الطريق كله ضايجه ومغثوثه من السوا حيدر امبين لبراسه يسوي وحته كلت بس يجوني خطابه اقبل ولا اخلي هذا ياخذني وفوكاه بلعرب وتعب لا مستحيل
احمد كلساع يدخن ويحجي علي شبيج من
رجعتي وكالبه وجهج اخر شي كتله يابه تعببببت شعليك انته كالي وسم ليسمج ع هلصوت مو صوجج بلكي اضل بيج الحساسيه ههه كال حساسيه حقه غير ميعرف شي وعاد خله وسكت وصلنه لهلي امي خطيه مفرفحه علينه دكول عبالك اخذوكم مني وتبوس بينه واحمد الخبيث يكله بيه جرب لا تعديكم وامي صدكت ودكول يمه شسويتي وجاج كتله يمه والله بس ارتاح اسولفلكم كلشي خطيه كالت الكل جاهز بس ادخلو وداليا ورانيا مكيفات يكللي بخت بقيتي كتلهن مو متحبن تبقن هناك داليا الوتيه دكلي شبيج مو ع بعضج كتله بيه جرب خطيه كمزت اصيححح اووي حتعديني خل اشرد راحت تركض ع درج وحنه نضحك عليه باوعت كتله يمه اسد وابويه وينهم كالت ابوج بدوام واسد نايم اليوم ما داوم صعدتله اركض مشتاقتله فتحت الباب لكيت الغرفه صابغه ومغير اديكور ويريد يشتري غرفه كبل صحتت هلاااا بضلععع الما ينشلععع ولك كوممم عريس ونايم خطيه كبل فز يكلي يمه جني شلونج شخبارج مشتاقين كتله تمام ونته كلي مرتاححح متونيسسس هههه كتله اسكت اسكت ابو المتونس جرني جان يكلي نسيت اسئلج تبوكه شلونه كتله تمام اسلم عليك بس دكول ما اوافق حبيت اكذب علي كلي اطلعي بره ولي مني اني اعلمه بنت الكلب شلون متقبل شال الفون يريد يتصل جريته كتله يول اشاقه كرصني يكلي متوبين الج يوم تهجين بليله سوده كعدت وسولفتله ع تبارك شلون تشوف بصوره وهوه خجلان ويفرك بشعره اخر شي دفرني كلي خلي اخابره خليت وطلعت مو صوجكم والله
دخلت غرفتي بدلت ونزلت جوه لكيت ابويه جاي ابو اسد هلا بدانيا هلا بجبيره اخياتج شلونج الهل شلونهم كتله تمام يابه يسلمون مشتاقلك والله كلي واني هم البيت وحشه عاد كعدنه وتغدينه واليام تركض ركض
كاعدين وعمتي اتصلت ع ابويه كالتله ابو اسد احنه موافقين كبع واخذ خطيه ابويه حته عيونه دمعت فرح حيل وامي تهلهل واني وداليا واحمد ورانيا نركص ونغنيله منين جابوك يمشمش كربلا اسودي جكليت وتبارك نستله وهوه يضحك ويركص عاد احمد كللهم اي بعد اجه دوري بس اني اريد امي تخطبلي هم فرحنه وعاد كامو يحددون ع مهر والعرس
ابويه كال لازم اسويله خطوبه ومهر سيد وهم صادف يوم سبت وبيتنه انترس خوالي وخالاتي وبناتهم ولدهم كله علمود المهر وهوه فدوه لقلبه طلع صدك عريس وكلنه واكفين بصاله ونهوسله هوسات ودخلت بيبيتي تهوس بنص وكابله احمد بلعوجيه مالته ويركصون احمد طلع عبالك هوه العريس هم كشخ ودكابلنه اني ورانيا وداليا وسجى وايه نركص ومشغلين الديجي عاد ابويه صاح يله هم لازم نلحك نوصل كلنه طلعنه يمكن بل٣٠سياره حته ولد خوالي اجوي اني بوكته لبست بينصل زيتوني وفوكا ستره سوده جلد لنص وبوتين اسود وشعري فتحته وكويته والفون جان موديل البينصل استوه نزل واخواتي هم كشخن عاد طلعنه وصلنالهم ١اضهر اول ما دخلنه بسره هلاهل والجكليت عبالك زفه طبينه لكينه تبارك مكعديه طالعه تخبل فدوه لعمره لابسه بدله موروني ومسويله كوشه وعاد بدينه بركص واني دخلت ذبيت لحم هذا اول عرس لخوي شلون ما افرح جريت بيبي وامي ويايه وندبج ع اغنيه حسام الرسام هيبه والنبي يحرسه فرح ما ينوصف عرسه
عاد كالو حيكطعون مهر يله خطيه رتبكت وكفت فوك راسه وخليت القران بيدي
بده اسيد يردد وكطعو مهر وكبت الهلاهل والركص دخل اسد ويه حيدر واني اركص ما مهتمه واباوع علي صافن اخر شي شمر جكليته بكصتي وطلع ههه ضحكني بوكته عاد كملو وكالو علمود نرجع ودعناهم ورجعنه متنه تعب
