(سوف تندم)
#Akbal_Mahameed
&&&&&&&&&&&&&&
سكت شويه وكال هههههه تريدين الصراحه ..
ايي
بس مو تتخبلين وتهوسين
لا راح وقت الغيره .
لعبت بس شويه
يعني رحت لبنات
سكت
احجي لا تسكت .
ايي يا ياسه تريديني اكلج ايي
ايي رحت شسوي اذا انتي هاملتني ..
باوعتله بصدمه وهزيت كتفي كتله عادي شسويلك اصلاً اني تعودت على خيانتك ..
عفته وكمت للحمام هذه بله يحجي صدك لو يكذب
غسلت وجهي وهدئت ردت ابقى هادئ واشوفه ليوين يريد يوصل
طلعت شفته بعده كاعد يلعب بموبايله..
مشطت شعري ورحت تمددت يمه انطيته ضهري ونمت ..
هستوني غفيت وحسيت بي دارني عليه وحضني دفعته بكل قوتي ..
هاي شبيج ياسه.
وخر عني وخر اياك تلمسني .
شبيج .
مابيه شي وخر عني ماريدك كااافي اطلع من حياتي يااخي كارهتك وماطايقه حياتي لان انته بيه شوكت تحس ..
بعدني احجي وضربني راشدي انركع راسي بتاج الجربايه ..
سدي حلكج ادبسز لا ادفنج..
ادفن براحتك لك اموت ولا اكمل حياتي وياك.
هو سمع كلامي وتخبل كام يشيل بالغراض ويركع بالكاع.
ويصيح ادبسز ساق*** كلبه تبقين تحبينه وماتنسينه ليش ولج دمرتي حياتي كلبه حتى ابني تريدين تسمينه على اسمه الله ياخذج الله ياخذني ويخلصني.
اييي اسمي عمر وغصب عنك هذه ابني هذه سندي بالدنيا اصلا اخذ ابني واطلع من حياتك ابقى انته ويه الساقط*** والعارهات مالتك انته اعوج وتبقى اعوج عمره العوج ماينعدل..
تقرب جرني من ايدي
انتي ليش صلفه هيج وماتنكسر عينج ..
وخررر ايدك عني وخر قذر...
ضربني راشدي بكل قوته خله شفتي تطك دم
ادبسز الزمي لسانج لا اكصه الج ومحمد ..
ماسكت مااسكت لشوكت ابقى ساكته لك مااحبك والله مااحبك ولا بيوم راح احبك
سكتت بس دموعي بقت تكت .
الصار كله مو غيره اقسم بالقرآن مو غيره بس حسيت حياتي انتهت حسيت نفسي تورطت بطفل من عزيز وهو بعده على سوالفه العوجه زين شنو مصيري اني والطفل صح ماكدر انسه عمر لليوم لان مستحيل انسه ادري بنفسي بس اني كدرت اتقبله كزوج كاي ابنيه تزوجت زواج تقليدي بس من اعترف بعين صلفه كدامي ماكدر اتقبله حتى زوج
دار وجهه يريد ينزل كتله قبل لا تطلع اسمعني
باوعلي وهز راسه بمعنى احجي
من تزوجنه واني كمت احاول اتقبلك كزوج وتقبلتك صح صعب وحبي لعمر مانسيته ولليوم ابجي عليه لانه وفي وماكدر احبك تدري ليش لان انته اصلا ماتعرف تحب تره ماكو حب اذا ماكو وفه وانته اصلا مااتعرف الوفه فلا تجي هسه وتحاسبني وتضربني على حبي لعمر اعرف تحب وتوفي قبل لا تحاسبني
تقرب وكف يمي وانتي تأكيدتي اني خنتج
لج بابا اقسملج بالقران ماخاينج لو بنضره خوش
لج صيري فهيمه واعرفي شلون تحجين كلامي وياج قبل شويه علمود اغيضج لا اكثر ولو تفتهمين جان عرفتي اكذب عليج لج من يوم الي ماتت البنيه بسببي واني حرمت عليه كل بنيه غيرج وفيت الج من كل كلبي
أنت تقرأ
سوف تندم
Romanceنحن في مجتمع شرقي يمجد الذكر ويظلم الانثى يتجاهل اخطاء الذكر ويتغاضا عنها .. لكنه يدقق باي خطأ يصدر من الانثى .. لكن ليس في كل مره الانثى هيه من تخطأ وتتحاسب الذكر ايضا يجب ان يقف ويقال له مهلً ياادام فحواء خلقت من ضلعك من الضلع الذي يحاوط قلبك لكي...
