba, bothered na siya.

"Ate Cam," basag niya. "Okay lang ba magtanong ng mga personal na bagay?"

"Ano naman?"

"Kasi, iniisip ko talaga, alam ko namang 'di napipilit ang pag-ibig, pero sa tagal n'yong magkaibigan ni Alt, talaga bang wala kang naramdaman sa kanya?"

Kumurap-kurap ito at bahagyang natawa pagkatapos. "You never ask me that question before, ah?"

"Kaya nga e. Baka magtunog chismosa ako or kung ano."

"Actually, okay lang naman. Hmm, paano ko ba sasabihin?" Humalukipkip ito at ilang segundong nag-isip bago ulit nagsalita. "True, we've been friends for a long time. Noong nalipat ako sa MS Manila, he was the first director I've worked with. Akala ko nga sobrang strict at terror niya, but he wasn't as snob as I thought he was at first. In fact, he was discreetly kind and considerate. May shock factor ako sa part na 'yon." Natawa ito at umayos ng upo.

Hindi niya napigilan ang mga ngiti.

True.

"Pero that time kasi, naka focus ako sa future namin ni Danah. Being a single parent, ang hirap pagsabayin ang trabaho at pagiging ina. Love was never an option. And honestly, it never crosses my mind. I'm grateful to have Alt in my life, mas naging madali ang pag-adjust ko sa trabaho dahil sa patience niya sa pagtuturo sa'kin. He was a great friend and mentor."

She saw gratefulness in Ate Cam's smile.

"He never pressured me kahit na madalas siyang nagpapalipad hangin. He made sure na hindi kami magiging awkward sa isa't isa despite his feelings for me. He was just waiting for me to give him a chance. Still, I'm grateful that he has always been the best father figure in Verdanah's life. At gayon din naman si Danah sa Tito Alt niya. She loves him dearly."

"Aside from that, I always have this feeling na hindi ako ang tamang babae para sa kanya and I felt like, he was still in search of something. May bahagi sa nakaraan niyang hindi pa siya handang sabihin sa lahat. Sa totoo lang, even to me, he's having a hard time sharing his life. I don't know why, but I believe, there is another reason why Alt wanted to be Danah's father. Hindi ko nga lang alam."

Napa-isip din siya

Ano kaya ang rason ni Alt?

"Even his full name?" tanong pa niya.

Natawa ito. "Sinabi niya sa'yo?" Napailing-iling ito. Amuse na amuse. "Ilang beses ko siyang kinulit pero 'di niya sinabi. Bwesit 'yon ah. May favoritism talaga ang keyboard na 'yon." Hindi niya alam, pero may mumunting saya na yumakap sa puso niya. So siya lang talaga sinabihan nito? "You must be so special in his life?"

"Napilitan lang 'yon," she chuckled.

Nang dahil sa bato-bato-pick nilang dalawa.

Ilang segundo silang binati ng katahimikan.

"Even if Crosoft didn't come back," naibalik niya ang tingin kay Ate Cam nang magsalita ulit ito, "Alt and I will only remain as good friends." Ngumiti ito. "Alam ko kasing, may babaeng magpaparupok sa matigas na pagkatao ng isang Alt Flores."

May kakaiba sa tingin ni Cambria sa kanya – may panunukso.

"Hindi naman ako kasing mamasang ng dyosa kong asawa pero pinapaalam ko lang sa'yo na isa rin ako sa mga nagshi-ship ng love team n'yo."

Natawa siya. "Wow, ha?!"

"Well, pareho kayong single, why not, 'di ba?"

"Feeling ko talaga magpapa-fiesta kayo kapag kami nagkatuluyan."