وكل هذا الكلام الشرطة اخذت ابو نصير للمخفر مجان موجود
اما رؤى فاغمى عليهة واخذها محمد للمستشفى بسرعه وهو خايف عليهة وحس انه بدت تنمو بداخله مشاعر تجاهة من اول مرة شافهة على سرير المستشفى وبهالوقت قطع على نفسه وعد انه حيحميهة من كل شر ومكروه وميخلي اي جنس بشر ياذيها
«المستشفى»
بعد ماوصلو للمستشفى محمد نزلها عالحماله المستشفى ولبس ردائه الابيض ودخلوها على غرفه العمليات وام رؤى واكفه وهي تبجي وگلبها محروك عاللي صار رادت تخسر بنتها ويروح شرفها بسبب واحد خسيس ماكو بگلبه ذرة رحمه وانسانيه
«بعد مرور ساعتين»
انطفه ضوه غرفه العمليات وطلعوا رؤى وهي عالسرير المتحرك ونايمه وايديها ثنينهن بيهن كانيولات ووجها شااحب
ام رؤى:بشررر وليدي شونها بنتي انشالله بخير ومابيها شي طمن گلبي الله يطمن گلبك
محمد:اتمطني يمة الحمدلله عدت مرحله الخطر صار عدها نزيل داخلي وكدرنه نوكفه الحمدلله ونشالله بعد نص ساعه وتصحه من البنج واجي افحصها ماعدها غير العافيه
ام محمد:الله يبشرك بالخير يمة نشالله ننتظرك احنه كاعدين يمها
محمد:نشالله
اسراء:استغفر الله هذا منوووة اللي اجه ونقذها منوه هذا ؟! كله من وراه خربت خطتي جان خلصت منها ومحد عرف انه هي موعايبه وشريفه
عبدالله:يمة وهسه شون شنسوي ؟! اني اريدة لرؤى اريدهةةة
اسراء:اسكت انته هسه خل اعرف شرح اسوي وبعدين لكل حادث حديث ونشالله اكدر ازوجها الك بس خل الكالي خطه اخلص بيهة من هذا الدودة اللي طلعلي فجأه
عبدالله:اوفف لشومت حصبر ؟! لشوكتت كتيلي حزوجها الك بس رحتي زوجتيها لابو نصير شدتسوين انتي شدتسوين ؟! مدااكدر اثق بيج بعد خلص اني حاخذ اللي اريدة بذراعي
اسراء:لك يمه استهدي بالله وبالرحمن وتعال اكعد والله ازوجها الك والله بس اهدة واكعد لاتسوي شي ماعندي غيرك يمةة
عبدالله:لا لا خللص اني حاخذها بايدي وتكون الي اريد اشوف بشر يمنعني اللي يمنعني اموته بايدي وماخايف من بشر
اسراء:لك يمةة اهدةة اهدةة لك ...
وباثناء مدتحجي طلع من البيت وعافها.
pov.zahraa
بعد اللي صار وية بنتي انفجرت بوجه اهلي وحجيت شوية من اللي بگلبي لان صارلي سنين واني ساكته وضامه بگلبي واخاف احجي واجرحهم بس همه مااهتموا لمشاعري ولخاطري وكسرو وحجيت بس تصحه بنتي وترتاح الي كعده وياهم واختي !! ...هه اخجل اسميهة اختي بعد اللي سوته ويايه خربت بيتي ووصلتني للطلاك وهسه تريد تضيع مستقبل بنتي وتاذيها بس والخلقني مااسمحلها لاهي ولاابنها وماسكت عن حقي بعد كافي لهنا وبس
E.p.zahraa
بعد مرور النصف ساعه صحت رؤى واجه محمد فحصهة بس هي متبدي اي ردة فعل ونظراتها بارده وموجه للحايط وبس متباوع على احد ولاتحجي وية احد كانه قطعه جليد ماتحس ولاتهتز ولاتتحرك
محمد: انسه ...انسه تسمعيني ؟!
حاول محمد يحجي وياها ويخليها تتجاوب وياه بس هي ماكو فايده وهو ماستسلم
محمد:زين لاتردين بس اذا تسمعيني حركي ايدج علمود نكدر نعرف انه انتي سليمه ومابيج شي نشالله
ضايجه ؟!
مقهورة ؟!
تردين تطلعين ؟!
تردين تروحين للبيت ؟!
حاول وياها وحاول ماردت ولاسوت اي حركه
سالها اخر سؤال
محمد:جروح تاذيج ؟! وتحسين بيها لولا ؟!
بهالسؤال باوعت عليه رؤى وعيونها مليانه عتب وحزن وردت عليه بصوت مكسور ويرجف
رؤى: جروحي ؟! ياجروح قصدك ! ج جروح جسمي !! لو جروح گلبي ؟! لو جروح روحي ؟!
هنا محمد ضل صافن عليهة وضل يباوع بعيونها وهو داخله متهشم عليهة وهو ميفهم. ليش هيج ديصير وياه وليش مقهور عليهة ويريد يشيل الحزن عنها وبنفس الوقت ضل عاجز كدامها ميعرف شيكللها
محمد:الله موجود صدكيني محد حينفذ باللي سواه محد يستمر بالظلم ربج موجود ويشفي كل جروحج بس لازم تكونين قوية وتحاربين اللي يردون ياذوج ومتبقين ضعيفه صحيح تستغربين انه اني دااحجي وياج هذا الحجي بس اعتبريني اخ وداانصحج تمام ؟!
رؤى:شكرا دكتور واسفه لان شفتي بذاك المنظر...واتمنى تنساه «تحجي وصوتها مخنوك وتريد تبجي»واتمنى ماتحجي لاحد والله اني شريفه وطاهرة والله
محمد:كولي يالله واهدي واكيد مرح اكول لاحد انتي مثل مروة يعني عرضي وشرفي شون احجي عليج ؟!
من سمعت رؤى كلامه خجلت ووجها صار احمر وكالتله
رؤى:شكرا ماانسه فضلك هذا طول حياتي
محمد:عوفي هذا الكلام هسه ماكو هيج شي بيناتنه اعتبريني اخوج الجبير وارتاحي هسه ونشالله اليوم بالليل تطلعين من المستشفى
عندج العافيه
وها لاتشيلين هم انتي موزوجته لان العقد باطل 😊
رؤى بفرحه : تسلممم ربي يريح بالك دكتور تسلممم
وبعدها طلع محمد من الغرفه من فتح باب الغرفه انصدم باللي شافه
شاف...
بدونه العمر مايسوه ويسئلني تحبيني !!
+-------------------------------+
رايكم بالبارت ؟!
نقطه اثبات لوجودك.
vote+comments =part8
YOU ARE READING
تزوجت قاصرة لكن
Romanceزواجي الغير متوقع م̷ـــِْن غريب قد اسعدني وانساني مامررت به اصبحت سعادتي هي زوجي احّ ـّـٌٍ❣ـٍّبّكَ ... زواجي م̷ـــِْن الفتاة الغريبه قد قلب حياتي من ملل الى سعادة وفرح رغم انني لم اوافق بداية لكني سعدت في النهاية فاصبحت سعادتي هي زوجتي احّ ـّـٌٍ❣...
part7
Start from the beginning
