القبطان.. الجزء الثالث...(سلسله نساء مقهورات)

الفصل السادس عشر

فكم جميل أن يظل هناك بداخل روحك ذلك الطفل الصغير يظهر كل بعض من الوقت ..تصرخ وتضحك وتبكي وكانك طفلا صغيرا..
فما اجمل الطفوله والاطفال..
ــــــــــــــــــــــــــــــــــــــــ
بالجيم..
فاطمه..
استدارت لذلك الصوت التي بات يشغلها ليلا ونهارا..
نعم..
عاوزك شويه..
أومأت وذهبت باتجاه غرفه الاداره..
نعم
تنهد بتعب من محاولاته الفاشله طيله عام معها..
لكن بعدما أخبره اكرم أمس انها سالت واخيرا عن ماحدث له وماعاناه..وهو يامل ان يكون رق قلبها له...
فاطمه...انا..سكت ولم تسعفه حنجرته..
ولكن ذلك التعب الذي شعر به من قبل عاد له ولم يستطع ان يتكلم..
فظنت انه لا يجد ما يقوله..
رفعت نظرها بغيظ..فصدمت بوجهه المتعرق بشده..
فاطمه بفزع..أدهم..فيك ايه..
انت كويس..
كانت تعابير وجهه المتالمه ما تتحدث بدلا عنه..
اقتربت مسرعه
تسنده بيد مرتعشه
وقلب يان ألما لرؤيته هكذا..
ادهم..بتعب.. وحروف متقطعه.. بحبك يافاطمه..وهفضل  أحبك العمر كله..
انا عشت عمري كله مخلص ليكي..صدقيني..
فاطمه ببكاء..ادهم..
أدهم..قولي يافاطمه..قوليها مره واحده..عاوز اموت مرتاح..
فاطمه..بخوف وحزن..لالا..مش هتموت اهدي..
ادهم..قوليها..قولي انك مسمحاني..
فاطمه.بسرعه..مسمحاك والله مسمحاك...ياعمري كله..
مسمحاك..
و
بحبك والله بحبك..
ومع اعترافها ذهب بعالم اخر..
ــــــــــــــــــــــ
بعد ثلاث ساعات..
كانو يقفون جميعا امام العنايه المركزه..
اكرم وماجد وفاطمه وسالي..
ينتظرون افاقته..
خرجت الممرضه....تسأل
مين فيكم فاطمه...
فاطمه..بلهفه..أنا.... هو كويس..طمنيني بالله عليكي
الممرضه.أيوا كويس..بس هو عاوزك جوا..
ماجد..بغيظ..كدا يابابا تنساني
..طب اجبر بخاطري وقول عاوزك ياماجد..
اكرم بحده..يأاخي اتلهي..هو دا وقته..
ماجد بغيظ..بقولك ايه ياابونسب انت سيبني في حالي..
امك جننت الراجل علي كبر..
اكرم بتريقه..كبر ايه يابني..
دا ابوك اصبي منك انت شخصيا...
ال كبر ال..
وبالداخل..
اقتربت منه وجلست بجانبه..
قائله..
حمدالله عالسلامه ياادهم..
ادهم بتعب ولكن لم يؤثر علي فرحته ولمعه عينيه
ادهم..فاطمه انا اللي سمعته قبل مااتوه دا حقيقي..
بجد سامحتيني..
اومات وقد اخذت قرارها وخصوصا بعدما سمعته وحدث منذ قليل..
flash back.
حينما أتوا الي المشفي وصنف الاطباء حالته علي انها بوادر ذبحه صدريه
والحمدلله سيطر عليها.
هاتف ماجد اخته..لتري والدها..
ولكنها تفاجأت بقدوم ميرفت معها ودارت حرب النظرات واشتعل الماضي ك اتون حرب داخل عيونهم.
طردها ابنها شر طرده ورحلت ابنتها تضامنا معها ولكنها ولحسن حظها..كانت ذهبت باتجاه الاستقبال حتي تنتهي زياره تلك الخبيثه..ولم تعرف ان ابنها طردها..
فوجئت بها تحدث ابنتها بغل..
ولم تري تلك التي تستند علي سور الاستقبال..
واستمعت غصبا عنها لما قالوه..
مين دي ياماما..اللي كنتي بتبصلها بغل اويي.
ميرفت..بغل..دي الماضي اللي فشلت انا فيه
دي الست اللي فضل ابوكي يعشقها السنين دي كلها..
داليدا..بصدمه..متقوليش دي الست اللي اتهمتيها في شرفها وخليتي ابوها يجوزها لابن عمها غصب عنها..
ويبعدوها عن هنا..
ميرفت بغيظ..وياريتها بعدت..مع اني اديت الكلب ابن عمها فلوس عشان يذلها ويقول ان فعلا مهياش بنت بنوت واهلها يتبروا منها...
الا ان اظاهر ان الماضي مأثرش فيها...وزي مهيا...لا وأحلي واصبي من الاول كمان..
بس اللي هموت واعرفه ازاي اتجمعوا تاني...
تفتكري اتجوزها..
داليدا..معرفش يامامي..
وانتي ناويه تعملي ايه..
ميرفت...مش عارفه بس لازم انتقم منهم واعرفهم مين ميرفت...
داليدا..بخوف..اوعي تأذي بابا مش هسمحلك..
ميرفت بغيظ...انتي تخرسي خالص..
داليدا بحده..لا مش هخرس واياكي تفكري بس تأذي بابا...مش كفاية استحمل قرفك السنين دي كلها..