القلادة الفضية

حلقة 15

ابو فارس: انتبه النفسك ابني

فارس: ان شاء الله بابا و طلعت، وصلت للمقهى دخلت اكو هواي شباب كاعدين، اني منين اعرفه منو منهم؟

عبود: دخل فارس، وكفت و اشرت له

فارس: هذا الحقير شنو جابه هنا، رحت عليه ردت اتعارك وياه بس كلت موحلو بحقي كدام الناس، شكو انت الي اتصلت شنو رايد يا حقير يا عديم الشرف، ترا سوالفك كلهن اعرفهن

عبود: يي اني اكعد حتى نعرف نتفاهم، ادري أحمد هو الي كال لك

فارس: احنا ما بينه تفاهم و اعتقد وصلت لك رسالتي من أحمد، ولله و الله شاهد اذا شفتك او سمعت انت تقربت لرغد، ادفنك بمكانك

عبود: انت تعرف شنو كانت نيتي تجاه كل البنات اكيد احمد كال لك، يعني لا تخاف ما اموت نفسي على مود بنت.

فارس: اعرفك يا عديم الشرف بس تتسلة مع بنات الناس، الله ينتقم منك، و هسه شنو رايد

عبود: اسمع زين، رغد اذا عرفت عني الي تعرفه انت و ابوك صدكني ارجع الها، و خلي شنو يصير، يصير، رغد ما راح تعرف شي و اني هيج بس اختفيت، من حياتها و هي ما تعرف عني اي معلومات، ما تكدر توصل لي

فارس: اكيد احنا مو ما رايدينا اختي، حتى اصدمها بوجهك الحقيقي بدون قناع.

عبود: ماشي اتفقنا لكن، و داعت امي اذا عرفت رغد عرفت، اسوي شي ما يعجبكم

فارس: ولي من عندنا، و احنا مو مهتمين لك حتى نفتح بيك موضوع بينه، رغد ما راح تعرف و انت ولي يا عديم الاشرف حسبنا الله ونعم الوكيل عليك

عبود: من كال ما راح تعرف رغد اني رتاحيت، لو شنو يحجي خليه يحجي

رغد: كعدت الصبح سبحت بدلت لبست القلادة الفضيه الي جابه عبود، و نزلت ساعدت ماما شوي

عبود كعدت الصبح رحت للصيدلية اتصل أبوي كال باجر راح يرجعون، اووف ولله شتاقيت الهم مليت وحدي بالبيت، حمودي اسمع اخر خبر

احمد: خير بس لا هم قصت بنت جديد، عبود بس بس ترا والله الدنيا دوارة و الحزن الي تسببه للبنات من تتركهن، راح يرجع لك اضعاف

عبود: هاي شبيك! الخبر اهلي باجر راح يرجعون، و بالنسبه للموضوع الي كلته هذا منتهين، منه لازم نشوف شي جديد

أحمد: اها أهلا وسهلا بيهم شتاقيت الهم ولله، و بالنسبة للموضوع براحتك لكن خلي كلامي حلقة بأذنك، الحزن الي اليوم تعوفه وراك للبنات الي يصدكن بيك باجر يرجع لك اضعاف، لئن يمهل ولا يهمل

عبود: اعذرني ما زارف أذني حتى احط بيها حلق

رغد: صار وقت الدوام بدلت و وصلني فارس لكن ما دخلت و ما راح ادخل قبل ما اكول لعبود و نفرح سوة برجعتي، و رحت للحديقة بلكي يكون عبود اجة انتضرته بس ماكو، ما اجة قبل نهاية الدوام رجعت يم باب المدرسة، اجة فارس اخذني رجعنا للبيت و اني ساكته و دايرة وجهي للشباك و اباوع برة لئن مالي واهس احجي.

فارس: رغد شبيج ضايجة

رغد: لا ما ضايجة شو تعبانه، وصلنا للبيت تعشيت و نمت

عبود. كعدت ثاني يوم من ٧ حتى اخلص من الشغل الي عندي بسرعة و اروح استقبال اهلي، رتبت البيت طلعت للصيدلية رجعنا اني و احمد، تسوكت و صار العصر

رغد: اليوم عطله بقيت بغرفتي افكر عبود وين اختفى، بس درت وجهي ما لكيته بقيت ابجي، معقولة صاير بيه شي وين هو هسه

عبود: يلة احمد، نروح للمطار نجيب اهلي

أحمد: يلة امشي

عبود: دك موبايلي ابويه، الوو هلا يابه اني جايكم للمطار

ابو عبود: لا عبود احنا أجرنا سيارة، ما حجاة تجي

عبود: اوك براحتك

ابو عبود: دير بالك على نفسك ابني ما وصيك، و ساعتين ثلاثا  احنا بالبيت يلة باي

عبود: ان شاء الله يابة، و هلا بيكم سديت الخط، أحمد

أحمد: هاا خير

عبود:  رجعت محاضرات ابوية، بعده ما جاي، و دير بالك على نفسك

رغد: صارت ساعة ٨ باليل نزلت اكل لأن ما ماكلة اي شي من الصبح صبيت لي و كعدت اكل و اجتي، رتوج حبيبتي تاكل وياي بعدين رحت، العب وياهة خطية صار هواي ما لاعبه وياهة

عبود: احمد ابوي من ساعة بـ ٦ كال ساعة ساعتين صارت الساعة بـ٩ و هم ماكو، بالي مشغول عليهم

أحمد: احتمال ازدحام، بس اذا تريد تطمن تصل عليهم