ارحموني ولو رحمه مرة

3

#البارت الأول ....(3)

((أرحموني ولو ...رحمة مره ))

بقلمي :-فراقد حسن علي
.................،،.................

-اركان لكه على المغسله
موس حلاقه مستعمل
وبقى الموس بيده ،،
وأحنه نلعب ونركض

-مايدري ضرب فرح بوجها بالموس
وهي تركض ودمها حار
غرك وجها ،وهدومها بالدم

-اني شفت دم هواي
واول مره اشوف هيجي كميه دم
خربت ،،وروحي أنسحبت 

-وعيت على المي البارد انرش على وجهي
واني نايم بحظن أمي ،،وهي تبجي

فاطمه/يول يمه شبيك حاجيني
قلبي راح يوكف من الخوف عليك

محمود/يمه فرح ماتت
نفس ام رحمن هاي المره جيرانه

خاجيه/اسم الله جده ،،
-الرحمن حافكم
وحماكم اسم الله الاعظم حولكم وحواليكم

-يول جده شبيك قلبك رچيچ

-هذيج فرح امها تغسل وجها على المغسله

محمود/طفرت من حظن امي
بس راسي دايخ وجسمي يرجف
من الخوف على فرح ومن كميه
الدم الشفته

-امي وصلت قبلي لفرح
وهي وخاله سهام غسلن وجها

-الشك البوجها كلش صغير
بس لان تركض ودمها حار
هلكثر طلع دم

-اباوع عليها وشلون خالتي تغسل بوجها
شبعت بجي ،،

-واركان ماكو بالبيت
أنهزم وطالع بره يخاف

-امي جابت قطن وديتول
ومسحت الجرح  الي صار بطرف خدها
جوه عينها اليسره بس صغير ،،

-فرح بجت لان الديتول حرك الجرح

-طلعت ادور على اركان
ودموعي تجري على وجهي
وامسحهن بطرف ردن الدشداشه

-لكيته خاتل بصريفه الحلال
وضام نفسه بالتبن

-جيتت عليه وشبعته بسط

-وعضيته من جف ايده الي
ضرب بيها خد فرح

-وهو من الخوف ماشال لا ايد ولا رجل

اركان/محمود عليك الله لا تكول لابوي اني وين خاتل
يول يصلخ جلدي بالحزام
الله يخليك اني مو اخوك

محمود/تركته وكعدت على صفحه
هو يبجي خايف من ابوي يبسطه

-واني ابجي مااعرف لان بسطت اخوي
لو لان خايف على فرح

-مااعرف شكد بقينه كاعدين
ماحسيت على روحي
الا واحد يشيلني
-اثاري غفيت على كوم التبن
اباوع هذا ابوي شايلني بحظنه
واركان بعده نايم بمكانه

-اباوع الدنيا عصر يعني صار
تقريبا ب ٣ ساعات هنا خاتلين

-يابه أني صحيت  ،،
شيل اركان خطيه خايف