kan gary

part 1

10:00 AM 2019
*في غرفه ملك ومالك *
لمياء : قومي يا ملك يلا يا مالك يا حبيبي ده اول يوم في المدرسه مش عايزين نتاخر مش منظر ناس عندهم 13 سنه دول لا
ملك : يوههه هي سنه باينه من اولها
لمياء : طب لعلمك بقي سنه تانيه اعدادي دي كانت احلي سنه بالنسبالي قومو يلا يكسلانين عشان الباص زمانه علي وصول
مالك : كلها يومين وندخل في حكايه انكو كنتو بتذاكرو ع شمعه انا قايم
لمياء : طب يلا يا لمض يبتاع الشمعه قوم بدل مجيب انا الشمعه والسعك وانتي يست هانم يلا قومي انا رايحه اكويلكو الهدوم والفطار جاهز عالسفره
ملك : طيب طيب لما مالك يطلع من الحمام بس وهقوم
......
*في الصاله *
لمياء : مش هتبطلي بقي النسكافيه الي بتشربيه عالريق ده يا اميره كل يوم
اميره : لا يا ماما مش هبطله
لمياء : طب سيبي الزفت الي في ايدك ده وروحي خلي اختك تنجز مع خطيبها او تقفل فوشه عشان كليتها
اميره : ماشي يا ست الكل ايدك بقي ع مصروف النهارده
لمياء : انتي مش قولتي مش رايحه كليه الهندسه النهارده !!؟؟
اميره : ايوه بس ده ميمنعش ان في مصروف يا حببتي
لمياء : خدي يختي انشاله يطمر
اميره : هيطمر يا روحي اطير انا اشوف ست العاشقه

تذهب اميره لغرفه ليلي لتجدها جالسه علي سريرها تبكي

اميره : مالك يقلب اختك في ايه بتعيطي ليه !!
ليلي : تامر يا اميره اتخانق معايا
اميره : واتخانق ليه معاكي الكائن ده ؟؟
ليلي : عشان عايز يشوفني بعد الكليه وانا بقوله مش هينفع
اميره بصوت منخفض وواضح بحيث يسمع : اهااااا بقي بينفذ الخطه الي قال لماما عليها امبارح
ليلي : بتقولي حاجه يا اميره !!!
اميره : لا يقلب اميره ولا حاجه روحي نامي اقصد افطري يوههه يلا عشان تروحي المخروبه
ليلي : ماشي يختي اول مره اشوف واحده قاعده من كليتها اول يوم
اميره : ملكيش فيه يلمضه وبعدين مش كنت بتعيطي من شويه !!!!
ليلي : لا ما خلاص فيها فطار واكل في ايه !!
اميره في سرها : اتاري الواد عازمها عارف طريق قلبها طلع لماح وذكي يلا ربنا معاه عالبلوه دي

*علي السفره *
علي : صباح الخير يا مالك صباح الخير يا ام مالك صباح الخير يا بنات
جميعهم في صوت واحد كما اعتادو يوميا : صباح الخير
اميره : ايه الحلاوه دي يحج والنعمه قمر
علي : دي حلاوتك انت يعسل عايزه ايه قوليلي
اميره : هو عشان بقولك كلمه حلوه ابقي عايزه حاجه ؟؟
علي : يعني بتقولي عادي يعني مش عايزه حاجه ؟؟
اميره : لا يا حبيبي ربنا يخليك لينا وميحرمناش منك ابدا
ليلي : بابا انا عايزه فلوس اجيب اكل وانا مروحه
علي : لا مش لازم
ليلي :مش لازم ايه ؟؟
علي : ايه لا لا ولا حاجه خدي اهو
ملك : بابا هات مصروفي انا ومالك عشان الباص برا
علي : خدي يا حبيبتي 20 ليكي و 20 لمالك خلي بالك من اختك يا مالك ومتزعلهاش
مالك : انت بتوصيني ع اختي يا بابا ده انا اهد الارض عشانها !!
علي : ماشي يا عم يلا يا جماعه كل واحد يروح علي شغله ..

يذهب مالك وملك لركوب الباص بينما تذهب ليلي لكليتها كليه الطب و يذهب علي لعمله في الشركه ولمياء لمدرستها لكونها مديره مدرسه ابتدائيه وتجلس اميره في البيت

تستمع اميره لموسيقاها علي عادتها كل يوم مع تصفح مواقع التواصل الاجتماعي لتري شخصا يدخل في مجموعه حديث عن احوال العماره التي يسكنون بها ببرنامج "واتس اب " تعجبت فهي تعرف كل من يسكنون حولها من هذا وكيف هو بتلك الوسامه وهي لم يعجبها شاب من قبل تنظر لصورته كأنها ترى ملاكا لا تدري من هذا واين يسكن ولماذا دخل هذه المجموعه هل هو عن طريق الخطأ ام هو سيكون جارها !!
بعد دقائق من طيران خيالها رن جرس الباب قامت لتفتح
ضحي : ازيك يا حبيبتي ماما موجوده ؟؟
اميره : لا والله يا طنط اقدر اساعدك في حاجه
ضحي : لا يا قمر انا جارتكو الجديده اسمي ضحي حبيت اتعرف عليكو وعلي مامتك ونبقي صحاب وكده
اميره : اهلا وسهلا اتفضلي طيب نورتينا
ضحي : شكرا يا حبيبتي معلش اصل ولادي زمانهم جيين دلوقتي ولسه مطبختش
اميره : طب اتفضلي اشربي حاجه علي الاقل طيب
ضحي : مره تانيه ان شاء الله تكون مامتك موجوده ونقعد كلنا
اميره : ماشي يا طنط زي ما تحبي نورتينا والله والعماره كلها نورت
ضحي : منوره باهلها يا روحي بس بلاش طنط دي قوليلي يا ضحي علي طول بلاش القاب او قوليلي يخالتي احسن
اميره : تمام يخالتو 😂
يصعد الاسانسير ويخرج منه شابان وسيمان يشبهان بعضهم كثيرا لهم لحيه و يظهر عليهم عضلاتهم وشعرهم الاسود

نظرت اميره بتعجب كيف يمكن ان يكون هذا هو نفس الشخص انه اجمل من الصور !! وتظل تتراوح الاساله في دماغ اميره

ضحي : اميرههه اميرههعهه
اميره : نعم يا خالتو اسفه سرحت شويه
ضحي : ولا يهمك يا حبيبتي احب اعرفك بولادي كريم 24 سنه في كليه طب و كرم 18 سنه ثاناويه عامه
اميره : اهلا وسهلا اتشرفت بمعرفتكو
كريم وكرم في صوت واحد : اهلا بيكي
استاذنت ضحي وابنيها بالذهاب للمنزل واقفلت اميره باب منزلها بعد ان ودعت ضحي

يتبع ......

********************
اول بارت خلص اتمني يكون عجبكو 🌸