رقيه ... عفيه كلي لاامي تجي ماانام اذا ماتجي هي
.. شنو جاهل زغيرونه انتي ولج كبرتي وصرتي مره بعد جم يوم تتزوجين وتنسين امج
رقيه ... شوف هاي اتزوج شنو شبيه متزوجه مخبله واتزوج روحي بسرعه شوفي شنو صار
راحت زوجه محمد وكعدنه ننتظر ربع ساعه ومااجت بالمكان الي ساكنين بي اكو سياج جبير محاوط الكاع مالتهم وباب جبير كلش محد يدخل منه بس اهلهم يعني النسوان اذا طلعن من بيت لبيت مايلبسن عبايه لان كلهم كرايب يلبسن حجاب ودشداشه
شوي ونسمع رمي كلش قوي صار بره عبالك حرب وتقريبا نص ساعه يرمون وتالي سمعنه شخطت السيارات وصار هدوء
وبعدين سمعنه صوت زلم يم الباب وناس تركض
انه كل الي ابالي امي خاف صار اله شي كمت ادك والطم وركيه تسكت بيه
رقيه ... عوفيني ولج اطلع اشوف امي اكيد هسه وهي جايه صار وياه شي
ركيه .. كولي يالله شبيج كلبتي الدنيا هذول يمكن بيت ابو صكر دكونه
رقيه ... احترك كاظم وبته وابو صكر احنه اجابنه هنا جنه مرتاحين بالنجف
ركيه ... بس تفض نرجع لاتخافين
عفته تحجي ولبست حجابي وطلعت اركض
شفت كومه زلم تريد تركب بالسياره واكو توهم داخلين من الباب ماانتبهت على احد بس اريد اريد اندل وين صار بيت عمي نعيم
شفت واحد اجه واعترض طريقي
هلال ... وينننننن امشي ولي دخلي جوه
رقيه ... معليك وخر عن دربي اريد اروح لاامي
هلال ... بت الكلب ياامج والدنيا محتركه امشي دخلي
رقيه ... وخر عني مسوي روحك زلمه عليك روح شوف مرتك وين شلحت
ماحسيت غير لازمني من جتفي حيل ويدخل بيه جوه بالبيت
وخر عني حقير معليك بيه والله اذا مااكول لاابوي احمد
بت النعال هذا لسانج اكصه الج اذا تحجين
دخلني للكراج ولزمني من نهايه حلكي وفجي حيل وهو عصبي ويدفع بيه على الحايط
هلال ... بالله العظيم لو غلطتي حلكج اشكه صلافتج والعرامه مالتج بطليه ماتلوك ويا وجهج هذا وامشي دخلي جوه يلا
دفعني للباب مال المطبخ يدخل بيه وانه ادفع بي واصيح
رقيه ... عوفني معليك بيه انت مامسؤل عني اريد اروح لاامي انت لاتدخل
جاي احجي وسمعت صوت واحد دخل للكراج
حسين ... وينك هلال يلا امشينه وين رحت
يحجي ويباوع عليه
منو هاي وليش جاي تتعارك شنو صاير
هلال ... معليك اطلع هسه اجي هاي وحده مامتربيه ويرادله واحد يربيه
رقيه ... متربيه وغصبن ماعليك
حسين ... كول يالله احنه وين وانت ويامن تتعارك امشي خويه عوفها
تقدم عليه وهو يسحب هلال مني ولازم ايده يريد يطلعه شوي وطلعت ركيه
ركيه ... شبيك ويا رقيه عوفها والله اكل لاابوي عليك عوفها بعده مااجت وانتم كتلتوها
حسين ... هاي رقيه بت عمتي ربيعه
شفت هلال التفت عليه
هلال ... امشي نطلع شعليك بتمن امشي يلا
حسين ... نوب رجعت عليه امشي يلا نطلع
طلع من الباب وركعه حيل وانه شبكت ركيه ونزلت غلط عليه الحيوان الخنيت المايستحي اله اكل لاابوي عليه مسوي روحه زلمه عليه
شوي وانفتح الباب انه سكتت ماكملت غلط
هلال ... هذا منو الي تغلطين عليه راد يتقدم
صحت بي موعليك اغلط
والله اذا اشوفج طالعه من عتبه الباب اكسر رجليج منا لحد ماتخلص الطلابه مااريد اطلعين وهسه اصيح لاامج امشن دخلن لاتجيلجن طلقه تايه
رقيه ... اي هي الطلقه التايهه تجي للفقره هاي الناس الحقيره ماتجيلهم طلقه
مشه راد يتقدم عليه انه وركيه شردنه للمطبخ وسدينه الباب
شوي واجت امي للبيت هي ومره محمد وامي كواكب وجهال نصير ومره نصير شبكت امي وابوس بيه
رقيه ... يمه وين عفتيني بحدي
ربيعه ... شنو انتي زغيرونه وعفتج وانه موكتلج مااطلعين شلون طالعه ومن كلج هلال دخلي كمتي تغلطين عليه
رقيه ... يمه غلط عليه وهو شعليه بيه صاير قاطع طريق
ربيعه ... امشي وياي اريدج بشغله
رحت وياها للغرفه وانه افكر شنو تريد مني
ربيعه ... شوفي لازم اسولفلج كلشي حته تبقين بالصوره لان مومال اضم عليج
رقيه ... خوفتيني يمه شنو صاير
ربيعه ... ابوج احمد من مده راح وسئل على الرجال الي طالب بيج لان منطي خبر لرحيم الي يبيع يم المزار كايل اله يريد يحاجي ابوج
ومن ماخذ رقمه ومحاجي الرجال كايل اله يريد يجي للنجف ويحجي وياه
ومن مقابله الزلمه كايل اله هو ابوج الصدكي وكايل اله هو ماينام ليله من الحزن عليج وماجان يدري باامج تريد تذبج بالشارع ومتعارك وياها هي وبيبيتج بوكته من شمرنج ورجعن من الجده الي ولدتج وعرف احنه خذيناج وربيناج
بس هو خاف من الفضيحه لان عمامج وجدج لو درو بالصار الله يعلم شنو يسون وياه
رقيه ... وهو خاف من عمامي وماخاف من ربه
ربيعه ... سمعي خلي اكمل لاتقاطعيني
المشكله هسه موابوج الي عافج لاهو مايهمني ولااخاف منه لان ادري بيج تردينه لان من خيرتج ترحين اله ماقبلتي كلبي ارتاح وماجنت اريد اضيك خلكج واسولفلج عليه وشنو راد
بس الصدفه هي بيت ابو صكر اجدادج ابو صكر جدج وصكر عمج وضرغام الي نهب سبأ وراح هذا ابن عمج
....يتبع
البارت ٧
Comincia dall'inizio
