ركيه ... انه من سمعت هيج خليت ورجعت لبيت نصير وخاله ربيعه كاعده وتهدي بيهم
رقيه ... اللهم لاشماته حل زين تسوي بيهم هاي حوبتي وبعد وبعد
شوي كاعدين وسمعنه صارت هوسه وعركه بالهول طلعنه نركض ونسمع حسين وهلال يتعاركون والكل ملتم وهوسه
حسين ... لاتظل تغلط كتلك بس اكضها انه بيدي اذبحها واخلص من عارها
هلال ... موكتلكم ماقابل وعمي كاظم خبص الدنيا موافقه وقابله وبالفصب يريد يزوجه هسه شنو استفاديتو هاي شردت وجابتلكم العار
حسين ... انتم لاتحجون شي بس سكتو خلي نروح نشوفها كبل لاالحجايه اطش وتصير سيرتنه على كل لسان
جاي يحجي وانه واكفه بااب الغرفه شفته باوع عليه بس ماركز منو انه ماجان وياهم كاظم الي عرفته متخربط بالبيت
صارت الساعه بالاربعه وبدن النسوان يجن وعمه بدور ادك وتلطم وتكول زواجه الكشره من الاول ماردته هاي البومه وكحه على امها خليه هسه من شلحت خربوها بدلاللهم
دخلت امي وجه اصفر عرفت بيه شي صاير وشافتني واكفه اباب الغرفه اجت كبل عليه
ربيعه ... امشي دخلي بسرعه انه موكتلج مااريد احد يشوفج
دخلت للغرفه وانه ضايجه ليش صيحت عليه شنو سويت غير هوسه وعدهم طلابه ونشوف شنو صاير وياهم
ربيعه ... باعي تاخذين هدومج وترحين بيت محمد اخوج وماطلعين من البيت اذا شفتي زلمه
رقيه ... يمه شبيج عبالك مسويه جريمه وتضميني عن الوادم
ربيعه ... سمعي الي اكلج عليه وباليل اجي واسولفلج شنو صاير امشي وياي وغطي وجهج خلي اوصلج لبيت محمد وارجع هنا لبيت نعيم اشوف اشوف الولد شو يسون و صار وياهم
طلعت من البيت والباب متروس زلم والكل عرف بت كاظم شردت ويا ضرغام بيت ابو صكر يصيرون بنفس المنطقه بس بعيدين عليهم
كلهم لابسين اسلحه واكفين بالباب والي عرفته كاظم متخربط وبالنعاش وهادين على بيت ابو صكر يحضرون روحهم انطوهم عطوه اذا ماطلعو ضرغام وسبأ يسونه كعده عشاير
لان بيت ابو صكر هم مايدرون ابنهم وين ولايدرون بي يحب سبأ بس اخو الجبير يدري بحسين لازمه قبل فتره بالبستان مالتنه وهو وسبأ كاعدين ومكسرهم تكسر ورايد يكتله بس ماخلته بدريه وسبأ
صارت الساعه بالثنتين بالليل وامي ماكو والزلم كلهم هناك بس انه وركيه ومره محمد ابن ابوي احمد
خابرت على امي وماكو محد يرد ضل بالي عليهم بيت محمد عن بيت كاظم مسافه زغيره كالت مره محمد راح اروح لبيت عمي نعيم اشوف شنو صاير
رقيه ... لاطلعين بحدج الدنيا ليل وتخوف الدنيا
..لايمعوده قابل شنو راح يصير الجهال تارسه الشارع ومحد نايم وماكو غريب يدخل لكاعنه
البارت ٧
Mulai dari awal
