مرحبا حبايبي شخباركم ان شاء الله تكونون بخير وسلامه
اليوم الطبق الرئيسي راح يكون المقلوبه
عندي تقريبا 3 انواع من المقلوبه اليوم راح اقدم اول نوع وبعدها راح نضيف البقيه باذن الله
بالنسبه للمقادير : نحتاج تمن اي نوع حسب الرغبه انگعه بمي وقطعة ماجي مدة نص ساعه ونحتاج الى دجاجه مقطعه او لحم حسب الرغبه ونكدر نستغني عن اللحم والدجاج يعني حسب الرغبه ونحتاج بيذنجان مقطع حلقات وبتيته هم حلقات وبصل هم حلقات وطماطا هم حلقات وفلفل حسب الرغبه ونحتاج معجون طماطا وشعريه
الطريقه : اول خطوه نطبخ الدجاج او اللحم لمن يستوي نص استواء نطفي النار بعدها نطبخ التمن بمي الدجاج او اللحم وهم نص استواء
بعدها نحمس بصل ومعجون تقريبا خاشوكتين ونخلي مي ربع الگدر وملح وماجي الدجاج وبهارات حسب الرغبه تكدرون تظيفون بهار كمون وفلفل وسبع ابهار او اي شي يعجبكم لمن يفور نبدي نرتب المواد بالكدر اول شي البصل بعدها البتيته والبيذنجان والطماطا والفلفل ع شكل طبقات بعدها نضيف الشعريه المحموسه بدون مي بعدها نضيف الدجاج بعد منكلي او اللحم اخر خطوه نضيف التمن يبقى ع نار عاليه لمن ينشف المي بعدها يتهدر ع نار هادئه لمن يستوي نهائي راح نصبه بصينيه والف عافيه نكدر نحمس لوز او فستق او كازوا ونزين ونضيفه اخر شي حسب الطلب
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
الطريقه : اول خطوه نحمي الفرن او الاوفن لازم درجة الحراره بين 160 الى 180 درجه نضع البيض والملح وخل ابيض وبرش البرتقال بالخفاقه الكهربائيه مدة خمس دقايق بعدها نضيف السكر ع شكل دفعات ونخفق مدة خمس دقايق ايضا بعدها نضيف الزيت ع شكل خيط بعدها نضيف الحليب لمن يذوب نرفع الخليط ونضعه جانبا بالنسبه للطحين لازم انخله هو والبيكنك والنشا اقل شي 3 مرات نترك الخفاقه وراح نخفق بالايد هاي الخطوه يعني بخفاقة اللبن اليدويه او بالملعقه راح نبدي نضيف كميه من الطحين مع عصير البرتقال ونخفق من الاسفل الى الاعلى حتى منطلع الهوى نكرر العمليه لمن تخلص كمية الطحين والعصير ندهن القالب براشي او زيت ونضيف الخليط ونخلي بالاوفن مدة 45 دقيقه بعدها نفحصها بعود الخشب اذا ناضجه نشغل الفوك مجرد تحمير بعدها نخرجها من الاوفن نتركها تبرد والف عافيه
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
الطريقه : نقطع البيذنجان ع شكل اصابع والفلفل والبصل كذلك والطماطا والخيار بعدها نكلي البيذنجان ع حده والبصل مجرد يذبل بعدها نخلي كمية كجب وصاص قليل ونكدر نضيف دبس رمان قليل ونخلي المواد كلها فوكاها ونخلي البهار والملح والف عافيه
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
