ياسر بنص عين: عااجبج شكلي
اسيرة بتوتر: هاا لا يي قصدي ردت انزل ومردت اكعدك
ياسر: ليش متكعدين وراي روحه التحق
اسيرة: ييي خل احضرلك الحمام وانزل اسويلك ريوك و....
ياسر قاطعني: اممممم يصير اسبح واني ممسوي شي وبقه يجفص بسوالفه لما ...... نزلت حضرت ريوكه وسبح وبدل وطلع ودع اهله وراح ....
مشت الايام عادي صار شهر وهوة مجاي ورة يومين عمتي واني والبنات بصاله
عمتي: هاا يالصفراا ماوراج طفل
اسيرة بقهر: عمه الرزق من الله
عمتي: هاا تعرفين الله ولج انتي ام السحورة ساحرة لزوجي ولابني
هند: يمه شتحجين مو كافي ع البنيه مسويهه مكفخه
ليان: زمخت بهند هنيدة معليج بسوالف الكبار امي اتحاسب لتدخلين فاااهمه وعدهه حق شو ليهسه مصار طفل
عمتي: لو نكول مقصر ماشي بس كل مايجي وانتي وياه الضحكه والدلع واصله ديرة
هند: يمه يا دلع كل ما يجي مزورك جسمهه ومشوهه كاافي عاد ...وكامت طلعت
اسيرة: عمه ليش تكرهيني
ليان: ومنو يحبج حته تسألين امي ...بعدين يمه ليش تسألين بيهه زوجي ياسر مرة ثانيه فوك راسهه تجيبلج الحفيد
اسيرة بقهر وكامت: اذا يرضيكم سو لتريدو بس اعتقوني من الكفخات وتهيجون ياسر عليا
عمتي: ولج صدك ممربايه احنه نهيجه عليج لو من سواياتج الشينه
اجه ياسر
ياسر بتعب: السلام عليكم ..وفتح بسطاله
الكل: وعليكم السلام
عمتي: هلا بوليدي هلا بعد هلي يمه شهالغيبه متكول اهلي
ياسر ذب بسطاله وشال جنطوه: يمه مجنت العب جنه انذار ماكو نزله للاهل وهسه تعبان ..باوعلي كال ..حمام بسرررعه
اجيت سحبت جنطه منه وطفرت ركض احضرله الحمام داعلك الملابس بالحمام فات
ياسر: سبحيني تعباان
اسيرة بخجل: هاااا ..وبلعت ريكي
ياسر اتقرب : شبيج صفريتي يله اني اسبح ...باس راسي وكال اشلونج
اسيرة بخجل: زينه بشوفتك رجع باسني بعيوني وكام يبدل يريد يسبح بسرعه طفرت وسديت الباب حته انزل سمعته يضحك ....بس شلون افرح وعمتي ممقصرة
ثاني يوم كاعدين كلنه ورة الغدة منجمعين واني كاعدة يم ياسر بس قربي ع هند
عمي: يابه شون وضع الانبار والموصل
ياسر بقهر: يابه الوضع ميطمن ويمكن تكريت حتسقط بيدهم وضحايا من المدنيين بعلج ومي بارد والله قهر ولعبان نفس
