طبقة عقل منخفضه

بداية وقحه و مخجلة

(12:00)pm
على الرغم اني جنت نايمه 15 ساعه بس احس بنفسي بعدني تعبانه سحبت روحي من الفراش واحس كل جسمي متكسر حسيت خطوات للحمام تنقاس ب km المراية اللي بالممر عليها طبقة تراب و وساخه لدرجه ما اكدر اشوف نفسي دخلت للحمام و الماي جان بارد لدرجه قررت ما اغسل طلعت و رجعت لغرفتي كعدت بالزاوية و ذاكرتي تأشر على الصفر ما اذكر شي كاني استوني مولوده و ماعندي حياه خطر على بالي الميزان فقررت اكوم اقيس وزني بعد المصيبة السويتها بحق نفسي اسبوع كامل من إعلاني للرجيم بس ما خليت شي ما اكلته
سحبت الميزان من جوة الميز صعدت هي نظرة بس تمنيت انعمي من وراها كلمه Relly ضليت ارددها وزني 69
نزلت و رجعت للزاوية بديت أفكر اوكي ما افكر الشيطان وسوس هي ضلت على كيلو خل اكوم أكل صارلي 15 ساعه ما ماكلة
نزلت وجان المنظر الكدامي يدل على كارثة صايرة بالبيت لدرجه شكيت هذا بيت اوادم
قذارة قذارة بكل مكال الغراض بكل مكال يكول حرامي داخل بس لو حرامي داخل مايعفس بكدي
رحت للمطبخ على نفس الحالة
فتحت البراد وشتميت ريحه جيفة ك أنو شخص ميت بيها و كلت اوووف شنو هاي اباوع على الجبن وطبقة عفن ابيض على اخضر عليها والطماطه ذابة مايها وصايرة بيضه و ما احجيلكم على الخيار والجزر الرائحه قذرة خلتني اشمئز من نفسي سديتها
فتحت الكاونتر عسة الكه شي اكدر اكلة  و فجاءة صارن عيوني قلوب من شفت حبوب الإفطار سحبته بسرعه واخذت كاسة و مليتها منه ماجان عندي حليب فاضطرين اكلها وية ماي مو مشكلة ورى ما انتهيت سحبت نفسي للصاله فتحت التليفزيون و خليته على برنامج خواطر بعدها على فلم وراها على البرامج الصباحية فقرة الطبخ لان كاعده ب 12 ما ضل شي ينعرض تنهيده وراها وراها طفيته
افتريت بالبيت و اسوي رقصات اعرفها وبين خطوة وخطوة اضرب بالعراض كل هذا ماجان يصير لو عندي صديقات هف
ملل
وراها دك التلفون
اش (لعنه)
هذا ابوي
الو هلو بابا شلونك
هلا انتي شلونج
اني زينه
احنه باجر راجعين
(كلتها بقلبي)Oh my gosh
اوك حياكم مشتاقتلكم اصلا والبيت فارغ
(جذب اصلا مرتاحه)
سديت الحظ و صرخت ربي شتظف شنو اخلي اشكلت وبلشت انظف لميت زباله تقريبا انجزت 60% من البيت لميت الملابس وشغلت الغساله ونظفت الثلاجه وهيج خلصت بس كان الوقت 8ونص حسيت بالجوع لاني ما اكلت غير حبوب الإفطار فكلت خلي اطلع أسوق غراض سديت الباب وراية واخذت المفتاح وجنت امشي بسرعه سرعتي اضاهي سرعه الباسكل أمشي بسرعه لان اريد اوصل لسوبر ماركت بسرعه لان ما عندي ثقة بنفسي احس الناس اضل اتباوعلي اذا مشيت على كيف عيوني على الارض و بين فترة وفترة أرفع عيوني وانا قريبة على السوبر ماركت شفت شخص ابغض الناس الي وهو بس شافني صااح ها البطه لا يالله الشارع متروس ناس وحسيت الناس كلها اتباوعلي قلبي ضل يدق بسرعه وضليت اتنفس بسرعه احس الأدرينالين صار 100% وعبة جسمي افتريت و رجعت بسرعه للبيت وانا بالطريق جنت احس عيوني جاي يدمعن وية سرعه دقات قلبي محد يتمنى يتعرض للتنمر بسبب شكلة رفعت ايدي و ضربت قلبي وكتلة أهدأ أهدأ و طب اصتدمت بعمود ما اعرف منين طلعلي بس يمكن نحرفت بمساري وانا رحتلة برجلي ااااي احس راسي كلة ورم رجعت خطوات ليورى وطب مرة ثانية اخ يا الله بيمن انصدمت هاي المرة و اتخلخلها صوت هووووووووب على كيفج درت راسي على كيف ليورى وعيني على الارض وبينت الكارثة السويتها طبقات البيض مطشرة على الارض وصايرة الارض على لونين ابيض واصفر مطشر على البلاط رفعت راسي ليفوك gosh شنو اشوفه عيوني هذا مو شاب هذا ملاك شنو هل جمال شنو هل عضلات بدت روحي تطلع وهيه اتوصوص يالله شنو خلقت وبهذيج الوقت سهم من الكلمات فجر كل القلوب الدارت فوك راسي خلت روحي ترجع لمكانلها بصوت نبرة حاده انتي ما اشوفي ماعندج عيون سحبت كلمات اسفة من فمي بالكوة رد علية وانا شنو اسوي بهذا الاعتذار خسريلي فلوس طبقة البيض يلا ومد ايده كتلة اي طبعا طبعا فتحت محفظتي ونطيته 5000BG وكلي بعد وحده روحي من جوى صاحت هااا ما اكدر اعانده لان انا الخطأنه انطيته وانا ادري فلوسهن بس 5000BG بعدين عاط علية وكال شايفة كل هذا البيض نظفي من الكاع وخله و مشة ظلت عيوني علية وكلت يالله انته انطيته كلشي الا الأخلاق رجعت لبيت وشعور غريب وسئلت نفسي سؤال ممكن يتعامل وياي بصورة لطيفة لو جنت أضعف و احلى جان قلبي منكسر و صورتة الحلوة ما فاركت بالي .....

يتبع