Cat {큰 고양이}

Cat

Sehunနဲ့ ဆိုရင်တော့ အရယ်အမောတွေ ရှိပေမယ့်
Baekhyun ရဲ့ မျက်နှာထားက
အရမ်းလေးနက် နေသလို။
တခါတလေဆို စ,နောက်ရာမှာတောင် Baekhyunက အထအန ကောက်လွန်းလေသည်။

ဒါပေမယ့်လဲ Baekhyunအိမ်ကို လိုက်လည်လို့ ရသည့် အခွင့်အရေးကတော့ Sehunတစ်ယောက်ထဲ အတွက်သာ ဖြစ်နေသေးသည်။

အခုလဲ သူတို့၂ယောက်လုံးက ရေကူးအားကစားကို
သဘောကျတာမို့ ကျောင်းကနေ အိမ်အပြန်လမ်းမှာ
Park Seon Kwan ရဲ့ Interview ကိုကြည့်ဖို့ Baekhyunတို့အိမ်ကို လာခဲ့သည်။

ဒီနေ့ Baekhyunက လိုတာထက် ပိုတိတ်ဆိတ်နေခဲ့သည်။
Sehunက ပြန်ခါနီး Seoulရေကူး Clubတစ်ခုမှာ
6လလောက် သွားနေမယ့်အကြောင်း ပြောလိုက်တာကြောင့် ဆိုတာ ဗေဒင်မမေးတောင်သိသည်။
ဘယ်တော့လောက် ပြန်လာဖြစ်မလဲ Sehunလဲ မသိပေ။
သူကိုယ်တိုင်လဲ အဲ့မှာ ကြာကြာနေချင်နေသေးကြောင်း Baekhyunကို ပြောမထွက်ပေမယ့် Baekhyunကတော့ ရိပ်မိနေသယောင်။

Seoulကို မသွားခင် ဒါနောက်ဆုံး Baekhyunအိမ်ကို လာတာ ဖြစ်နိုင်သည်မို့
အတတ်နိုင်ဆုံး Baekhyunနဲ့ ပျော်အောင် နေရမည်။

Interview ကြည့်ပြီး ခေါက်ဆွဲပြုတ်ပါ ကုန်သွားတော့ သိသိသာသာမှိုင်နေတဲ့ Baekhyun။
Baekhyunနားကို နည်းနည်းတိုးလိုက်ရင်း စလိုက်မိသည်။

"Park Seon Kwanရဲ့ ခန္ဓာကိုယ်က မိုက်လိုက်တာနော်။ ပခုံးကလဲ အကျယ်ကြီးပဲ။ ငါလဲ အဲ့လိုဖြစ်အောင် နည်းနည်းလောက် လေ့ကျင့်ရင် ကောင်းမလား။"

သူ့လက်မောင်းက ဗလတွေကို Baekhyunမြင်သာအောင် မြှောက်ပြရင်း Sehunပြုံးပြလိုက်သည်။

ရုတ်တရက် Baekhyunတစ်ယောက် Sehunရဲ့ ပခုံးပေါ်ကို မှီရင်း

"မဟုတ်ပါဘူး... Sehunie ရဲ့ ပခုံးကလဲ အကျယ်ကြီးပဲ"

ဆက်ပြောရင်း အနားကို တိုးလာကာ
Sehunရဲ့ ရင်ဘက်နားကို ကိုင်လာတဲ့ Baekhyunကြောင့် အသက်ရှူတောင် အောင့်ထားလိုက်မိသည်။

"Sehun က အခုငါ့ဘေးနားမှာရှိနေတာတောင်
အရမ်းတောက်ပနေတာ နောက်ဆို သူ့ထက်တောင် ပိုတောက်ပတဲ့ သူဖြစ်လာမှာ...
ငါနဲ့ အဝေးမှာတောက်ပနေတဲ့ ကြယ်လိုမျိုး"
လို့ ထပ်ပြောကာ Baehyunက သူ့ပခုံးပေါ်မှီချလိုက်သည်။

Baekhyun ပြောလိုက်တဲ့ စကားအဆုံး
Sehunစိတ်ထဲ ဟာသွားသလို ရင်ခုန်သံတွေလဲ မြန်လာခဲ့သည်။
Baekhyunသာ Sehunကို ဆက်မှီနေသေးရင်
သူ့ရင်ခုန်သံတွေ Baekhyunကြားသွားမှာ အသေအချာပင်ဖြစ်လေသည်။

ဘာကြောင့်မှန်းမသိ Baekhyun ကိုအသာတွန်းကာ
Sehun စကားလမ်းကြောင်း လွှဲမိသည်။

"Yah! Byun Baekhyun!! သူများကိုယ်ကို ခွင့်မတောင်းဘဲ မင်းကိုင်ချင်တိုင်း ကိုင်မနေနဲ့!!!"

အဲ့ဒီ့နေ့ Baekhyunရဲ့ အိမ်က အပြန်လမ်းဟာ သူ့အတွက် မေးခွန်းတွေ အပြည့်ဖြစ်နေခဲ့သည်။
သူBaekhyun ကို တကယ်ပဲ သူငယ်ချင်းထက် ပိုနေမိပြီလား ဆိုတဲ့မေးခွန်းက အခက်ခဲဆုံး ဖြစ်နေလေသည်။

.....................................

အထုတ်အပိုးတွေ ထည့်နေရင်းနဲ့
ဘေးနားက ကြောင်လေးကို မ,ချီကာ
ကလိနေလိုက်သည်။

" ငါရဲ့ Baekhyuneeလေး ငါမရှိရင် ဘယ်သူက အစာလာကျွေးပါ့မလဲ? နော်... နော်"

ပြောပြောဆိုဆိုနဲ့ ကြောင်ရဲ့ လက်၂ဖက်ကို ညှစ်လိုက်တာမို့ ကြောင်လေးက သူ့ကို အော်လေသည်။

"ငါရဲ့ နောက်ထပ် Baekhyunee လေးလဲ ငိုနေမလား မသိဘူးနော်.. Hyunee"

ကြောင်ကို Hyunee ဆိုပြီး တညံညံခေါ်နေတာကြောင့် အဖွားက မျက်စောင်းတထိုးထိုးရယ်။

Sehun ကိုယ်တိုင်လဲ သူတို့အိမ်က ကြောင်ပေါက်လေးကို ဘာလို့ Baekhyunee လို့ ပေးလိုက်မိမှန်းမသိ။
Baekhyunလဲ Hyuneeလိုပဲ
မျက်လုံးမှေးမှေးလေးတွေရယ်။

သေချာတာကတော့ သူBaekhyunee ကိုရော
Hyuneeကိုရော ချစ်ပါသည်။

...............................................................

Moira