نتيجة عشــقي بنآتي

part16

غدير:  يلا لعد امشونه وصلنه وسلم وراح وبراء استلمتني

براء:  ادير منو هذا وليش هيج يحجي وياج ووين يعرفنه وليش سئل عني ووين اهله

غدير:  علا كيفج وحدة وحدة يمعودة هذا وسام ابن بيت ابو مهيمن الي جنتهم البنيه ايلاف اعتقد شفتيها بالفاتحة مو

براء:  ايي شفتها كاعدة يم بنات اثنين

غدير:  اي هدى وبثينه خواته وهاي الثامية ام عيون صفر ياسمين زوجة عصام اخوهم الثاني. وآماسي زوجة وائل الثالث

براء : ممممم زين وهذا وين زوجته

غدير:  ممتزوج وسومي عمرة صار 23 ولحد هسه ممزوج يريد وكدة عله مزاجة

براء:  هااا بس البنات هذن بقن هواية ويانه وين تعرفنهن

غدير:  ايلاف صديقه جواهر المقربة واخت ايلاف البنيه نور البيضة النعمة ام عيون زركة كبار شفتيها

براء:  يي شفتها

غدير:  هاي اخت جواهر وتصير زوجة اخو ايلاف

براء:  اهاا اكول اجن كولهن   بالفاتحة

غدير:  اي وبثينه وهدى وهالة وامآسي صديقاتنه بالمدرسة نعرفهن وادن واجب

براء:  ها يلا عجل خلي نشوف هومة وجواهو كملن لو لا

غدير:  فتنه للبيت ولكينة هيام كاعدة وتحاجي برفعت وعبوسي بحضنها شكد حنينه هل هيام يربي

هيام:  هاا بعد كمل كلشي ضلت بس غدانة تعالن اكلن ودحكي براء علا الاكل اذا برد حرري وصبي وجيبي هين. الجو طيب نكعد نتغدة

براء : حررت الاكل وبدين اصب واني منضرة ببالي مرايح مني عيونة صغار ومن ضحك شوية بقه منهن واسمراني وعيونه لونهن بني غامق ولحيته خفيفه وصوته

خشن وبي بحة وشعرة مو عالي انما خفيف وجسمة مقبول ضعيف وطويل بس مو كولش متوازي صفنت وية نفسي شبيه اني فصلته للولد تفصال وهيه مرة وحدة

شفته شو اني صايرة ماستحي اوووف شيي الفكرة من راسج براء وصبي الاكل لاهيام تصبج وتاكلج انتي من يتاخر اكلها. كعدنة ناكل شوية بس علمود ثواب اختي

الي اني ممتعودة عليها بس مهما يكون اختي وغالية عليه واتذكر من اجتنه تبجي وتتوسل بأبوية يسامحها وابوية ياجبل مايهزك ريح ولاتحرك گليبة ورف لبنته معقولة

ابوي يحبنه والله صرت اشك بي رفعت تاكل وتلتف انتبهنالها وعرفنه وقتها علا منو دتدور علا امها تفتقدها وتريدها وتنتضر عسى ولعله تجي ويانة ياريت لو كلنة

برائتها لهل رفعت كملنة وغسلنه المواعين وتهاني راحت لبيتهم هذاك هلقترة هيه هناك ماعرف شنو عدها وشسوي بس ممرتاحة

غدير:  لاحضت تهاني هواية تتختل وتروح لهذاك البيت ورنين صارت قليل تجينه هناا شنو الموضوع ماعرف بس گلبي حاسني صاير شي تركت الموضوع ماهتمين تجي

تهاني وافهم منها 😕 اما رنين موضوعها موضوع من يوم زواج وائل وهيه مو هواية تسولف وبعدين صابتنه مصيبة كحلاء وسماح وسيدرا الي صار عمرها اربعين

يوم غسلتلها وبدلتها وكعدتها يمنه جانت رغم صغر سنها بس دبدوبة وعيونها كبار كولش ولونهن بني فاتح وشفايفها مبينه منفوخة وانفها ناعم وشعرها ثخين

وهيه صغيرة وبيضة كولش بشرتها شالتها هيام وهيه تبوس بيها وتكول

هيام:  فدوة للخلقها تجنن تنطي شبه لكحيله

براء:  يي صح نفس العيون والشفه وحته البياض كولش بيضه

غدير:  ايي صح اني هم لاحضتها بس كلت خاف متوهمة

بجت براء وهيه تحضن سيدرا الي بس تباوع علينه ومفتشة عيونها وحجت من بين دموعها هيج يافرح تكبرين ونشوف بيج اختنه هيج ياعمري اشوف بيج اختي الراحت

من يومها سميت سيدرا فرحتي ولان هيه فعلا اول فرحة الي بالدنيا واول طفلة راح تكبر وتصيحلي ماما ماعرفت الزمن شنو ضام النه

قلوب تحطمت وقلوب بدأت بالانكسار
وهنالك قلوب لما يبقى منها إلا فتات
عيون دامعه كأنها بحر ماء ابتسامات ضائعه
أطفال تيتموا فكم انتي قاسية إيتها الحياة
وما الذي تخبئينه بين طياتك لي فضلا ياحياتي
هلا كنت هادئة قليلا فداخلي بدأ يتحطم احمل جزء
لاضعه فوق جزء فيسقط الأثنان اين النهاية
ومتى النهاية وكيف النهاية ومن اين ستبدأ

.
.
.
.
. انتضروني ببارت اخر احبائي واتمنالكم قراءة ممتعه

صوتوا فدوة محتاجة دعمكم للقصه تلمود تنتشر لان مشاهداتها قليله ★★★ ★