جان بيومها ٢٠ صفر اربعينيه الامام وهم وكت الاربعينيه يطبخون وكل ناسهم يلتمون ويبدون قبل يوم يذبحون ويحضرون
جان عمي احمد عنده رقيه وفاطمه ونصير ومحمد وعلي
وكاظم عنده خوله وسبأ وصالح وحسين واحمد
ونعيم عنده نور وكمال ونصره وهلال
بليله الاربعينيه باليل امي ربيعه ملتهيه بالطبخ لان هم معتمدين عليه بالطبخ والتحضير الجو جان حيل بارده وانه بيه طبع احتر بسرعه مااتحمل
اجيت لاامي نعيمه كتله سبحيني اريد اطلع ويا الجهال العب
ماقبلت ولاسمعتني عدل لان ملتهيه تحضر الطبخ لزكت عليه كتله اريد راح اروح اسبح
طفله بعدني وزغيره عبالي تقبل اسبح بحدي
بيت حجي كمال جان كلش جبير محد كاعد بحده كلهم سوه بيت ضخم اثاث ضخم وعز وفلوس كل غرفه بيه حمام
صعدت لغرفتنه شمرت ملابسي بالكاع واخذت منشفه ورحت اسبح بماي بارد
ومن طلعت مااعرف شنو البس اكو بدله عندي معلكه بالكنتور صيفيه مال اعراس بيضه لبسته وعفت شعري مفتوح ونزلت جوه مارحت لاامي طلعت للشارع هم عادي عدهم نطلع للشارع لان عدهم بوابه جبيره وسياج يفصلهم عن الشارع يعني المنطقه بس الهم محد يدخله غريب اول ماطلعت بالشارع لزمني هلال من زندي وعصرني حيل
رقيه ... هد ايدي حقير انعل ابوك لاابو ابوك ياكلب
هلال .... امشي ولي دخلي والله اذا اشوفج طالعه احش رجليلج حش
رقيه .... انجب يلا معليك
لزمني حيل ويدفع بيه يتخبل اذا اغلط عليه وانه لساني اخذ على الغلط لان الكل تصيحلي النغله اكرهم كلهم
بس حسين ابن عمو كاظم جان يحبني ومايقبل واحد يصيحلي النغله
عمر هلال جان ١٤ سنه وعمر حسين ١٣ هم اكبر الاحفاد الولد بالعائله
رقيه .... شوف هليل العبد والله اذا ماتعوفني اتفل بوجهك
هلال ... ولج زعطوطه لسانج هذا اكصه الج اذا تبقين تغلطين
رقيه ... هذا لساني خلي اشوف شلون تكصه
لزمني حيل من ايدي وبقى يمشي ويجر باايدي وانه امثل عود مااخاف وماخله ولاوحده تلحكنه من البنات اخذني قريب الشط الي وره بيتنه هذا المكان باليل يخوف ضلمه ومابي احد صح جنت شرسه ومااخاف منهم بس المكان يخوف
رقيه .... ها شو وكفت خاف خفت من الضلمه
هلال ... انه زلمه موش حرمه مثلج واخاف شوفي منا لبعد خمس دقايق شلون راح تلتم عليج الواويه وتاكلج
رقيه ... هليل شنو صاير زلمه وتخوفني
هلال ... ولج بعدج بكد الفصمه ولسانج هذا طوله والله اله اخليج تتندمين وتعتذرين
البارت ١
Start bij het begin
