ملك الاسد

البارت 3

بـقـلـم / شـهـودهہ

البارت - الثـالـث -

رحم الله نفسًا أبكاني رحيلها .
رحيلكم إلى السماء .. هو الشيء الوحيد
الذيُ أستطيع أن أطلق عليه ..
مسمّى ( الوجع الأبدي ) .

_______

أمـنيهہ …  بوسط قلقي وارتباكي وادك على فوون بابا
ميرد ماكوو

جنت كاعده وما أحس الا صووت هزني هز اركان البيت كلهه صوت قوي صوت انفجار كلش قوي وقريب من عندي صدى الصوت بقى يرن بأذني

اني حطيت ايدي على اذني وقوست نفسي وظلت دموعي تنزل وأكول

لٱ لٱ بابا وماما ما بيهم شي راح يرجعون يا ربي فدوه لأسمك رجعهم دخيل أهل بيتك ماعندي غيرهم أبد

أيدي ترجف ألزم الموبايل ويوكع من أيدي وسط خوفي وارتباكي دكيت على فون بابا كام يطلع .. خارج التغطيه دكيت مَـرّھٌ ومرتين وتلاث مرات نفس الشي خارج التغطيه .. هنااا اني فقدت توازني كله كعدت بلكااع وأصرخ بعلو صوتي

لااااااا لااا يا ربي فدوه لٱ تاااخذهم مِڼـّي ما عندي غيرهم اعزاز كلبي روحي ابويه لٱ تاخذه مِڼـّي يا رب اخذ روحي ولا تاخذه يا اللهي بجاه الرسول صلى الله عليه وسلم
رجعلي اهلي

ايدي ترجف وأمسح بدموعي اخذت الفون بوسط دموعي واقنع بنفسي

لٱ أمـنيهہ …  لٱ بابا أحمد عايش وماما هم هسه يجون

كمت أسمع أصوات الأسعاف والصافرات ودوريات وسيارات الشرطه .. دكيت على عمو أبو جنه
رد كتله بصوت باكي

عموو عموو فدوه بابا وماما راحوو لمول الكراده وما اجو لهسه صارلهم كومه همه دائماً يسوكون منه انته تعرفه فدوه رجعهم عمو .. ابوس أيدك رجعهم

ابو جنه بوجع على أمـنيهہ …  ماشي يبنيتي اشوفهم

سديته منه ورحت بدلت رحت بدلت لبست فستان أسود مستور وشال اسود ولبست عباية راس .. كلي أمل راح يجي عمو ابو جنه ياخذني لبابا وماما وأشوفهم

… اي اي عايشين اهلي وراح اشوفهم وارجع احجي ويا بابا واسولف ويا وناكل سوه وماما من تسولف وتعيط عليه وبعدهه تصالحني ومن نتشاقه واحضن بابا وابوسه كبل ما انام وانام بحضنه مثل البارحه .. اي اي راح يصير هذا الشي .ضليت أكول لنفسي

. أمـنيهہ اطردي الأفكار السودا أهلج عايشين وهسه عمو يجي يأخذني الهم رحت حضنت صورة بابا وكمت ابجي واحجي وياا

ابوويه ابوويه عايش انت لٱ تحرمني من حنانك منوو يكلي بعد تعالي يا حبيبة أبوج .. يا بويه روحي تروح اذا ما اشوفك .. بويه انته مو كلتلي انَـتي تشبهيني ومثل عيوني نفس الشي .. وما اعوفج ما راح تعوفني انت راح تبقه وياي .. مو يابوويه مو يا روح بنيتك ..منو يكلي بنيتي حبيبتي بعد منين اسمعهه .. أنذل بعدك يابويه يضلون ينهشون بيه العالم كلهم من بعد عينك ....