نجمة في وسط الظلام 🔞

part_14_

حجه كلماته وصعد دائما مالي اي قرار دائما يقررون عني شنو ذنبي ااااااااه يالله الى متى راح اتخليني هيج

بقيت كاعده مااندل شي وين اروح ويجوز كيان فوك بلغرفه اعذرني كيان والله احبك بس غصبا عني مكدر مجان عدي القوه حته اعترف بهذا الشي اعذرني يروحي

جنت احجي ويه روحي وصافنه ومادري بساعه ثمانيه ونص فزيت ع دكت الباب هسه شسوي اني

رجعت اندكت نزل هو باوعلي وكال اصرفي عادي عود فضحينا اني اكيف اخلص من هيج ناس نامت ع كلبي

حجه هيج وراح يفتح الباب صارت غصه بكلبي معقوله صرت هسه ثكيله ع كلبك يا كيان اعيوني غرغرت ادموع

دخلت خالتي وام كيان وبيبيته واخته اوف يالله ماعدي القوه اجامل واصرف عادي اريد بس اناام

نعسانه وجسمي مكسر اصبعي ماكدر احركه  سلمت عليهم وهن يضحكن ويسلمن ع كيان ويباركلله

خالتي اتباوعلي بقلق مثل الي حست بيه فدوه الكلبها شكد حنونه ضلو كاعدين وخالتي جايبه الريوك

كمت ارتب الريوك حته نتريك وخالتي لحكتني درت وجهي عنها لا اتحس بيه لو اشوف طبع الاصباع بوجهي باوعتلي وكالت

- شلونج نجومه بالي كله يمج

- اشتغل واحجي وياها زينه خاله لا يضل بالج الحمدالله كيان يموت عليه لا اتحسبين لشي

- والله من طلعتي من البيت واني كلبي مقبوض عليج مدري ليش وسميه اتهديني ومنا مهند هم

مدري شبي اليله كله يفتر ولا نام اسئله يكلي لا يضل بالج يمه بس خايف ع نجمه اكله شبيها يكلي مابيه

شكو يمه اكو شي احجيلي

- خاله ماكو شي والله متدرين انتي بمهند شلون يحبني ويعتبرني مثل بته هههه هو الرباني وخايف عليه

- والله يايمه مادري الله يسعدج تعذبتي هواي يلا خلصي وتعاي

- درت وجهي من راحت خالتي شفت كيان واكف ورافع حاجبه من شوكت هذا هنا رجعت درت وجهي عنه وكمت

ارتب خلصت وباوعت عليه اجه اخذ الصينيه وحجه عدي حجايه وياج من يطلعون

طلعن طلعن كل جذابتج بعد شضامه عليه

حجه هيج وطلع يمه هذا ع شنو يحجي ماضامه عليه شي بس عزااا لا بس عرف مهند عاقد عليه من جنت صغيره

لالا منين يعرف بس اني ليش مااكوله بس اخاف يروح ع مهند هذا مخبل وغيور مانسه شسوه بمحمد ماعده مانع هسه يسوي هيج بمهند

بس مهند شعليه هو بس ساعدني يووو يانجمه شكد اتفكرين عوفظ ع الله

رحت وراهم لكيتهم كاعدبن يتريكون كعدت وياهم اكل بس بلكوه تنبلع اللكمه احس بغصه