كسران الهوى

البارت ١٦

.
.
.

..
.
فهد..اشبي علاوي خو ما بي شي
بلقيس..هاها اااا ا ل للا لا ما بي شي وجان اباوع على روحي لازكه الدشداشه وطالعه حماله وبارزة كلشي هنا كلت يا كاع انشكي وطميني وجان اطكه ابركضه هيه ركضه هيه زلكه بلحوش يبووو يبووو هوة حضي الفكر ايوكعني
فهد.. احاجيه وجان تطلع ركض هيه ركضه هيه وكعه ورحت ركضتله وكتله اسم الله اشمالج ما اتكوليلي خل اكومج  وهذا 😈😂يترقب الاحداث هوه يلعب بلعقلي ادري بي جلب اجيت اكومه خطيه كوه كامت وهذا ايوسوس ودشداشه لازكه بووويه وخل اغض النضر احسن 😂وديته للغرفه وكعته على جربايه وجبتله دشداشه غيرهه وكتله بدلي للتمرضين بويه انتي وارتاحي واني اروح اجيب ام علي من بيت اهلي عملود اتساعدج توني طلعت وسديت الباب وجان اسمع اتكول اخ اخ هنا ديورت ورجعت طبيت واشوفه اشبيه واشوفه اتريد توهه اتبدل وطالعه سيقان وكتله العفو عبالي بيج شي خل اروح احسن وطلعت ركض وكلت يا حنين اشبيج احسك تنكلب جاهل اكباله وين حزنك وينه اشو حزنك صار مراهقه مدري شبيه من اشوفه ما اعرف احس روحي اريد اضل اباوع بعيونه وبشعرهه واما عطرهه قصه ثانيه وبعدين نفضت الافكار هاي كله من راسي وطلعت جبت ام علي واجت ام علي راحت لعلاوي ابني بدلتله ودتهم لغرفتهم وانطتهم ملاعيب وراحت اتسوي عشه
بلقيس..من اجيت لبيت فهد نضراته الي احسهن اعجاب اني مو ازغيرة وافتهم واهتمامه بيه عكس كلامه الكاله الي اربي جهاله وما اكذب عليكم اني هم كلبي ايميل اله بس اي اكو غصه بكلبي ما اكدر احب ما اكدر عقلي ايكلي شكل وكلبي ايكلي شكل عقلي رافض وكلبي يميل لمسته ألي تهيج كلبي وعقلي ميتقبله اكو حاجز اكو رفض بلكلبي وهذا سبب كوابيسي

فهد..رجعت للغرفه لكيته كاعده وصافنه ودمعه بعينه تلمع كتله اشمالج  خوما رجلج توجعج
بلقيس ..لا مابيه شي
فهد..اجيت كعدت على حافه الجربايه وكتله اريد اسألج سؤال بس لا تعتبري تصغير بيج
بلقيس ..اسأل
فهد..اني من عقدت عليج شفتج وسمعت اسمج بلعقد ونسيته جان صعب وما سألتج بعد لن ردينه للبيت بليل بيوم العرس وثاني يوم طلعت وشهر ياله اجيت  اليوم حاب اعرف اسمج بس لتضحكين اكو واحد ميعرف اسم زوجته هوه اني
بلقيس...اسمي بلقيس
فهد ..عاشت الاسامي بس بلقيس احسه صعب
بلقيس..غير مامه قفلت على بابه من جابتني اله بلقيس مع العلم بابه راد ايسميني همس بس مامه كالتله كله بلهاء اساميك واله سمتني هذا الاسم هههههه على اسم الملكه الام
فهد ..يا ملكه
بلقيس ..اسم ام مامه بلقيس
فهد..زين منو عدكم بعد بلهاء اسمه
بلقيس ..اسم اختي عشق عشق اسم الدلع بس هيه اسمه هوى
فهد..والله حلوة الاسامي زين اني احس اسمج صعب اكدر اصيحلج همس والله احله بما انو اليوم عرفت اسمج وما صايحلج بي راح اصيحلج همس
بلقيس ..عادي بليعجبك

فهد ..تمام
.....عدت أيام وبلقيس عايشه حياة دافيه يم فهد وبين نضراته الفاضحته وبين كوابيس بلقيس ...
فهد ..كملنه العشه وراحت همس هيه نفسه بلقيس بس كمت اصيحله هيج يم ام علي تغسل اماعين واني على جربايتي كاعد خابروني ربعي بلشغل وكالولي لازم اجي وروحتي بعد يومين  وره اشويه اجت همس ولابسه برموده وبدي اخضر واني يوميه انعجب اكثر بيه اطب للغرفه وتمشي بهدوءواباوع عليه اهدومه بلون عيونه وكعدت على الجربايه اصلان احنه اصدقاء اوبينه خوه ههههه انصمطو اهلج جاسميه  👈😈👉
بلقيس..كلما اطب لغرفته احسه عيونه ميشيلهن من عليه نضراته فاضحته واجي اكعد على طرف الجربايه واكله محتاج شي
فهد ..ها ا ا ا  لا بس بعد يومين اسافر عندي شغل
بلقيس..ترجع سالم انشالله احضر ملابسك لعد بلجنطه واجي وكمت احضر ملابسه وهوة دار ضهرة ويلعب بلفون مالته
بلقيس..كملت غراضه وحطيت الجنطه يم الميز واجيت انجطلت على جربايه وانطيته ضهري وغفيت وره مده من الوقت واحلم وانما كابوس وبعده فزيت
فهد..مثل كل يوم انام واحد ينطي ضهرة للاخ وهيه همس من اتنام ورة ساعه هيج اتفز وعركانه خبلتني واسأله واتكلي كابوس والله خوفتني عليه ويعني الانسان اليحلم وايفز اكيد صاير شي بحياته وايخلي هيج واني بعدني افكر بيه وجان اتفز وعركانه وحست  وكلته اسم الله ما اتكوليلي اشبيج
بلقيس ..مابيه شي كابوس وخلص
فهد ..اذا ضل وضعج هذا اخذج لطبيب وهسه كافي خوف وتعاي بحضني
بلقيس..هاا شنو بحضنك ليش مرتاحه والله
فهد ..اذا متجين اني اجي يمج
بلقيس..والله اسحتي وضليت اباوع ابوجه
فهد..ادري بيه عنوديه ومتجي لزمت ايدهه وجريته نيمته على ايدي
بلقيس .فاجئني من سوه هيج
فهد..حطيته بحضني وشبكته وهيه غطت بحضني ههههه عبالك شابك نبراس وعطرهه وألي صار ادماني واحس روحي وكلبي وكياني ارتاح من اجت ابحضني مدري ليش معقوله كمت احبه ما ادري الايام تثبت
بلقيس..شبكني ونومني بحضنه واحس راسي ترس بصدرة وعطرة ايجنن  وحسيت بأمان ما حاسته بحياتي وغفيت
فهد.. بعد وقت من تفكير احسه غفت وراسه بعد متحركه هنا 😈منا هذا الملاك البنفسجي ومنا همس موتوني اباوع عليه وخرت شعرهه من وجه اشكد حلوة وهيه نايمه وبعد صراع ويه هذا👈👿نمت وعدن اليومين ورحت وديته يم اهلي وكتله محتاجه شي
بلقيس ..ها ا ا ما اعرف
فهد ..اشمالج مستحيه كولي بويه انتي
بلقيس..خاف تضحك عليه
فهد..ليش اكو شي ايضحك اوعدج ما افشلج
بلقيس..اريد ار ر ريد دفتر رسم وكاكو 😑😑☺لن اني أحب الرسم
فهد..ردت اضحك وبطلت يعني مرة صايرة ودور كاكو ورسم وكتله بعد اتمأمرين بشي
بلقيس..ها ا ا ا  أ أ أ أ ي
فهد ..بويه انتي لتستحين كولي واني بلخدمه
بلقيس ..بصراحه اريد تلفون اريد اخابر مامه وانته اتخابرني اني استحي اطلب من عمي اخابر
فهد ..ميخالف التردي يجرالج بعد تأمرين بشي
بلقيس..سلامتك واني اروح احضر الجهال علمود اتوصلنه لبيت عمي
فهد ..انتضرج
بلقيس ..حضرت الجهال واخذت ألي ملابس وطلعنه من البيت وبستان ايخبل والهوة ايرد الروح احس الجو بدة يكسر شال نبراس واني كدت علاوي وام علي اخذت جنطه اهدوم ورحنه لبيت عمي
وعمي وعمتي كيفوو بيه وفهد اتوكل على الله وراح سافر واني طبيت للبيت
حياتي عاديه روتين يومي غده عشه ريوك ما عدهم احد واني هم ما اطلع
من البيت وعده شهر وفوك فهد ماكو واني كمت اضوج احس روحي اتريده الروح من اتريد شخص متكدر اتصيطر على روحك واني ما اكدر اصيطر واني كاعده يم ام علي
ام علي.. ابنيتي همس اشبيج ضايجه
بلقيس..ها لا خاله بس احس روحي ضايجه اريد اطلع ومشتاقه لهلي من زمان ما رايحه ولا امخابرة وفهد كله كاضيهه سفر
ام علي ..خل اكول لم فهد ونطلع افرج بلبستان ماطول الجهال نامو انتضري هسه اجي
بلقيس ..راح ام علي استأذنت واجت وكالت قبلت واطلعنه للبستان وفرتني اشكد حلو يعني مزرعه امقسمه مكان للفلفل ومكان وخيار ومكان اشجار المشمش ومكان اشجار التفاح وخير من الله اكلج ام علي
ام علي ..كولي
بلقيس ..البستان كله زرع وبركات الله بس منو يعتني بلزرع
ام علي..اكو فلاليح يشتغلون بس هسه هاي الفترة ماكو لن الزرع كام يطلع ومن ينضج ايحصدو هسه يله خل نرجع الجو بده يبرد وهسه العصر والشمس كامت اتغيب
بلقيس..اوكفي ام علي بس خل اشوف نهايه البستان شنو
ام علي ..هناك
بلقيس..اي
ام علي ..مناك نزله اتنزلين للشط
بلقيس ..عليج الله بس خل اشوف الشط ونرجع
ام علي ...يله بس على سريع لن ما ضل وكت وجهال هسه كعدو
بلقيس ..اوك وكمنه مشينه لنهايه البستان وصلنه الشط ومديت ايدي للمي والعب بلمي
ام علي ..ابنيتي راح اكعد اشويه ارتاح ونرجع انهد حيلي من المشي
بلقيس ..رجعت ام علي كعدت بعيد عليه مسافه ترتاح بيه واني كمت العب بلمي وبعدين وكفت بدايه الشط وادرفر بلمي برجلي يعني اللعب بلمي ومشيت جم خطوة واني جنت لابسه بنطرون نيلي وثوب ماروني ونيلي طويل يوصل جوة الركبه وشال المهم كمت اتمشه بلمي واتذكرت فهد اشون نومني بحضنه ونضرات الاعجاب وما احس روحي لن زالكه بلمي وطبيت بدايه الشط يعني العمق اطول مني فأذا اوكف على طول يعني اعلى مني بمسافه كمت اغط واطلع واصيح ام  ام ا ا ام ع ل لل للي اللحكيلي  ام علي  واني اطب بلمي واطلع اشوفه اجت بدايه الشط واتصيح امعوده همس همسسسسسس وج يمه اطلعي والله ما اعرف اسف اطططططللللعي بلعلو حسه واني ما اكدر انقذ روحي واحس المي طب بلعيوني واذناتي واكول لنفسي هاي هيه بلقيس راح اتموتين وبلعت هواي مي وما اكدر اقاوم فه غمضت عيوني واكول متت وبعدين ما حسيت
فهد ..توني رجعت من السفر ورحت لهلي سلمت عليهم وسألت عن همس وكالت امي اني خليته تطلع تفتر وكتله خل اروح اشوفهن وبيدي دفتر رسم والوان وكاكو واشكال والماجأة التفون اشو اتأخرن وطلعت اريد اشوف لخذت كلبي بس كلبي احسه كام ايدك