وبدا اسد يكمل بعرسه اول ما سوه اشتره غرفه صاج بيه دوشمه اجنن وكمل غرفته حته ثلاجه اشتره وامي هم اشترت غراض للبيت وعاد بدو يجهزون للعروس لئن وره سبوعين العرس اجتي تبارك وامه وابوه ومجتبى جايبهم هذا مجتبى فد شقاوجي ويضحك عزمناهم ع غده ابويه مخله امي تطبخ كله من بره دز كباب ودجاج وسمك والمقبلات بلبيت سويناهه خطيه تغدو يمنه واجه مجتبى للمطبخ يكلي استغفرالله جنان هم دكتتت كتله احم شبيك كلي ولا يهمج جنان كتله هيي ترا دانيا كام يضحك ويكلي دبيبه امشي صبيلنه جاي عاد صبيتلهم وكملو اخذهم اسد وراحو جهزو ومناك خابرو كالو حنروح نكطع مهر وهم صدك كطعو واول مدخلو تلكيناهم واحمد يطش جكليت واني اهللهل ومجتبى يلم بجكليت عاد باركتله مبروك تبوكه يوم لتنورين لغرفه دكلي تسلمين حبيبتي يوم الج كتله خرب انه امشي طبي كامت تضحك راحو بليل خطيه مقبلو يبقون
واني ليل الي ارتاح بي وانام جنت ما اشيل هم لدراسه لئن ماحبه وكلت هلمره ما ادوم اكره اكول ما محتاجه من احتاج ارجع
فد يوم من الايام كاعدين الضهر بوكته شهر ١٢الجو بارد مشغلين اصوبه واخواتي يدرسن وكاعدين يمه اندكت الباب كمت اني فتحته طلع ايمن ابن عمي دخل كلي هلاو دنو كتله هلا بيك تفضل دخل جوه وكعد يم ابويه وسوالف وضحكنه شويه واجه احمد جان نايم هم ضلينه نسولف اباوع ليمن يباوع عليه نضرات ماعرف افسره خليت وكمت ايمن يدرس سنه اولى محاما وشخصيته حلوه وصراحه اي بنيه تحبه لئن دمه محبوب ومرح محسيت اله صوته صاحلي كلي دانيا تعاي شوفي كمت لكيته وره البرده واكف اول ما فتحته جان يجفلني ومسح وجهي بخاخ مال حلاقه ومن هاي الحضه بده ايمن كل ميجي يسويلي هيج حته خلص بخاخ الولد واني هم كمت قبل لا افتح الباب اله ابخ بوجه واهلي يدرون بي ميانه ويانه عاد اجه عرس اسد وصار بي هواي شغلات بس مثل اي عرس يعني هوسه وركص ماحبيت اذكره لئن بوكته جان حيدر مسافر
مر تقريبن ع زواجهم شهر تبارك حبابه وخوش بنيه قايمه بشغل ويانه وبواجب زوجه ومن يجي اسد تكعد يمه تشاقه واضحكه واصور صور هيه ويا ومتونسين وره فتره خطيه كالت بلاعيمي موتني دنو خابرت اسد اجه واخذه لدكتور انطاه علاج عاد وره كم يوم كالت بطني وضهري اني طخ بعلقي الحمل كبل وصيت ع تحليل ويه احمد ههه اي احمد يفتهم جبير وكتله لدكول لحد هوه فرح يصيح واخيرا اصير عم ههه عاد راح جاب واجه واني كتله كومي وهيه دكلي يولي بعدني شلحك احبل استونه ازوجنه عاد حللتهله جنت اعرف بي يعني البنات هواي يسونه كدامي عاد سويته وطلع خط طوخ وخط فاتح يابه طرت فرح شبكته ورحت اركض ع احمد واصيحح هلا واخيرا حنصير عمام هوه كيف خطيه وكام يهلهل ويصيح تبارك جابت بيبي يالله حبيبي وهيه دكله ولك اسكت لصيح ليجي ويسمعنه عاد اجتي امي ع صوت وبشرناه فرحتت والبنات هم وكلنه هيه دكول لزوجه اجه خطيه يكله شلون صرتي دكله من وره ابنك غير ضل مصدوم عاد امي كلتله بلمبارك عليك وليدي حصير اب يابه طاررر من الفرحه وحته دمعته نزلت عاد ابويه هم دره وسوينه عزومه عزمنه اهلهه وبيت جدي كلهم اجوي حته حيدر وعمي خالد اجه وهنا جانت صدمه للكل من ايمن حجه حجايه و اولهم
Ops! Esta imagem não segue nossas diretrizes de conteúdo. Para continuar a publicação, tente removê-la ou carregar outra.
