الحلقة السادسة :
(. جاب عمرو لـ يارا زجاجة مياة وكان بيبسى .)
عمرو : كل حاجه متبرشمة اهى عشان متقوليش انى هحطلك مخدر
يارا : thanks ، عايزة بلكونة بتبص على الشارع عشان اشوف بلال مشى ولا لا
عمرو : البلكونة اللى فى الوش دى
(. راحت يارا بصت على بلال لقيته لسه تحت ، فدخلت تانى وقعدت على كنبة الانتريه ، عمرو جه قعد جنبها و .................. .)
*_____________________________________________**___________________________*
(. راحت يارا بصت على بلال لقيته لسه تحت ، فدخلت تانى وقعدت على كنبة الانتريه ، عمرو جه قعد جنبها و مسك ايدها .)
يارا : خلصت
عمرو : اه
يارا : طب يالا
عمرو : انتِ مالك خايفة كده ليه
يارا : مش خايفة ولا حاجة
عمرو : طب اتأكدى ابن عمك ده مشى ولا لا
(. راحت يارا بصت من البلكونة لقيته لسه تحت .)
يارا : لسه تحت
عمرو : انا اللى اعرفه انك مبهمكيش كلام حد
يارا : بلال يقدر يسوء سمعتى كلها فى العيلة بس لو شافنى بعمل حاجه غلط
عمرو : بكرة نتجوز ان شاء الله وكل واحد هيتلم
يارا : الشقة حلوة اوى ، ده ذوقك ؟
عمرو : اه ذوقى انا وماما كمان
يارا : ذوقكم حلو
عمرو : انتِ مالك واقفة بعيد كده ما تقعدى
يارا : مفيش
عمرو : انتِ خايفة منى ؟
يارا : لا انا مش خايفة
(. قام عمرو وقرب من يارا ولكنها كان باين عليها القلق من عمرو فبعدت عنه .)
عمرو : متخافيش متخافيش (ومسكها من ايدها وباسها فى جبينها) ، انا هنزل استناكى فى العربية اول ما بلال يمشى اقفلى باب الشقة وتعالى
(. بعد شوية كان بلال مشى ويارا نزلت لـ عمرو وراحوا مطعم على النيل .)
*_____*_____*____*
فـــى الــمـطــعــم :
عمرو : انتِ ليه كنتى خايفة واحنا فوق
يارا : لا مكنتش خايفة
عمرو : هههههه يا كدابه ، واصلاً انا مش زعلان انك خايفة ده طبيعي يعنى بس انا عايزك تطمنى وانتِ معايا لانى عمرى ما هعملك حاجة تضرك وبعدين انا يوم ما اتمنيتك اتمنيتك فى الحلال
يارا : بجد يا عمرو انت احسن انسان قابلته
عمرو : انا بحبك اوى يا يارا بجد
يارا : وانا بحبك اكتر
(. موبايل يارا رن برسالة .)
يارا : دى مسج
عمرو : مين
يارا بتقرأ فى سرها : يارا ابقى كلمينى ضرورى ، وحشتينى اوى
عمرو : مين ؟
يارا : ده بلال
عمرو : يادى ام القرف ده انتِ مش قولتى هتغيري ام الشريحة
يارا : والله يا عمرو انا ناوية اغيرها بس لما اجيب رقم جديد واعرفه لبابا واخواتى
عمرو : لما نشوف
يارا : خلاص يا عمرو متزعلش
عمرو : انا مش زعلان انا قرفان كل شوية معلش يا عمرو متزعلش
يارا : سورى
عمرو : هتكلمى ابوكى النهاردة
ياار : حاضر
عمرو : لا مش حاضر دلوقتى حالاً
يارا : دلوقتى ؟؟
عمرو بزعيق : ياااالا
(. رنت يارا على ابوها واتصل بيها .)
يارا : اذيك يا بابا
اشرف : تمام وانتِ يا حبيبتى
يارا : تمام يا بابا ، هو حضرتك جاى امتى
اشرف : لسه مش عارف
يارا : يعنى مش هتجى الصيف ده
اشرف : يا بابا انا فى الشغل مش وقته هبقى اكلمك بعدين سلام
عمرو : هااا
يارا : هيكلمنى لما يروح
عمرو : لازم تقنعيه بقى
ياارا : حاضر
(. اتغديت يارا مع عمرو وخلصوا .)
عمرو : هوصلك عند عربيتك اوكى
يارا : ماشى
(. عمرو ركن عربيته .)
يارا : ايه ده رايح فين
عمرو : ثوانى وجايلك
(. رجع عمرو بعد شوية .)
عمرو : اتفضلى
يارا : ايه ده
عمرو : ده خط جديد ابعتى رسالة بالرقم الجديد لاى حد انتِ عيزاه
يارا : حاضر يا حبيبى
(. عمرو وصل يارا لعربيتها وبعد كده روحوا .)
*_____________________________________________**___________________________*
فى بيت اهل عمرو :
كريمة : كان نفسى عمرو يخطب لميس بنت اختى
جلال : بس هو بيحب واحدة تانية
كريمة : انا بقول كان نفسى
جلال : ربنا يكمله على خير ، هى لميس متخطبتش لحد دلوقتى
كريمة : بتحب عمرو ابنك
جلال : نصيب ، انا كنت فاكر عمرو بيحب لميس مكنتش اعرف انه عينه على غيرها
كريمة : ربنا يكرمها
جلال : ان شاء الله
(. هنا جه عمار .)
عمار : انا عايز اسافر
جلال : تسافر فين
عمار : المانيا لعمر اخويا
كريمة : يا مصيبتى مش كفايه عمر
عمار : ماليش دعوة عايز اسافر
جلال : عايز تسافر امتى
عمار : علىى الصيف الجاى
جلال : خلاص لما يجى الصيف نبقى نتكلم
عمار : انا كده كده نسافر (ومشى)
جلال : عمر بيستعبط مش كفاية هو
كريمة : مانت عارف ان عمار بيقلد عمر فى كل حاجه
جلال : ولادك دول مفيهومش الا عمرو
كريمة : ربنا يخليهم لينا ويهديهم يا حاج
*_____________________________________________**___________________________*
فى بيت الامــارات :
(. اشرف اتصل بـ يارا .)
اشرف : ايوة يا حبيبتى خير
يارا : انا فى واحد عايز يتقدملى فـ كنت عيزاك تنزل عشان تقابله
اشرف : امتى
يارا : الصيف الجاى
اشرف : انا مش عارف ظروفى ايه بس ان شاء الله هحاول انزل
يارا : يا بابا ضرورى لانى قولت له انك هتنزل الصيف الجاى
اشرف : يا يارا انتِ عارفة ظروف شغلى مش بايدى بس هحاول انزل عشان خاطرك ، هو مين الشخص ده
يارا : معيد عندى فى الكلية
اشرف : ربنا يسهل يا حبيبتى
يارا : اوكى
اشرف : يالا يا حبيبتى خدى بالك على نفسك (وقفلوا الخط)
رباب : خير مالها يارا
اشرف : متقدم لها عريس وعيزانى انزل الصيف اقابله
رباب : وهتنزل
اشرف : لسه مش عارف هنزل امتى بس ربنا يسهل واقدر انزل
رباب : مانت لو مقدرتش تنزل ممكن العريس ده يقابل اى حد من اخواتك او حتى امك
اشرف : هشوف الظروف ايه وربك يسهلها
رباب : ومالها يارا مستعجله على الجواز ليه
اشرف : هى كده مستعجله دى عندها ٢١ سنة
رباب : وهى كده كبيرة
اشرف : ما علينا ، يحيى ويامن فين
رباب : فى النادى
اشرف : طيب انا داخل انام شوية
*_____________________________________________**___________________________*
فى بيت يارا :
(. جرس الباب رن .)
ريم : شوفى مين يا يارا لانى بكلم الموبايل
يارا : حاضر
(. فتحت ياارا الباب .)
بلال : وحشتينى
يارا : بلال ؟
بلال : امال مين يعنى
يارا : اتفضل
بلال : انا جاى اتكلم معاكى فى موضوع
يارا : موضوع ايه
بلال : انا عايز اخطبك
يارا : نعم !! تخطبنى
بلال : ايوة اخطبك عندك مانع
يارا : انت مش كنت مرتبط بـ علياء بنت خالتك
بلال : انتِ لسه فاكرة ما احنا سيبنا بعض من زمان
يارا : then (وبعدين)
بلال : اكتشفت انى عايزك انتِ
يارا : لا يا بلال انت مش عايزنى انت عايز كل حاجه
بلال : مانتِ كل حاجه
يارا : بطل تشتغلنى يا بلال ، انت اكتر واحد عارف انى عمرى ما هوافق عليك واظن انت عارف ليه
بلال : انسى يا يارا بقى اللى حصل منى حصل وانا مكنتش فى وعيى
يارا : لو سمحت يا بلال متبررش عشان مش عايزة افتكر اللى حصل
بلال : يعنى مسامحتنيش
يارا : مش عشان سامحتك يبقى ممكن ارتبط بيك اللى عملته كفيل يخلينى اكرهك طول العمر
بلال : بس........
يارا تقاطعه : عن اذنك عندى مذاكرة
(. دخلت يارا الحمام وقعدت تعيط .)
ريم : فى ايه
بلال : مفيش انا ماشى (ونزل)
بلال فى عربيته لـ نفسه : انت ازاى تتجرأ وتطلب ترتبط بيها بعد اللى انت عملته فيها ده ، انت لو عندك دم متظهرش تانى فى حياتها على الاقل عشان مش كل شوية تحس انك واطى وحقير
___*___*___
يارا لـنفسها فى الحمام : ليه بيحصل فيا كل ده ، ليه كل واحد بيتجرأ بيا لمجرد انى لوحدى ، ليه يا بابا عملت فيا كده ، ليه رمينى لوحدى كده كل واحد يتجرأ عليا ويتحكم فيا ، طب ماما وربنا اللى حرمنى منها لكن انت حرمتنى منك ومن اخواتى كده حتى قبل ما ادخل الجامعة كنت كل اجازة تبعتنى مصر لوحدى
*_____________________________________________**___________________________*
فى شقة عمرو :
عمرو اتصل بـ يارا اكتر من مرة ومردتش ...
عمرو لنفسه : يا ترى نايمة ولا ايه
بعد شوية ردت :
عمرو : انتِ مشغله الخط القديم ليه
يارا : لسه مشغلتش الجديد
عمرو : انا مش قولتلك تقفلى ام الخط ده
يارا : فى ايه يا عمرو انت بتزعقلى كده ليه
عمرو : وكمان مش عاجبك انتِ عمرك ما هتتغيرى على فكرة
ياارا : يا عمرو ارحمنى انا فيا اللى مكفينى ومش ناقصة
عمرو : مالك فيكى ايه
يارا : مخنوقة شوية
عمرو : من ايه
يارا : بلال كان هنا
عمرو : يادى ام القرف (وقفل الخط)
بعد شوية ....
عمرو لـ نفسه : ايه اللى انا عملته ده بس ، مكنش يصح اعمل كده مع يارا ، بس انا سيرة اى ولد بتستفزنى .. بس يمكن يكون بلال شافها معايا وعملها مشكلة انا هكلمها (واتصل عمرو بـ يارا)
عمرو : انا اسف
يارا : never mind (ولا يهمك)
عمرو : هو بلال كان عايز ايه
(. حكيتله يارا اللى حصل كله .)
يارا : انا مش فاهمة ازاى يطلب يرتبط بيا بعد اللى عمله
عمرو : هو عمل ايه
يارا : .....................
أنت تقرأ
رجل ولكن
Romanceقصة باللهجة العامية المصرية ، تدور احداثها حول شاب مصرى تقع فى حبه فتاة نظراً لقوة شخصيته ورجولته وهو ايضاً يقع فى غرامها ويهيم بها عشقاً ولكن لا يوجد شيئاً كاملاً فـ يظل هناك دائماً شيئاً ناقصاً لانه اصبح رجل ، ولكن ..