المقادير : مراح احدد الكميه صدر دجاج حسب المتوفر عندكم ولية غنم تصير ربع كمية صدر الدجاج الافضل او تكدرون تخلون شحم وبصل وثوم وليمونه وطحين
الطريقه : في محضرة الطعام او ثرامة اللحم نثرم صدر الدجاج والليه او الشحم والبصل حسب الرغبه شكد متخلون ميخرب ونخلي سنين ثوم بعدها نبرش نصف ليمونه وهاي الخطوه مهمه جدا بعدها نعصر قليل من الليمون حسب رغبتكم ونخلي الطحين ونكبكبه ونگلي بزيت والف عافيه
عن جد الطعم رهيب ويستحق التجربه
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
الطبق الثاني حامض شلغم
المقادير : كوب تمن عنبر او ياسمين ربع كيلو لحم بعظم وربع كيلو لحم مثروم وسلگ وشلغم وتمر هندي وبصل وكرفس ومعجون وعصير طماطا وطحين تمن ناعم جدا وكمون وفلفل اسود وسبع بهار وبهار مشكل وكركم
الطريقه : قبل كلشي نجهز الكبه نخلي طحين التمن تقريبا كوب ونخلي علي كركم وملح ونضيفله مي تدريجيا لمن ينعجن وراح تكون العجينه قويه ع جها نحمس اللحم المثروم مع البصل ونضيف البهار الي تعجبكم راح نسوي كبه مثل الكبه العاديه اذا عرفتوا للعجينه زين ع زين والي ميسيطر عليها تگدرون تضيفون برغل ناعم وي طحين التمن راح تتماسك اكثر لمن تكملون الكبه تخلونها ع جها بعدها انگع التمن ونخلي ع جها ونخلي اللحم ع النار لمن يستوي نصف استواء نحمسه ونخلي ويا بصل بعدها نثرم السلگ وتقريبا حزمه وحده مو اكثر وبعدها نضيف الكرفس وهم راح تكون حزمه كامله ونحمس بيهن وي اللحم بعدها نضيف المعجون ونبقه نحمس بعدها نخلي البهارات المذكوره نضيف عصير الطماطا نسلگ الشلغم ع جها لمن يستوي نخلي ع جها انگع تمر الهندي تقريبا 3 اكياس صغار لمن يفور المعجون وعصير الطماطا نضيف التمن لمن يستوي التمن نضيف التمر هندي وبعدها نضيف الشلغم ولازم يكون القوام مو ثخين لازم بي خف قليل يعني اذا عايز مي نضيفله ونخلي ملح بعدها نضيف الكبه وراح تتذوقون الحامض شلغم وراح توازنون النكها يعني الطعم اذا معوز حموضه ضيفوله ووازنو الحموضه وي الملح وتوطون النار لمن يستوي ع الاخير والف عافيه
