(في جانب شهاب)
سافرو ..
و بالعكس حالة شهاب النفسيه كانت ماشه من سيئ لاسواء حتى كلامو قليل .. و نسمة باشرت في موضوع المستشفى .. و اتحجز في المستشفى فترة العلاج .. و نسمة كانت بتجيهو من الصباح لحد المساء ...
.......
جا المساء .. قاعدة بنلعب بليستيشن انا ويزن .. حسيت ان في ضيوف في الصالون مع ابوي ، طلعتة لناس امي زول شغال بي مافي ، بسال امي في شنو ما بترد علي .. بعد شوية جا ابوي و انا واقفه بي بجامتي و بعاين في نهى تكب ف العصير و مازن واقف يتناول منها .. ابوي جراني ،، من غير مقدمات انتي بتحبي ممدوح ؟ نطيت من الخلعه .. وزحيت لورا بس كان ماسكني ، قالي ردي ، قلت ليهو يا ابوي بتوشوشني مالك طيب .. عصر علي يدي قالي رررردي ياخ .. اها بقيت بتخجل و بتلفا زي الهبله ، قلت ليهو يا ابوي ياخ ما تخجلني و....وقف عديل قالي ما تقولي موافقه وخلاص دا جيل شنو دا ياخ..
و هو ماشي قال لمازن حصلني سرعه .. و امي و وهى ديل يعاينو لي و يتضاحكوو ، وانا منططة عيوني .. لمن زهجتة دخلت شلت يد البلستيشن وقعدت ربعت في الواطة جمب يزن وقلت ليهو ارح جيب ملاكمة ،،
قالي دقيقه يا امي بمشي الصالون ، قلت ليهو حتى انت!! اووووفففف
بعد شوية صوت الزغاريت دي ملت البيت ملي ،، زعرودتة ورا زغروتة .. قمت وقفت على حيلي ماشه على الباب كدا .. لقيت #ممدوح جاي علي !!
و وراه امي ونهي بضحكو ، انا بقيت بتلفت في منظري و بجامتي و بفتش للطرحه ، مخلوعة مصدومة عديل ، قلت ليهو ، ممدوح !! انت كيف تجي لحد هنا و ديل بتضاحكو في شنو !!!
عاين ليهو و هو بيبتسم ، زحو من وراهو وجا علي .. فجاة من غير مقدمات حضني !!! اااي والله حضني !!
وانا منططه عيوني قدر الفناجين ،، و بقيت م قادرة اتكلم ! رجعن لورا .. قرب مسك يديني ، و باسهم ، قالي مبرووووكة علي يا هتون .. #عقدنا !
رجعت لورا وفكيت يديني منو ! قلت ليهو شنو م تهظر ! قالي والله عقدنا ، معاي خيلاني واعمامي في الصالون ومن قبيل قاعدين و الحمدلله حلمي اتحقق .. ختيت يدي في خشمي ، و لصقت ضهري في الدولاب و قعدت ابكي .. بس م قادرة ابطل ، الاحساس و الفرحه والصدمة والخلعه كلهم دخلو فيني وياداب حسيت بي رهبة العقد !
الاحساس دا ما عادي مهما وصفتو ليكم لمن يكون من انسان بتحبو وفي وقت انت م متخيلو ..
جا علي مسكني قومني . انا الحضنتو و بقينا نبكي على ضحك .. بيسكت فيني زي الشافعه ..
قلت ليهو اطلع بعد دا ، م ظريفه وم صح ، قالي انتي مرتي ، و المشاعر جمة ، ودا الحضن الكان نفسي فيهو قبيل هههه جيت اخدتو بي حلالي هههه .. ضربتو قي كتفو وغطيت يدي بي عيوني ... باس راسي و مشى ..
أنت تقرأ
غلطتي .. الجزء الثاني
Romanceرواية سودانية بقلم سحر سمير و فاطمة قسم الله رابط الجزء الاول https://my.w.tt/MbsAAtdcgZ