Last Night

Chapter 22

Magsasalita pa sana ako nang magbukas na 'yung LED. Narinig ko naman ang hiyawan at palakpakan ng buong madla.

"What's up Madlang Peopleeee!!" Masiglang sabi ko sa mga taong asa harap ko at kumaway sa kanila. Kitang-kita ko naman ang mga ngiti at sayang bumabakas sa mga hitsura nila.

"Ako'y mahilig umawit kaya't puso ng marami'y naaakit. 'Yun nga lang kapag nota ko'y sumabit, tiyak lahat ng tao'y maririndi----"

"Grabe kayo." Sabi ni Anne sa mga writers. Narinig ko naman ang tawanan ng buong madla.

"Anne, perfect na perfect 'yung description sa'yo. Good job mga writers! May pa-pansit ako sa inyo ngayon." Sabi ko sa mga ito na ikinatawa lalo ng madla. Napatingin naman ako kay Anne and as always, lagi siyang nagpapa-cute at nagpapa-awa kapag naaapi. Hahahaha!

"Balakayojan. My name is Anne.."

"Curtis!"

"At ako naman ang bading na miminsan na nga lang umibig, palagi pang nasasawi."

Aray. Ansakit non ah. Narinig ko naman 'yung pag "aww" ng madlang people.

"Dahil sa sinulat ng writers, babawiin ko ang papansit ko sa inyo." Sabi ko sa mga ito na ikinatuwa uli ng madla.

"Ako si Vice.."

"Ganda!"

"And this is, Ms. Q and A!"

---

Round 2: Wit Lang

"Halika na contestant no. 2 para sagutin mo ang iyong katanungan." Ani ko at agad din naman niyang ginawa.

As much as possible ay chichikahin ko muna itong contestant na 'to. Pampa-overtime ganon para kapag tatawagin ko na si Jaki, mas kakaunti 'yung oras na makakausap ko siya. At least, sa paraan na 'yun hindi ko siya masyadong mahaharot, hindi aapaw 'yung kilig ko. Eh paano ba naman sa tuwing babanatan ko 'yun grabeng linyahan din 'yung binabato sa akin 'te! Sumasabog 'yung puso ko dahil sa kilig at kaba.

Nakikita kong sumesenyas na si Ate Mercy pero dedma si ako. Basta chichikahin ko pa 'tong contestant na 'to. Walang makakapigil sa'kin!

"Vice overtime na daw. Tawagin mo na girlfriend mo." Ani ni Anne na nagpatigil sa akin. Napatingin ako kay Anne pero agad ko ding binaling 'yung tingin ko sa contestant at kinausap ito.

"So lately anong mga pinagkaka-abalahan m-----"

"Vice."

'Jaki....' my mind uttered.

It was her who called my name. The lady whom I can't stop thinkin' about. The one who always make my heart flutters. The person who always makes me smile.. and at the same time... also makes me cry.