ترانيم

22_23

انتبهت لكلمتو وحكيت .. لا كان مقرر بس ينزل من دوامو نروح للعمارة ونعقد ..
هز براسو .. ان شاء الله يرجع .. يرجع وازفة بيدي وافرح بأبنة ..

سامحينا يبنتي يمكن ظلمناج واخذنا غيبتج .. بس كثر الدگ يلين الحديد .. جا شحال الزن بالاذن والكلام ..

الله يسامح الي كان السبب ..
اول مرة اعرف روحي ظالم عزيز .. مادام هو اختارج مرة الة .. فأنتي من اليوم بنتي ومرتة گدام الله والناس والي ببطنج حفيدي وگرة عيوننا ..

بين ااااهات حزني وعذابي .. كلامة كان مثل البلسم على جروحي .. واخيرا اكو شخص انصفني وراح يحميني لحد رجوع عزيز ..

اقوم اعمللكم اكل اكيد جوعانين ..
عامر .. ريحي روحج خيتي انتي هم هستوج طلعتي من المستشفى وتعبانه .. احنة تريگنا بالطريق ..

قحطان .. ليش شبيج ..
- لما سمعت بأختفاء عزيز مااتحملت .. ونسيت نفسي حامل ..
- حافظي على نفسج بنيتي عزيز يرجع ان شاء الله وهسا رايحين عدنا عرف بالوزارة . ونطالب يطلعون بحث او يدزون قوات ..

- الرب يسمع منك ..
عملتهم شاي .. شربوه وطلعوا ..

صار عندي امل انه راح يرجعلي .. اكيد عمو ابو عدنان ماراح يقبل يرجع اذا مايلقي عزيز ..

اتصلت بسراب وخبرتها عن كلام ابوها .. توقعت يعرف انا وعزيز تزوجنا ..
- امي ماقبلت احجي وگالت اتبرأ منج وماارضى عنج اذا گلتي مرجعها ..
وسكتت لان اعرف عامر ماراح يسكت وهو گالي راح اخذ ابو الترانيم حقة يعرف بيها وبأبن عزيز ..

- بالاول استغرب ونكر ابني لكن لما عرف الحقيقه اعتذر ..
- اي شبيج والله ابوي طيب وماكو مثل گلبة بس هالايام عدنان يشتغل من جوة لجوة ومناك امي تزن براسة طبعا يصدگ ..
دور استغلوا غياب عزيز سودة عليه ..

بكيت مااتحملت .. تعرفي سراب . انا حاسة اني كنت استمد قوتي وكرامتي من وجودو ..
خايفة كثير .. خايفة حتى من التفكير ..

- لاتگولين هيج . كلما اتخيل يمكن بعد مااشوفة اتخبل وابجي حتى امير الي اگول عليه قاسي حن گلبة بعد غياب عزيز وصار يواسيني ..

مسحت دموعي .. لاتقولي هاكذ عزيز عايش مابي شي . راح يرجع وينور بيتو ويفرح بأبنو ..

- امين يارب العالمين . لو شايفة بيتنا صاير عبارة عن بجي ودموع . من يوم الي عرفنا والكل كاطع الاكل والشرب حتى مااروحلهم لان مااتحمل اشوف امي وجدتي بهيج منظر .

- لازم تروحي وتقوليلهم مايقطعوا الامل .. عزيز قوي ماراح يقبل الذل والهوان ..

- الله يسمع منج .. يلة رنوم دوختج روحي ارتاحي واي شي يصير لو تسمعين خبر گليلي ..

رجعت لينا الظهر جهزت الغدا رغم انتظرنا عمو وعامر كثير ومااجو .. اتصلت على عامر ..
قال نتأخر ..