المتملك والعنيده الصغيره بقلم علي الفتلاوي الناقل آدم العربي

البارت العاشر

وراح علي وارواحنه راحت وياه وامي دووم مرتفع سكرها 400  وعمامي ماقصرو عنه بين يوم ويوم يجون يسالون علينه ويسالونه شمحتاجين مامحتاجين

3 ايام يوميه نتصل على علي ويطمنه انو هو ع الحدود وبعدة ينتضر يطلعوهم هو وصديقه بس ثاني يوم ضلينه نتصل بي وماكو رد يطلع مغلق
امي تخبلت وضليت اصبر بيها كتلها يمكن شبكه ماكو يمه يجوز سافر بس امي كلبها كلب والدة ضلت اتلوب ومر ثاني يوم وثالث يوم وعلي مامنه اي اتصال وصار على طلعته 6ايام
ماعندي غير حل اتصلت من رقم امي بهشام ماعدنه غيرة يساعدنه وهو كال اني العصر يمكم جاي البغداد
بالصدفه سمعت الاخبار الناس غركت بالبحر اباوع اطفال ونسوان وشياب كلها مطوفه ركضت ع التلفزيون سديته قبل متسمع امي وتتخبل ضليت اقرة ايات ربي يحفضه ماعدنه غيرة اخونه وابونه هو
انتضرت العصر هشام يجي بس مااجه ضليت انتضرة لل 9بليل سمعت صوت الموبايل يتصل شفته هو المتصل رديت بلهفه عله اكو اخبار تفرحنه وتفرح امي
بس كان صوت هشام مخنوك حيل وكوة يحجي كال سمر جهزي نفسج انتي وعمتي اني جايكم نص ساعه واوصل حلفته يحجيلي ماقبل كال لتتاخرين جهزي نفسج راح اوصل

ركضت على امي كتلها يمه اتصل هشام يكول جهزن نفسجن اني جاي اخذجن بسرعه امي كامت مفزوعه من نومها كالت
ام علي..هاااا مااات عللي؟؟

سمر ..احس روحي شاغت من سمعت كلامها كتلها اسم الله يمه ابيش طالبته خل نشوف هشام وين ياخذنه

شويه واجه هشام واني لبست جبه وحجاب وركضت للباب بسرعه وامي لابسه عبايتها وتتوجه بيدها ع الحايط كوة تمشي
اول مافتحت الباب شفت هشام وياه عمر بس وجها دممم وعيونه وارمه وحمرة مبين باجي
سالته واني اباوع بوجها بخوف وترقب من الكلام الراح يحجي شفته دخل للبيت كعد بالكاع وخله ادي ع راسه وصاح

هشام..يااااخويه ياااعلي

سمر..اني جامدة بمكاني مااعرف شكو نفسي صار سرريع عبالك داخله فلم رعب وخايفه اباوع على امي واكعه بمكانها لاتحرك ايد ولا رجل دخل عمر يركض وصاح بهشام

عمر..هشااام انهض مو وكت بجي المرررة حتمووت

سمر..صعدو امي بالسيارة خليت راسها بحضني واني حتى دمعه ماكو بعيني احس نفسي بدوامه اذاني مااسمع بيها كلشي كدامي عبالك فلم صورة بدون صوت اباوع بالوجوه
وصلنه للمستشفى وسمعت عمر كاله هاي نفسها المستشفى البيها المرحوم جاوبه اي

نزل عمر يركض وهشام كوة يمشي حالتي مو احسن من حاله صاحو للممرضين اجو اخذو امي بالسديه واني احس شايله حديد برجليه مااكدر امشي بس اباوع على امي من بعيد وامشي اترنح كل شويه احس راح اوكع من طولي ضليت شويه بيه حيل لان كل ضني همه غلطانين وعلي عايش ومابي شي مجرد مشتبهين
شفتهم دخلو امي للطوارة والدكاترة اجو يركضون عليها قاسو السكر600والضغط هم مرتفع حيل
صارو يضربون بيها ابر يردون ينزلون السكر والضغط وهي فاقدة على حطتها
شويه ودخلوها للعنايه المركزة
هذا كله واني احس نفسي بحلم منتضرة بس اصحى منه واكول الحمدالله طلع حلم
حسيت ايدي انلزمت درت وجهي بخوف ودموع موجودة بس متنزل ابد طارت الدمعه
شفته هشام كال تعاي وياي
اخذني يجرني من ايدي واني مثل المبنجه امشي وراه
وصلنه الغرفه وكفنه كدامها رفعت راسي مكتوب ثلاجه الموتى
اطرافي كلها بردت والساني نعكد ردت اوكع بس هشام لازمني قوي
دخلنه للغرفه واني ارجف اجه الممرض فتح باب الثلاجه وكشف وجه الميت
هناا اتلقيت اكبر صدمه بحياتي من شفت اخوي امدد ع السديه وتارسها ترس بجسمه ماماخذته السديه الوجه يضحك
اني بدون شعور ضحكت بصوت عالي
لزمت ايدة وكتله
على بختك خويه صدك تحجي جذب
انته كلت اروح واسحبكم وراي مااخليكم وحدكم
اني ادري بيك شهم ماتترك اهلك وراك
كووم كووم خويه لاتتشاقه والله وكعت كلوبنه عليك