روايه الحب الصادق
الفصب ١
كتابه ندى اشرف
كانت عربيه الجيش بتنقلنا لمكان تاني غير خدمتنا وفجأة العربية وقفت حصل عُطل فيها ونزلنا نصلحوا زمايلي اشتغلوا فيها وانا واقف بسلاحي علشان احميهم.
وفجأة ببوص قدامي لقيت بنت جايه من بعيد كدا لابسه فستان نبيتي والحجاب بيچ وشايله كتب كتير علي ايدها وعلي ضهرها شنطه فضلت مركز معاها لحد ماقربت مني وكانت بتتكلم في التليفون وبتضحك وعدت من جنبي وقع منها كتاب وهي مخدتش بالها ف ندهت عليها... ياانسه.. ياانسه، بصت وراها مستغربه.
قولتلها.... اتفضلي ده وقع منك.
ابتسمت وقالت..... شكراً والله من كترهم محستش بيه
ضحكت قولتلها.... مفيش مشلكه
قالتي... ربنا يحميكم يارب.
وهي مشيت من هنا وانا خلاص بقيت مجنون بيها.
نسيت اعرفكم بنفسي انا يوسف خريج اداب علم نفس ودا تاني شهر ليا في الجيش وبما اني واخد كليه يبقي اخود سنه بس ف الجيش ....
اكمل بقا فضلت واقف متنح واللي بيتكلم مش سمعه مش عارف أي اللي حصلي فجأه صوت بيندهلي..... يوسف.
اتلفيت لقيتو محمود صاحبي بدأت صحوبيتنا في الجيش ودا اقرب واحد ليا في الكتيبه وبقينا صحاب جدا من اول يوم.
محمود...... خلاص يابني العربيه اشتغلت اركب .
ركبنا ومشينا والناس كلها في وادي وانا في وادي تاني خالص وسرحان فيها ورجعت لارض لواقع علي صوت محمود..... يابني في ايه حد زعلك؟
قولتلو.... لا والله ابدا.
قالي.... لالا دا مش طبيعي مش دا يوسف صاحبي ابو لسان طويل.
حكيتلو اللي حصل مع البنت وقولتلو من ساعة ما شفتها وانا تايه في شكلها مش عارف اخرجها من دماغي ابدا والوقتي وانا بحكيلك قلبي بيدق وعيني بتلمع ياصاحبي.
كان ردو عليا انو ضحك بصوت عالي جدا
وقالي..... انت اول مره تشوفها انت اتهبلت انت لا تعرف اسمها ولا منين ولا سنها ولا اي حاجه عنها دا انت ساعتين وتنسي شكلها.
كان ردي عليه اني سكت وقولت يمكن يحصل زي ما بيقول.
وصلنا للمكان الجديد وكل واحد راح مكانو وهي لسه في دماغي كل اما افتكر عنيها بتهبل هي صحيح مش ملونه بس كانت واسعه ورموشها تقيله جدا وكل اما افتكر ابتسامتها أضحك أنا كمان.
وتعدي الايام وانا لا عارف انام ولا اتكلم مبقتش زي الاول البنت دي اخدت كل تفكيري واقول لنفسي دي ابتسمت عينيها غمضت أمال بقا لو ضحكت.
دخل محمود عليا وانا بقول كدا طبعا فضل يتريق شويه وبعدين
قالي..... سيبك منها واشغل نفسك.
قولتلو.... ماشي.
حاولت اعمل كدا بس معرفتش قررت اسلم امري لله وقولت يارب لو ليا خير فيها اقربني منها ولو هي شر ليا ابعدها عني ......
كتابة : ندى اشرف
