ترتبه وتاخذ ملابسهم وبعدين طلع محمد وحيدر طلع من زمان علي راح يوصل جواهر كعدت افكر شنو راح يصير معقولة هلناس هيج هسه انكشفت وجوهم وحيدر
اولهم وشنو نهايتي وياه وين راح اوصل وبنتي وابن سماح الي خاله بعد مسأل عليه من يوم الي راح لو جهال كحلاء وين يصفه بيهم الزمن من طلعوا انتبهت لهيام
شون بجت وتذكرت كلام حيدر بنو محمد ياخذ هيام يعني بينهم علاقة بس يمته صارت وشو لامحمد يروحلهم ولاهيه تجي سكتت مردت اتدخل بشي ميعنيني
هيام: غدير غدير
غدير: هاا هيومة
هيام: وينج صار ساعه احاجيج صافنه شبيج
غدير: ها لاهيج افكر
هيام: تعالي وعوفي التفكير خلي نسوي ثواب على روح كحلاء ونوزعه للناس
تهدأ وتسكن روحها
غدير: تمام تعالي بدينه نطبخ الدجاج وكعدت هيام تلف دولمة واني اسوي حشوة للسمج الشوي وبراء تسوي لفات لحم وكبب بعدين كملت رحت سويت برياني وبراء
نضفت البيت هيام خلت الدولمة علا النار وكعدت تكصص زلاطة فاتت جواهر وجانت منضفه البيتين وماخذ ملابس لاجهال وكاات راح اسوي حلويات وهم سوت وكملنه
شغلنه كلنه كعدنة صبينه وكل وحدة بينه طلعت توزع خلينه نوعيتين ووياهن حلويات وناخذهن للبيوت الي قريبن علينه اني وبراء وجواهر دنوزع وهيام من نرجع تخليلنه بالمواعين كملنة كولشي ورجعنه للبيت وبراء ووجهة أصفر
غدير: براء شبيج ليش هبج وجهج اصفر صاير شي
براء: هاا لاماكو شي بس الناس ماعرفهم فاستحيت من وزعت
غدير: عادي متعودين عليهم هذول جيرانة كولهم وناس طيبة اهل هل منطقه
نحجي واحنه دنمشي بالشارع وصادفنه وسام ابن بيت ابو مهيمن
وسام: سلام عليكم خوية غدير شونج
غدير: اهلا وسام شونك شخبارك
وسام: الحمدلله والله دراسة ومالحك حته اجي للبيت
غدير : عاد اهل البيت شون جارعين اعصابك
وسام: ههههههه لامتحملين صار عليهم روتين يومي
غدير: الله يوفقك وسومي
وسام: اكول غدور منين هل حلوة الي وياج
غدير: اباوع على براء وجهه شون الدم صار مو حجه هيج جاوبته
هاي بنت عم زوجي. واخت كحلاء زوجة علي الله يرحمها
وسام: الله يرحمها والله كحلاء انصدمنة بيها الله يرحمها برحمته الواسعه منكدر نعترض على حكم ربنه
غدير: امين يارب يلا وسومي نتعذرك تاخرنة
وسام: اخذي راحتج خوية بس تعالن خل اوصلجن زحمة اعوفجن هنا
YOU ARE READING
نتيجة عشــقي بنآتي
Romanceفتاة في ال 16 عشر من عمرها تتزوج لتلد ثلاث بنات ماذا سيحصل لها لنعيش معها في قصتها احدى الفتيات العراقيات تاخذ فيما بعد قصتنا منحدر آخر إلا وهو قصص حب بها انتهت بالزواج وبها انتهت بسبب مايسمى بتنضيم داعش شباب وبنات يعيشون قصص حب داخل قصه واحدة (قصه...
part16
Start from the beginning
