صفنت ورجعت بذاكرتي لقبل لااعوف الديره كله
...........................................
اسمي رقيه من وفتحت عيني على الدنيا واني مااعرف شنو ام واب ربتي ماما ربيعه لكتني بالحمامات مالات المزار مال السيد ..........
البيوت الي يم المزار مابيه احد غريب كلهم اهل عائله حجي كمال وعائله حجي احمد وعائله حجي علي
حجي كمال عنده
احمد وكاظم ونعيم ورحاب وربيعه
وحجي احمد عنده
كواكب وبدور وصالح
وحجي علي عنده
مرتضى ومصطفى وصالح وبدريه
كاظم متزوج بدريه
واحمد متزوج كواكب
ونعيم متزوج بدور
العائله جبيره بالاحداث تعرفونهم
اول ماصرت ماقبل عمو كاظم تربيني ربيعه وكالو شمريه بدار ايتام احسن هي بنيه واحنه عدنه ولد مانريده تربى ويا ولدنه بنيه ماله اصل
عاندت ربيعه اله تربيني لان زوجه جان اله سنتين من ميت وبعده زغيره وهناك الي يموت رجله ماتتزوج لوياخذه اخوه
هي رفضت الزواج كله ولان مايصير عده جهال رادت تربيني علمود تحصل بيه اجر وثواب
كمال ... على تالي عمرنه نربي نغوله بالبيت خوش سالفه ياربيعه
ربيعه .... بويه الله يخليك لاتحرموني من الجاهل خليه يمي والله روحي تعلقت بيه
كمال ...كاظم تعال بويه اخذه لدار الايتام بالبصره وكمل كلشي ويا ابن عمك والضابط نريد نبري ذمتنه
ربيعه .... وهي تبحي وتنزل ع رجل ابوها وتتوسل يخليني عدهم
حجي كمال كلش يحب ربيعه هي بزر الكعده ومايرفض اله طلب وخاصه من ترملت وماله احد
قرر تربيه بس شرط عليه بس تبلغ يزوجونه واحد غريب مومن اهاليتهم
عارضو اخوانه واولاده والكل ماقبل اعيش وياهم بس حجي كامل قنعهم ابقى لحد ماابلغ ومااتزوج اي واحد من ولدهم
جنت منبوذه من الكل ابجي محد يشيلني اجوع محد يوكلني لحد ماتجي امي ربيعه عمري ٤ سنوات كمت اركز واشوف الناس شلون تعاملني اذا اتوكح انكتل وامي ربيعه ماتقبل يحاجوني دللتني كلش
جنت اذا طلعت بره الجهال تتجمع عليه وتصيح النغله النغله ماجنت اعرف معناها كبرت وكله تكول نغله بليه اصل
حقدت وكرهتهم شهيتي بالاكل راحت ونفسيتي تعبت تحولت من طفله هادئه لبنيه شرسه ومتوحشه اتذكر عمري ٦ سنوات بديت اطول بس ضعيفه كلش جان شعري طويل وناعم كلش
البارت ١
Depuis le début
