البارت 1
رواية القدر
بقلمى ميرا اسماعيل
في منزل حسن
حسن: صباح الخير علي احلى نعمه في حياتى
نعم بخجل: بكفايك مزهجتش منى كل السنين
حسن »ازهج من مين من مرتى وام بتى الغاليه
نعمه: طول عمرك إكده امفرحينى يا ابو ماسه يا ما كان نفسى ننادلوك ابو الولد
حسن: واه رايد بتك تسمعك اياك عيندى ماسه برجاله بشنبات كمان ربنا يبارك فيها هى واسما
نعمه: امين روح صلى يكون الفطور جهز يا ابو الغالية
حسن: تسلم يدك
في غرفه ماسه واسما فهم لديهم نفس الغرفه مش لضيق المكان لكن ماسه تخاف الوحده كثيرا
ماسه وهى بتلف حجابها: يا اسما اخلصي بقالك ساعه في الدولاب
تطلع اسما من الدلاوب: مش لازم ابقي شيك احنا شغلين في اكبر شركه ديكور خليكى انت في دريساتك دى
ماسه: لا انا هخرج افطر لو اتاخرتى مليش فيه همشي
اسما: تعمليها هحصلك
وخرجت ماسه واخيرا اسما استقرت علي طقم
في الخارج
ماسه: صباح الفل على اجدع جوز كناريا في الصعيد ومصر كلها
نعمه: هههه مهتبطليش انت بكش اياك
ماسه: تؤتؤ مهبطلش بكش
حسن: جلب ابوها تعمل اللي ريداه
نعمه: دليعها دليعها بتك رفضت عريس زين وكبارة
ماسه كملت: ودمه يلطش وفاكر دمه خفيف وهو خنيق ورزل
نعمه: كل عريس إكده تطلعى فيه العفش كله
حسن: براحتها تتشرط براحتها
ماسه: حبيبي يا ابو علي انا عايزة اعيش قصة حب زيكم يفضل يحب فيا لغاية ما اعجز
نعمه: ودا نجيبه منين بجا
ماسه بطفوله: انا وحشه قوى كده
نعمه بحنان :مين جال إكده انت زينه البنات بس أنى نفسى افرح بيكى في بيتك ووسط عيالك
ماسه: امى ريحى نفسك يوم ما قلبي يتخطف زى ما قلبك اتخطف ل ابو علي ا وعدك هروح اتقدم ليه
حسن: ان شاء الله تلاجى اللي في راسك
نعمه: ويبجا حالك احسن منينا
ماسه بفضول وسؤال اللي بيتكرر يوميا: اللي،هو ايه نفسي،اعرف ليه ملناش اهل وعايله وانا متاكده ان اهل بابا موجودين هم لو رافضين جوازكم زمان دلوقت خلاص وانا موجودة من حقي،في عائله خصوصا لما عائلتى تبقا كبيرة وانا ممنوع اقول اسمها حتى
حسن: ماسه كل يوم نفس الحديت واجولك بلاش نبش في الماضي من يوم ما دريتى ان اهلى عايشين وانت مبطلتيش حديت عنيهم انسيهم كيف ما ابوكى وامك ناسين وعيشيى بعيد عنيهم خلص الكلام
اسما : خرجت هو موال كل يوم دا اخرته ايه
ماسه: حقي اعرف اهلى واقول اسم عائلتى
حسن: وأنى جولت لاه يبجا خلص الحديت
اسما: خلاص يا ماسة متزعلش نفسك بس وبهمس كدا فيش غير حلنا احنا
ماسه: عندك حق انا تعبت من الغموض دا لو عليهم تار مش هيبقوا كدا
وقعدوا يفطروا بعد مصالحه ماسه ل حسن
by Queen Mera esmil ✍✍✍✍✍
في الصعيد
تحديدا بيت كبير هواره
صديقه:الجهوة يا حج
حامد: تسلم يدك ووجه كلامه لمنصور رعد مبينش ليه من الفجرية
منصور ب احترام: رعد بيسلم الفاكهة ل صاحب المصنع
حامد بفخر: المحصول خلص وهيتسلم كمان الحمد لله
منصور: وأنى هبابه وهحصله
صديقه: ربنا يكفيكم شر العين يا ولدى
عزيزة: امين يا اما احسن أنى جلبي بيبجا مخلوع عليهم التنين وهما بره الدوار العين محدش سلم منيها
حامد: جرى ايه هما صغار إياك دول رجاله وبعدين اللي مع ربنا ميتخافش عليه واصل
هنا: جدى أنى كنت رايده منيك حاجة
حامد: خير جولى؟ ؟؟؟
هنا بخوف: نتيجتى هتبان النيهارده وأنى كت يعنى
