الحرب

الحلقه الاولى من روايه الحرب

انا : نضت لقيت روحي فوق سرير وعليا تغذيه وجنبي مراه كبيره فالعمر ماعرفتهش من حاولت نصبي
المراه : سلم بنتي خليك مقعمزه
انا : انا شن جيبني هنا
المراه : سلم بنتي تريحي توه نحكيلك
انا : نبي ماما
المراه : باهي يا حبيبه تريحي بس لين تجي الدكتوره اتشوفك
انا : هزيت راسي بمعنى باهي وقعدت نحس بصدااع
الدكتوره خشت ووراها الممرضه
الدكتوره : السلام عليكم
المراه : وعليكم السلام
الدكتوره : كيف حال مريضتنا
انا ؛ الحمد الله نحس في صداع بس
الدكتوره : عادي لانك كيف واعيه بس توه انديرلك تحاليل نتاكد من حالتك وتوه الممرضه تفكلك التغذيه
انا : ابتسمت
الدكتوره : وان شاء الله لا باس وطلعت
المراه : توه بنحكيلك حبيبتي شن صار ..راجلي يخدم في الجيش وحوشكم جا فيه صاروخ  ونحن لقيناك جوا الحوش مغمى عليك جبناك للمستشفى قعدتي اسبوع بعدها نضتي وهلك حاولنا نتواصلو معاهم بس معش حصلناهم وانا اسمي عيشه
انا : يعني توه ماما وبابا مش قاعدين هنا
عيشه : هزت راسها بمعنى لا
انا ؛ كشيت في بعضي وقعدت نبكي يعني معش بنشوفهم
عيشه : جت ضمتني سلم بنتي ان شاء الله توه تلقيهم وانا هنا كيف امك
راجل عيشه والي هو ( اسماعيل ) : السلام عليكم
عيشه : وعليكم السلام وبحتت فيا وهضا هو عمك اسماعيل والي هو راجلي
اسماعيل : قعمز عالكرسي كيف حالك توه
انا : مسكت في عيشه الحمد الله
اسماعيل : خلاص دارولها خروج
عيشه : تروحي معانا باهي
اسماعيل : وانا حندير كل جهدي بيش نلقا هلك
انا : ابتسمت مجاملتا
اسماعيل : صبا باهي انا خلوني نمشي نراجيكم فالسياره وطلع
عيشه : صبت وطلعتلي لبسه من الساكو هيا البسي حبيبه
انا ؛ لبست وقعمزت وقعدت نبحت فيها كيف اطبق في دبشي وبعدها مدت يديها هي تعالي
انا؛ صبيت ومشيت معاها
لين وصلنا للسياره وهي ركبت معايه لاوره بيش اتونسني
اسماعيل : درس ..شويه بس نجيب غدا من المطعم
عيشه : بحتت فيا وابتسمت شن اسمك يا سمحه
انا  : ايه
عيشه : عاشت الاسامي مواليد كم انتي واحكيلي عليك
انا ؛ مواليد 2003 يعني عمري 16 سنه وماعندش لا خوت ولا خوات وانا عيت لفلان
عيشه : صغيرونه يا خيه توه تروحي معايه عندي بنيات شبابات توه تنسجمي معاهن وتصاحبيهن
انا : ابتسمت
وجا اسماعيل وروحنا للحوش نزلنا فتحتلنا بنيه
البنيه : اهلين وبعدها بحتت فيا باستغراب وبعدها بحتت في امها وامها فنصت فيها
البنت : خشو
عيشه : هدي ايه يا سندوسه
سندس : اهلين يا ويه كيف حالك
انا ؛ مش عارفه ليش حاجه غمت عليا نبي نروح لحوشنا نبي ماما وبابا
سندس : تعالي نوريك دارنا انا وخواتي وانتي توه تقعدي معانا باهي ؟؟ وكرتني للدار فوق كانت كبيره وفيها تلات سراير
وفي جوا بنتين اخرا
سندس : يابنات شوفن شن جبت
ندى : هدي البنيه الي ماما حكت عليها
سندس : اها هيا
ندى : اهلا كيف حالك
انا : الحمد الله تمام
نسرين : يا خيه تعالي تعالي هدرزيلنا
سندس : خلي البنت تتريح وادير دوش
انا : قعمزت جنب نسرين
نسرين : شن اسمك انتي
انا : ايه
نسرين : عاشت الاسامي يا ويه مواليد كم
انا : 2003
نسرين :ضحكت  اصغر وحده فينا ..يا حنه انا مواليد 97 وسندس 95 وندي اكبر وحده  فينا ومخطوبه هي مواليد 94 وعندنا يا حنه اربع خوت امورينا النجوم الليل  في عز القايله بس حنينين الكبير اسمه معتصم ومتزوج ومرته اسمها زينب وعنده بنيه اسمها ريتاج وخويا الاخر طارق برضو متزوج ومراته اسمها اميره وعنده وليد اسمه مالك وخويا الاخر خاطب اسمه محمد وخويا الاخير عزابي بس مرتبط ويمووت في حبيبته اسمه عمر وطبعا هو احلى واحد فينا يعني
سندس : خلااص نفختي راس البنت
نسرين : تؤتؤتؤ كنك انتي مافش برانيه البنت حسبت اختنا وانا بنهدرز معاها
انا : ابتسمت
نسرين : باهي يا ويه احكيلي انتي مرتبطه ولا مخطوبه
انا : ضحكت لا مرتبطه ولا مخطوبه حدي قرايتي وضم الحوش والهدريز مع ماما
نسرين : حتى نحن هكي بس يا حنه كله من وراهم طبعا خوتي مانعين حاجه اسمها تليفون ونحن كلنا مدايرات
انا : ضحكت طاح سعدكن
ندى : ها يا حنه بنحكي مع خطيبي
سندس ؛ وانا مع حبيبي
انا : ههههههه وانتي يا نسرين
نسرين : برضو مع حبيبي
عميمه عيشه : يابنااااات هيااا الغداا
ندى : هيا انزلي انتي وياها
ونزلنا لوطا وحطينا الغدا وانا جايه بنركب
عميمه : تعالي يا ويه عاد معقوله اول يوم تمشي وتسيبينا نتغدو بروحنا
ندى : كرتني وقعمزتني تعالي هياا
عمر ؛ خش السلام عليكم وبحت فيا باستغراب وبعدها بحت في ندى حطيلي غدايه فداري
ندى : باهي حاضر وصبت حطت من الغدا وشالاته فوق
وخشت لدار عمر
عمر : مقعمز على سريره ندى
ندى : نعم
عمر : من البنيه الي لوطا
ندى : قعمزت هدي اسمها ايه ووووو.... حكتله
عمر : اهاااا
ندى : خلاص انا خليني ننزل نتغدا
وخلاص كملنا الغدا وخشينا انا والبنات للمطبخ نظفناه ودرنا كيكه وبعدها عمو اسماعيل جابلي سرير ركبوه فوق في دار البنات وانا والبنات نظفنا الحوش وبخرناه وركبنا فوق
انا : يا بنات
سندس : نعم
انا : بندوش
ندى : تعالي انوريك الحمام
انا ؛ مشيت معاها
ندى : وهضا المنشف البسيه بعد تطلعي وتعالي البسي في الدار
انا ؛ هزيت راسي بمعنى به وخشيت للحمام
نسرين : تعرفن يا بنات
سندس : شنو
نسرين : غريبه ايه مش مرتبطه يعني هي اتههبل بكل ومش مرتبطه
سندس : معاك حق هيا سمحه ساد شعرها الي على طول ضهرها
ندى : خشت للدار ...مع ان لون شعرها وعيونها اسود بس عاكس عليها عشان هيا بيضه وحتى طويله وطولها حلو
انا : خشيت للحمام وفتحت الميه وقعدت تحتها مرااايفه على ماما وبابا اتقول ليا سنيين ماشفتهمش ودموعي قعدن ينزلن لا ايراديا ..كيف بنعيش مع ناس لا نعرفهم ولا يعرفوني ااااخ ياربي ساعدني وصبرني ياارب وخديت المنشف ولبسته وطلعت خبطت في نفس الشاب الي خش عالغدا كان طويل وعريض والحق يههبل  استكيت ومعش عرفت شن ندير هل نتاسف ولا نخش للدار معش عرفت وبعدها بحت فيا بنظره استحقار لين كرهت روحي ومشا
وانا خشيت للدار
البنات : نعيما
انا : الله ينعم عليكن
نسرين : تعالي خودي من دبشي اصلا انا وياك رشيقات اكيد حيجي عليك وغمزتلي
انا : ابتسمت
نسرين : مدتلي استرتش اسود وبلوزه بيجيه ووشاح بيجي
ندى : احنى طالعات خودي راحتك
ونزلن البنات وانا لبست ومشطت شعري وقعدت نسمع في هرجه لوطا لبست وشاحي ونزلت
لقيت في مراه وبنتين
مشيت سلمت على المراه وهي سلمت بطروف صوابعها الحق ماعدلتش هي صح حزت في نفسي بس فتت
عميمه عيشه : هدي ويه الي حكيتلك عليها يا سالمه ويا ويه هدي اختي
انا : اهلا وسهلا ومشيت قعمزت مع البنات
نسرين : جت العسل
انا : نجك ليا
هدى : انا بنت خالتهن هدي
انا : كيف حالك يا هويده
هدى : تمام وانتي
نسرين : وهدي بسمه اختها
انا : اهلا وسهلا
بسمه : شقلبت عيونها كيف قبلتي تعيشي هنا
انا : استغربت كيف
بسمه : يعني حوش فيه شباب الناس شن حيقولو
ندى  وكنهم خوتي شن بيديرو يعني
سندس : ولا ماعندكش تقه في حبيب قلبك بسمه : لا طبعا عموري مايشوفش لغيري بس نحكي على نظره الناس لها
ورن تليفونها
بسمه : اهو عموري يرن خلني نمشيله
نسرين : الله ياعوينك خاطري حتى نا نمشي لحبيبي
بسمه : ضحكت وصبت
سندس : وهدي هيا صاحبت خويا عمر الي حكيتلك عليه وهو نفسه الي خش عالغدا
انا : استغربت يعني نحس فيه عاقل والباين عليه مايحبش وجيج البنات
ندى : اوووي وين رحتي
انا : ابتسمت لا معاكن
ورن الحوش وخش راجل ومراته
نسرين : وهدا طارق وهدي مراته اميره
طارق : السلام عليكم
عميمه عيشه : اهلين بوليدي
طارق : حويجه كيف حالك
عميمه : بخير يا حبيبي خيرات يا ميرو
اميره ؛ اهلين كيف حالك
سالمه : خيرات
اميره : كيف حالك خويله
سالمه ؛ الحمد الله
اميره : مشت قعمزت جنب البنات كيف حالكن
نسرين : تمام انتي شن جوك فاتاتك قهوه
اميره : ضحكت الحمد الله وبحتت فيا خيرات كيف حالك
انا : الحمد الله وصبيت
اميره : وين ماشيه
انا : نديرلك قهوه
اميره : لا مافش داعي
انا : لا والله ماصارت عالسريع نديرها بيش نشربو مع بعضنا
اميره : توشوش لسندس من هدي
ندى : هدي الي حكت عليها ماما اسمها ايه 
اميره : شكلها البنت على نياتها وطيبه
ندى : اها عسسل بكل
انا : جبت القهوه تفضلي
اميره : تعبتك يا ويه
انا : لا مافش تعب
وقعدنا نهدرزو عند الساعه 9 روحن البنات واخت عميمه عيشه وانا والبنات ضمينا المطبخ والحوسه وطفينا الضوايه وركبنا للدار
ندى : سكرت الدار هيا انتشرن بنشلط عالتليفون
انا : ضحكت وخشيت لسريري وقعدت مقعمزه
نسرين : قعمزت جنبي خلينا منهن يبن يشلطن توه ونحن خلينا نهدرزو
انا : ابتسمت
نسرين : شن رايك فيها ميرو عسل صاح
انا : اها تهبل بكل
نسرين : تنحط عالجرح يبرا ...المهم خلينا نقرمو
انا : هههههههه
نسرين : صاحبت خويا بسمه رافعه خشمها صاح
انا : اها شويه بس حتى هيا حلوه راه
نسرين : والله انتي احلى منها غير خويا منعمي
انا ؛ نجك ليا ..باهي احكيلي على صاحبك كيف تعرفتي عليه
نسرين : يا حنه انا وسندس يقعدو اصحاب خطيب ندى
انا : والله جديات ؟
نسرين : اها والله وطبعا هم كانو يدورو في وحده وخطيب ندى دل علينا وبعدها هم قالو بيشوفونا وقعدو يجونا فالحوش فاليل ننزلولهم لوطا
انا ؛ طاح سعدكن وافرضي لو شافك واحد من خوتك
نسرين : تي لالالالا كلهم في هالوقت يشلطو
انا ؛ ضحكت بصراحه انا ماعندش فالحب يعني نحس فيه مواجيع قلب
نسرين : تنهدت اها ...تعرفي انا من قبل كنت مدايره علاقه مع ولد جيرانه شرا شقته واتتها على دوقي انا وفي الاخير خطب وحده اخرى وانا مشيت حضرت عرسه
انا : هييي معقوله حضرتي عرسه
نسرين : اها والله تعرفي مشت عليا ليله عمري مابكيت كيف هاليله يعني المفروض انكون انا مكان البنت الي تزوجها
انا : ضميتها يا قلبي انتي صدقيني لو كان فيه خير لو تزوجك
نسرين : الحمد الله على كل حال والقصه قديمه وتوه هو عنده بنتين ووليد
انا : نزلن دموعي وبعدها مسحتهن ربي يعوضك خير
نسرين : خلاص يا انا بروحي صاحبت القصه مابكيت وتوه الحمد الله ربي رزقني بواحد يحبني ويموت فيا وان شاء الله بيجيب اهله قريب
انا : ربي يقويلك نصيبك
نسرين : ياخيه والله انتي تهبلي باهي
انا : نجك ليا
نسرين : خلاص اهو حبيب القلب يرن نخليك توه اكيد نفختلك راسك
انا : لا بالعكس انا اصلا كنت مكسده
نسرين : غمزتلي ومشت لسريرها تكلم
وانا نزلت لوطا فالمطبخ شربت اميه وقعدت امقعمزه على الطاوله ونفكر في حياتي المستقبليه كيف حتكون
وخش محمد ؛ اوووو ضيفتنا شن الجو
انا ؛ تحشمت ونزلت راسي وبصوت واطي الحمد الله
محمد ؛ قعمز جنبي مواليد كم انتي
انا : 2003
محمد : ضحك صغيرونه
عمر : خش ومكشر
محمد : كنه راقيلك
عمر : صبا عالغاز يدير في قهوه هو في غير المدام تنكد عليا
انا :توه نديرها لك انا
محمد : احسن حاجه لما تكون انت وياها متفاهمين راااحه بال
عمر : دف يدي وكمل باقي القهوه
انا : استغربت منه يعني كنه يعامل فيا هكي شن درتله نا وخرت وجايه بنطلع
محمد : وين ماشيه
انا : خلاص نعست بنرقد تبي حاجه
محمد : لا سلامتك تصبحي على خير
انا: وانت من اهل الخير وركبت
محمد : كنك مع البنت
عمر : مش فاضيلها بكل
محمد : حرام عليك بنت قزونه ونيتها طيبه
عمر : باهي يا محمد اتشوف فيا رايق بيش نهدرز معاها تي انا غير نحل مشاكلي مع بسمه بعدين ساهل
انا : ركبت وخشيت لسريري وقعدت نفكر وموضوع يفتح موضوع لين خداني النوم ونضت على صوت هرجه