كسران الهوى

البارت ١٤

بلقيس..طلعت يم بابه ومامه وعشق
كعدت يمهم كلتلي مامه اخر الشهر عرسج ومن باجر نطلع نشتري ملابس
عشق..مامه اليوم ابات يمكم وباجر اطلع وياكم نشتري الملابس

...وبدو تجهيز ملابس بلقيس
...بلسوك..

بلقيس..مامه شنو ذني الملابس ابربج اني البس هيج حته تشتريهن مااامه
ام عشق...بله شتلبسين انتي مسترجله كله بناطير امكضيته حته اتنامين بلبنطرون متكليلي
بلقيس...عليج الله مامه ما اريد مال نوم
ام عشق..أمني راح اشتريلج دشادشه تسحل وراج لو سرول ابو كاسب لو مال العكيد
بلقيس..مامه كامت اتحشش
عشق..اباوع عليهن واتذكرت سفير ابيوم عرسنه من كتله اريد برموده ويه قميصه لن اني عاندت ما لبست السيت مال النوم.
بلقيس..عشق عشششق وين صفنتي
عشق..هاا ا ا لا هيج يله خل نستعجل لن بناتي ضلن يم بابه بلبيت همزين اليوم ماطلع بلقيس
بلقيس..ها كولي

عشق..اشتري مال نوم والله حلوات
بلقيس..بله من عقلجن البسهن
ام عشق..اشتري وغصبن عليج والله وحدتجن رجال كل انوثه ماكو اني ادري اشراح ايشوف منج اذا البنطرون لازكه بي حته من اجه وشافج
..اشترت ام عشق سيت نوم ابيض ودشاديش نوم كل وحده فصال ولون
وبرمودات خمسه هم كل وحده فصال ولون ودشاديش اكصار بس ما اشترت بناطير لن بته لامه السوك عدهه بلقيس كل الوان وبديات وياهن فأشترت اله كم شال وجم جبه لن بلقيس تدرون كامت تلبس شال واشترت ملابس داخليه ومن هلسوالف

..انروح لفهد...

فهد..اشترين غرفه جديده تركيه بيضه وبيه نقش ذهبي وافراش ومن هلسوالف صح مالي نفس بيه بس هذا حقهه وبهد فترة دوز اهل بلقيس ملابس كلت الام علي اترتبهن طبعا ام علي تشتغل بلبيت من اجي اتجيب الجهال من يم اهلي اداريهم ومن اروح ترجع لبيت اهلي وتاخذهم واتضل هناك اداريهم ....

..اجه يوم العرس طبعا سوو هوه حنه هوه زفه.....

قبل يوم العرس..

بلقيس.. موتتني عشق اتولتني حفافه جسمي وامجلبه بيه بس بلهل الشيرة
عشق ..خلبتيني خل اكملج
بلقيس..اخ ولج كدامج بشر مو حشر اتوليتني هلس اخ ا ااخ كافي ولي صايرة براسي مرة روحي حفي لروحج اتكولين جنج قرد 🐒روحي

عشق ..ولج اني قرد دشوفيني امبين شعرر هههه اشكر ما اتعب روحي واحف هههههه
بلقيس..واني هم مثلج دعوفين والله حلوات اصلان افتخر بيهن امربيتهن اسنين وانتي تجين على الجاهر اتحفيهن ولج اخخخخخ احمريت اتكولين دجاجه صامطيه اخ...وما خلصت عشق مني اله خلتني اكلوب احمر مال نوم ..وباتت عشق وياي نفس الغرفه وحضنه البنات ونمنه ..بس اني والكابوس الميخليني ..
عشق.. واني نايمه واسمع بلقيس اتصيح لا لا لا لا لا لا لا وعركانه ..بلقيس اشبيج اصحي بلللقيس
بلقيس ..كعدت على صوت عشق وكلته بس مي
عشق ..هاج اسم الله عليج شجاج كولي اكو شي
بلقيس ..لا ماكو شي بس كابوس عادي

..صباح يوم الزفه..
بلقيس..ودتني عشق للصالون وامي ضلت اتسوي غده وبنات عشق يمه طبعا صار عمرهن ٥سنين ..المهم اتولنتي ام الصالون مكياج وتسريحه طبعا نسيت اكللكم بدله العرس اشتريته واخذناهه ويانه ..بعد وقت لبست البدله جانت ناسكه اردانات اطوال والصدر كله شذر اكبار وازغار شذر فضي ورد على الخصر ومن للنهايه ورد ازغار وشذر ولبست كبوس مال البدله  وكملنه كلشي اجه بابه اخذني للبيت
وكعدت بلستقبال ننتضر الزفه بس هلمرة عشق هيه حارت بناته وبدلتلهن
عشق..لبست ثوب أسود ردن طويله امخصر بي دكم من فوك ليجوة وبي حزام ويا شال اسود وبلدت لنفس وعطر  بدلات بيض كل وحده فصال شكل وطلعت يم بلقيس واجت خالتي ام علاء وعلاء ونسوان من الجوارين اجني طبعا علاء ما طب ضل برة واحنه ما عدنه اقارب اهواي وبعد وقت اجت الزفه طعبا لا هلهوله ولا شي الناس خزانين على الراحو من عدهم خطيه سمعت اخوه فهد وخواته ومرته ماتو فحقهم

اجه فهد وعمامه و ولد عمامه وابو وامه بجم سيارة ونزلو بلباب محد طب للبيت بس ام فهد وابوفهد وفهد  لن زحمه الناس غربه طبو للستقبال كعدو ارتاحو وشربو عصير ..

فهد ..اليوم زفتي لبست قاط اسود امخصر وقميص ابيض ورباط اسود وكملت واخذت امي وابوي وعمامي رحنه وبعد جم ساعه وصلنه  يعني بعد الضهر حته وقت الغده نزلنه بمطعم وردينه كملنه الدرب وصلنه لبيت

وصلنه لبيت عروس ونزلت اني وامي وابوي وعمامي ضلو برة ودخله للستقبال مالتهم وكعدت يم العروس حته اسمه بلعقد سمعته ونسيته واجت ابنيه جابت عصير بس ألي فاجئني لابسه كله اسود وثار فضولي وكالت اتفضل باوعت عليه عيون زرك وبيضه واجني ذني الحلوات توم شايلات جكليت وكالن هاك عمو باوعت عليهن نفس العيون زرك كلت شنو السالفه هاي كله عيون زرك بيت ابو كيك طاب لو شنو وكلمت شرب العير وكمت وكتلهم همياله نتوكل يالله اخذت العروس كتله يله ودعي اهلج
بلقيس..كمت حضنت بابه وكلي ديري بالج على روحي وعلى زوجج وجهاله وصيريلهم ام واعرفج ابنيتي الاحنيه
ودعت مامه وكامت تبجي قهرتني وكالت ديري بالك على روحي ابنيتي وتعاي لتكطين بينه وصلت العشق
عشق..اني اكره لحضه الوداع وخاصه الاحبهم ما اكدر وجان تجي بلقيس وحضنتني وتبجي وكالت راح اشتاقلج كلته والله اني هم بس كافي لتبجين كااافي
بلقيس😭😭😭😭😭😭
عشق..كافي موحته المكياج راح تدرين جبار هسه احله منج اذا شافج رجلج ايعوفج ويشرد
بلقيس..بوست عشق وبناتي وكتلهن روح خاله احبجن وراح اشتاقلج واخذني فهد وصعدني بلسيارة مالته جنه بس سيارة اني ويا وطلعنه اتوجهنه للديوانيه..
.
.
...
.
ازل مراد

ليش تفاعلم قليل سوو تاكات لاصدقائكم حرامات قصه تستاهل 😔