(زواج بوصية ابى) بقلم/هبه الله عوض السيد (بوبا)

الفصل الثاني

الفصل الثاني (زواج بوصية ابى):-
تدخلت جميله قائله بحزم:الهام هتقعد مع عمتها يا كريم
جميل بغضب:انا عمها وهاخدها معايا دلوقتى حالا
جميله:تاخدها معاك فين دا انت حتى مسالتش على اخوك اللى لسه دمه مبردش وجاى عايز تاخد بنته
مها لتهدء الوضع:البقاء لله يا جميله والله زعلنا خالص اما عرفنا ربنا يرحمه كان اخ غالى معلشي يا حبيبتي هو بس خايف على الهام انتى متعرفيش فريد كان غالى على جميل اد ايه
جميله بسخريه:لا عارفه يا حبيبتي ومقدراه كمان
كريم وهو يقترب من الهام التى تنظر للجه الاخرى ويظهر عليه الشرود قائلا:الهام البقاء لله والله عمى كان غالى علينا كلنا ربنا يصبرنا كلنا
نظرت اليه ويظهر على وجهها بانه لم تكن معه
اقتربت هى الاخرى واحتضنتها بقوه قائله:يا حبيبتي يا الهام اهئ اهئ اهئ انا وكريم مش هنخليكى تحسي باى غربه تعالى اقعدى معانا او ممكن نيجى نعيش معاكى فى الفيله
جميله:اظن مش وقته الكلام ده يا جميل (ونظرت لابنها قائله:عملت ايه يابنى
امير:كل شئ تمام يا امى خالى اتغسل وجاهز ع الدفن وكلمت خالى نبيل وزمانه على وصول وخالتو فريده ملقتش تذاكر انهارده هتنزل على اول طياره نازله مصر  انا متصلتش بشيماء عشان مخضهاش هى كده كده على بال مترجع مش هتلحق الدفنه
جميله:طيب كويس ربنا يخليك يا حبيبي
نظرت اليهم بصدمه فوقعت كلماتها عليه كالصاعقه
الهام برجاء:لا متدفنهوش
جميله بحزن على حاله تلك الفتاه الصغيره:يا حبيبتي اكرام الميت دفنه ولسه الوقت بدرى يعني لازم يدفن انهارده
الهام ببكاء:عشان خاطري يا عمتو متدفنهوش انا انا مليش غيره يا عمتو
اقتربت منها واحتضنتها وجهها بيدها قائله وهى تنظر لعينيها:الهام يا حبيبتي انتى بقيتى كبيره ولازم تبقى اقوى من كده احنا كلنا جمبك ومحدش هيسيبك
نظرت لعينيها بضياع وشرده بما مضى
(فلاااااااش)
تجلس على احدى المقاعد بحجرتها وتمسك بيدها احدى الالبومات وتنظر الى صور تجمعها بوالدها  تسمع صوت طرقات على الباب فتهتف:ادخل
يدخل من الباب ليجدها ممسكه بالبوم صور قديم فيبتسم لها قائلا:قطتى الصغيره قاعده هنا وسيبانى قاعد لواحدى
الهام:انا لو اعرف انك هنا انا كنت نزلتلك جرى يا قلبى
فريد ضاحكا:اه يا بكاشه بتعملى ايه
الهام:انا بتفرج على الصور بحب اتفرج عليهم
فريد:ورينى كده خلينى اتفرج معاكى
نظر الى احدى الصور وعلى شفتيه ابتسامه مميزه قائلا:الصوره دى كان طلعلك اول سنه
ابتسمت له قائله:ودى
ارتسمت عليه شفتيه ابتسامه عريضه قائلا:دى كان اول يوم مدرسه شوفتى بنوتى حلوه ازاى وبصى دى كنتى فى ثالثه ابتدائي شوفتى كنتى احلى بنوته فى صحابك
الهام  ضاحكه:لا طبعا هدير صاحبتى احلى دى عينها زرقا وشعرها لون الدهب
نظر اليها قائلا:لا طبعا بنوتى احلى
قبلة يده قائله:ربنا يخليك ليا يا بابا
قبل جبهتها قائلا:ويخليكى ليا يا حبيبة قلب بابا
الهام ضاحكه:شوفت الصوره دى كنت صغيره ازاى
نظر اليها وعينيها تلمع قائلا:مانتى لسه صغيره كانك لسه مولوده امبارح 
الهام ضاحكه:يا سلام
فريد وهو يضع يده على شعرها بحنان قائلا:اه ملامحك متغيرتش لسه ضحتك جميله وقصيره زى منى ولما بتعيطى البيت كله بيبكى انتى صغيره فى عينى ومبتكبريش
احتضنته بقوه قائله:انا بحبك اوي با بابا
ربط على ظهرها قائلا:انا كمان بحبك اوي يا قلب بابا
(باااااااك)
نظرت الى عمتها وهتفت بخفوت:انا كبرت يا بابا انا كبرت كبرت لما سبتنى كبرت
اغلقت عينيها لتجرى دمعه على وجنتها لا تدرى اين طريقها كصاحبتها.
جميله موجهه حديثها لنهى قائله:نهى خليكى مع بنت عمك لغايه منخلص الدفنه ونرجع متسيبهاش
نظرت الى عمتها بصدمه قائله:لا انا هروح مع بابا انا عايزه اشوفه لازم اودعه
جميله:يومين كده وتبقى احسن هنروح انا وانتى نزوره
مها بكلمات ذات معنى:باذن الله تتحسنى ونروح انا وانى وعمك متخافيش ياحبيبتي مش هنسيبك لحظه
نظر الى والدته بضيق قائلا: يالا يا ماما عشان نتوكل على الله ونلحق نصلى عليه العصر
جميله: حاضر يا حبيبى
ذهب الجميع ارادو ان يتركوها ولكنها رفضت  ذلك رفضا قاطعا
(بعد وقت)
تقف فى احدى الصفوف وسط النساء يصلون صلاة الجنازه  ترتدى تلك العبايه السمراء وتضع على راسها طرحه بطريقه غير محكمه لم تدرى كم دمعه هبطت من عينيها حتى اصبحت بلون الدماء
بعدما انتهو من الصلاه لم تتحملها قدمها وقعت علي الارض وشردت وعى وجهها ابتسامه هادئه
(فلاااااااااش)
يجلس على مكتبه فيجدها تدخل عليه بدون استاذان قائله  : ايه يا سي بابا كل دى نص ساعه انا جهزت بقالى ساعتين
فريد: معلشي يا حبيبتي انا بس امير بعتلى ايميل كنت لازم اراجع عليه
الهام  بضيق: يادى امير احنا خارجين انت ناسي انك عازمنى والا ايه  خد بالك دى تعويض عن خروجت الاسبوع اللى فات وامير بردو اللى بوظها انا شايفه انك تستغنى عن خدماته

فريد ضاحكا: هههههههه هو انا اقدر استغنى عنه دا هو اللى ممشي كل الشغل دا لو ابنى مش هيبقى كده
الهام بمزاح: بردو مليش دعوه انت تقفل تليفونك ويالا الساعه بقت 7الفيلم هيبدا وبعد الفيلم نبداء الفسحه بقى
فريد: بعد الفيلم نبداء  لا دا انتى داخله على طمع
الهام  ضاحكه: بصراحه اه
فريد وهو يغلق حاسوبه المحمول قائلا: مع نفسك يا امير انا هخرج مع عروستى
ابتسمت واحتضنته بقوه واتجهو الى الخارج معا ليذهب بها الى حيث تريد فهى كل ما  كان يملكه مثلما هو ما كان لديها 👌
(باااااااك)
لم تدرى كيف وصلت للسياره وجدت نفسها بجانب عمتها وتحتضنها وتربط على ظهرها متجهين للمقابر
نظرت للنافذه المجاوره لعمتها وما ذالت راسها على صدرها واستمعت للحديث كانه صدى صوت
(فلاااااااااش)
تجلس بجانب والدها بالسياره وتنظر اليه قائله: انت واخدنى ورايح فين
فريد:دقايق وتعرفى
نظرت اليه بمزاح قائله:اوعى تكون هتخطفنى
وقف امام احدى محلات الزهور قائلا:اسكتى يا غلاباويه انتى
نظرت للمحل قائله:اه دا محل زهور شكلك قررت تتقدملى
ابتسم لها قائلا:لا لما تكملى ال18
الهام ببحزن مصطنع:يعنى لسه هستنى سنه ونص
فريد ضاحكا:بت
الهام ضاحكه:احنا اسفين يا استاذ فريد
فريد:احنا رايحين نزور ماما يا غلاباويه
بعد قليل عاد وهو يحمل باقه من الورود باللون الابيض والاحمر قائلا:ادى البوكيه اللى نبيله بتحبه
نظرت اليه قائله:بابا هى ماما متوفيه بقالها كام سنه
فريد: من وانتى عندك 3سنين  يعنى  اكتر من 12سنه
الهام  : ومتجوزتش تانى وكمان دايما بتزورها وبتحكى عنها للدرجادي كنت بتحبها 
فريد بإبتسامة هادئه:فعلا كنت بحبها جدا وقفت جمبى كتير ومتخلتش عنى
نظرت اليه قائله: يا بختها بيك بجد انت زوج عظيم واب ميتعوضتش ربنا يخليك ليا 
نظر اليها قائلا: انتى عارفه انا نفسي اما اموت ابقى جمبها
نظرت اليه  قائله: بابا بلاش الكلام  ده انا بخاف
نظر اليه قائلا: كلنا هنموت والموت مش حاجه تخوف بالعكس احنا بنكون مع اللى بنحبهم وسابونا من زمان
الهام بحزن: وانا يا بابا بالله عليك متقولش كده انا مقدرش اعيش من غيرك انت حياتي كلها
وضع يده على وجنتيها قائلا: مانتى كمان بكره هتتجوزى
الهام  ببكاء: لا انا هفضل معاك مش هتجوز والا هسيبك ابدا
ابتسم لها قائلا: يعنى مش اول متدخلى الجامعه هتقوليلى جايلى عريس وعايزه اتجوز
الهام: لا انا هفضل معاك يا بابا مش هسيبك ابدا بس انت متسبنيش وتروح لماما انا مقدرش اعيش من غيرك
(بااااااااااااك)
شعرت بتوقف السياره ونظرت للمقابر لم تدرى لما شعرت برجفه بجسدها فسوف تودع الان والدها ستتركه ولن تراه ابدا
نظر الى والدته قائلا: خليكى مع الهام هنا متنزلوش يا امى
نظرت اليه بغضب  قائله: لا انا هنزل مع بابا مش هسيبه
نظر اليه وهو يغلق باب السياره من الخارج ليمنعها من الخروج قائلا: كده احسنلك خليكى هنا ودقايق وهنرجع
الهام  بغضب: افتح الباب ده انت مفكر نفسك هتحبسنى انا عايزه بابا افتح الباب
نظرت اليه قائله: افتح الباب يا امير
امير: يا امى عشان متتعبش خليها هنا احسن
جميله: متخافش يا حبيبي  انا معاها ولو فضلت هنا هتتعب اكتر
فتح الباب  قائلا: اللى نشوفيه يا امى
هبطت من السياره وامسكت بيد عمتها متجها للداخل لمحت ذلك الصندوق الذي يحتضن والدها بداخله سرت القشريره بجسدها وامتلات عينيها بالدموع ابتلعت ريقها وظلت تسير بجانب عمتها  وعينيها تتبع ذلك الصندوق لم تدرى لما لم تهبط دموعها فقط متجمعها تحجب عنها الرؤيه 
(بعد قليل) انتهو من دفن الجثمان ووقف بعض الشيوخ لقراءة القرآن  وبعد قليل انتهو وذهب الجميع
جلست بجانب قبر والدها تتذكر ضحكاتهم ومزاحهم وزكرياتهم الجميله
نظر الى  والدته قائلا: يالا يا امى الوقت اتاخر 
جميله بحزن:يالا يا بنتى عشان نمشي
لم تستمع لحديثها فهى كانت بععاما اخر
اقترب منها قائلا:الهام يالا نمشي الوقت اتاخر
نظرت اليه قائله:لا انا هقعد مع بابا حبه
امير بضيق:الهام مينفعش تقعدى فى القبور انا سايبك بقالى نص ساعه
نظرت اليه بغضب قائله:انا قولتلك انا هقعد مع بابا ومش همشي من هنا
امسك معصمها قائلا:يالا يا الهام اسمعى الكلام
امسك معصمه هو الاخر قائلا:سيب ايدها ومتعليش صوتك عليها تانى انت فاهم
استدار ونظر اليه ومن ثم نظر ليده الممسكه بمعصمه قائلا:اوعى ايدك يا نونه ومتدخلش فى شئ ميخصكش
جميله:فى ايه يا ولاد انتو هتتخانقو هنا يالا يا الهام
اقتربت منها وامسكت بيدها لتساعدها على الوقوف وذهبت معها الى السياره بصمت
(بعد قليل بسيارة جميل)
كريم بغضب:شوفت يا بابا امير عايز يحط ايدو عليها باى طريقه ازاى انا مش مطمن لعمايله دى الهام لازم تيجى تعيش معانا
نهى:وهتقعد فين يا فالح دى شقتنا يا دوبك مكفيانا بالعافيه
مها:فعلا كريم عندو حق لازم نحط ايدنا عليها ومن انهارده ونستغل الموقف اللى حصل فى المقابر دلوقتي لصالحنا حتى لو هتفضلى انتى وهي فى نفس القوضه واوعى تضايقيها دى هي الكنز اللى هينفجر بالملايين ويغرقنا فلوس
نهى:حاضرياماما انا هعمل كل اللى تقولى عليه
نظرت لزوجها قائله:وانت يا جميل لازم تتصرف وتنتهز الفرصه وتاخدها معاد انهارده بحجة انك خايف عليها من امير وانو عصبى والبنت متستحملش وابعدين نشوف هنعمل ايه
جميل:ماشي اول منوصل بيت جميله هقولها
نهى:ليه هما مش هيروحو الفيلا
جميل:لا امير قال عشان متتعبش هناخدها تقعد عندنا لغايه متتحسن
كريم:اها قولتلى دا مستعجل اوى وعايز يحط ايدو ع الفلوس من دلوقتي
مها:عشان كده لازم نبقى اسرع منه ونكسبها فى صفنا فى اقرب وقت ممكن يكون اخوك كاتب كل املاكه باسمها وساعتها هنطلع من المولد بلا حمص وخوصا ان امير كان ايد اخوك اليمين من بعد المشاكل اللي كانت بينكو
(فى السياره الاخرى)
لم تتوقف عن البكاء بين احضان عمتها منذ خروجهم من باب المقابر
جميله بحنان:خلاص يا الهام اهدى يا حبيبتي كده بابا هيزعل منك
الهام ببكاء:كان نفسى اقعد معاه شويه انا خلاص معدتش هشوفه انا مش عارفه بابا كان بيحبك وبيعتبرك ابنه ازاى وانت مبتحبهوش ومهانش عليك تقعد معاه شويه انت معندكش قلب
نظر اليها قائلا:انا مبحبهوش؟لو هو كان بيعتبرنى ابنو فمكانتو عندى كانت اكبر من اب
اوقف السياره ونظر الى الامام مره اخرى قائلا:وصلنا يا امى طلعى الهام معاكو وانا شويه وجاى
جميله وهى تنظرللخلف قائله:مش دى عربيه خالك جميل؟
امير:ايوه هي اكيد فى حاجه انا هطلع معاكو
جميله:بهدوء يا حبيبي مش عايزين مشاكل
امير:حاضر يا امى
(بعد دقائق بشقة جميله وامير)
جميل بغضب:يعنى ايه تفضل قاعده هنا انا عمها
امير بهدوء :والله اللى حضرتك سامعه هو دا اللى هيحصل
كريم بغضب:يعنى ايه يبقى عمها عايش والمفروض هو الواصى عليها وتحكم وتتحكم انها هتقعد عندك
امير:ومين قالك ان خالى جميل هو الواصى عليها انت ناسى خالى نبيل وهو الاكبر يعنى لو حد الواصي يبقي هو بس خالى نبيل مدخلش عشان عارف وصية خالى فريد الله يرحمه
مها بفزع:وصيه وصية ايه؟
نهض من مقعده قائلا:.......