عبود: رجعت للسياره فكرت، اذا اخذتهن بعد مالي رجعة، عاد هيج اكدر ارجع، رجعت للصيدلية و سولفت لأحمد
رغد: بعد أسبوع، بس ما اجة اخذهن و هو كال يجي معقول صاير له شي، لا سمح الله اووف و اني شعليه حتى افكر هل كد
عبود: كولت اتأخر شوية، اشتريت لها هدية بسيطة عجبتني و بيها شي، رحت حتى اخذهن و عرفت الوقت الي يكون بيه فارس و لا ابوها بالبيت
رغد: ندك الباب الضهر ١٢ رحت ركض قبل ما مريم تطلع، لئن احساسي يكول هذا عبود، بدون منو فوراً فتحت الباب، عبود!
عبود: شعجب ما كالت منو شنو تعرف اني راح اجي، لا اخو عبود، عبود انتي حرقتي ههه
رغد: اوف يعني صار شهرين ما نسيت، شلونك
عبود: شلون أنسى و الأثر بعده«الصراحه ماكو اثر بس حتى اضوجها» شنو يفرق عندج اذا زين او لا؟
رغد. اهااا تحجي صدك، ما ادري شنو يفرق
عبود: شلون يعني افتح القميص، و تشوفين حتى تصدكين
رغد: خجلني، لاا مو هيج اقصد يلة حتى ما تنسى مقلبي، ابقى ببالك، رايحة اجيبهن لك
عبود. ههه لا تخافين ما ناسي، شلون شمرتيهت عليه مثل المجنونه.
رغد: ماما هذا عبدالله، اجة ياخذ الجدر
ام رغد: رغد لا ترجعينها فارغات، حطي لهم برياني و بامية و انطيه و كولي له شكراً
رغد: يي ماما صار
عبود: وين راحت رغد شو تأخرت، و اني نشويت بالشمس
رغد: فتحت الباب شفته صاير طماطة، بس حلو من الشمس، عبود و ماما تكول لك شكراً
عبود: اجت الست رغد فتحت الباب شو باوعت عليه و ضحكت! يمكن لئن واكف على الشمس اكيد شكلي صار يشرد، اخذت منها الجدر بس شو مو خفيف سئلتها شنو بيه؟
رغد: متفجرات، اكل لعد شنو
عبود: اها مو اكول عبالي، قهوة ههه
رغد: لا مو قهوة تطمن، حارة برة يلة خذ راحتك
عبود: دقايق انتظري، رحت حطيت الجدر بالسيارة، و اخذت العلبة الهدية الصغيرة، و رجعت
رغد: شنو يريد ليش أنتظرة؟!
عبود: رغد انتي شمرتي عليه القهوة، و رجعتي المقلب اني هسه لازم ارجع اخذ حقي، مو صحيح؟
رغد: اني ما سويت هيج اله انت بجيتني، بغرفت التبديل لو نسيت، فـ شمرت عليك القهوة
عبود: ماشي و اني هسه اريد اسد سالفة المقالب، و بدال ما سوي مقلب بيج، هاي هدية لج حتى نسد موضوع المقالب
رغد: يي أحسن، بس اول اعرف شنو الهدية؟
عبود: كنت افتر اني و أحمد قبل ايام، و شفت قلادة عجبتني اخذتها لج، حتى بعد نغلق موضوع المقالب
رغد: صفنت عليه و احجي بداخلي ولله ما ادري اخذها لو لا، خاف ما اخذها و هو اذا يسوي بيه مقلب، يبجيني اخذها لو لا شنو الحل، و هو بصفته من حتى اقبلها منه و اني بصفتي منو حتى يهديني ياهة؟
عبود: شفتها صفنت تفكر تاخذها لو لا، رغد تاخذينها لو لا لو تردين مقلب اقوة من سحر مريم هههه
رغد: لا دخيلك أخذها بس عوف هيج مقالب، ماحب
عبود. ههه تفضلي، مدت ايدها تاخذها كلت ماسوي بيها مثل كل مرة لئن مبينه ضاجت مني قبل بسبب هاي الحركات، انطيتها بس طخيت ايدها من اخذتها
رغد: مديت ايدي حتى اخذها و اكول بداخلي عبود ولله اذا سويت هاي الحركات اشمر الهدية بوجهك، بس لمس ايدي ما مسكها و اخذت الهدية، شكرا
عبود: انتي بالأخص تدللين و ابتسمت، اني نشويت من الوكفة يلة عن اذنج، و سلامي لأم فارس، و شكراً على الأكل
رغد: انت بالأخص تدلل «طلعت من كل گلبي» صار طماطة مشوية ما كدرت ما اضحك،و يوصل
عبود. هاا بكتي «سرقتي» كلمتي انتي بالأخص بكتي كلامي، و حتى.. و سكتت مو مال اكول لهة، حتى فوراً تطردني
رغد: عادي عجبتني و اخذتها، بس....
YOU ARE READING
القلادة الفضية
Romanceطيبة القلب و طفلة من الداخل لكن قوية، ماذا أن وقعت بحب شخص متكبر لعوب جريئ ولا يعرف الحب هل ستقع بجنون الحب. حب، فراق، حقد بعده لقاء، ما أحرگ القصة عليكم، اغلب التفاصيل مذكورة بالحلقة المنشورة ..... تابعوا و اعطوني رايكم بالتعليقات و رأيكم هل ي...
حلقة 11
Start from the beginning
