فاطمة

١

ياااحبوبه ماتبليني بالمويه ياحبوبه ياخ خ لاص قمت قمت والله انتي براك عارفه شعري كان اتبل ببقا كيفن وبتعبك بعديين ف مشاطو 😲..واااي ياحبوبه انتي عاوزه تصلعيني ولاشنو بتجبدي لي شعيراتي كدي خ لاص ياست الناس قمت كدا مبسوطه 😘💙

ف الاول اعرفكم ع نفسي انا فاطمة بيناودوني فطوم 😘💙 ٢٢ سنه حاليا بحكي ليكم ف قصتي من ماكنت صغيره انا زوله بتحب حبوبتها وابوها شديد اكتر من امي حتي ماتستغربو مني امي لانها مطلقه من ابوي ومعرسه راجل تاني ولامن عرستو راجلا رفض عيالا اللهم انا واختي نعمات وعندي اخويين اكبر مننا يوسف ومدثر يلا نعمات اختي متزوجه حاليا وعندها تلاته اولاد وبنت😘💙 ومدثر كذالك معرس بت خالي وانتميتي سعاد وبرضو عندو منها ولد وبنت تؤام😍😘..المهم فضلنا انا ويوسف طبعا يوسف اخوي د كساااار ومازول عرس رغم انو كل البنات ميتانات فيهو بس هو ماشغال بيهم صحبي شديد واكتر زول قريب لي من اخواني..يلا راجل امي الجديد رفضنا وقال مابيربي ليهو عيال راجل واصلا ابوي كان عاوزنا نقعد معاو بس امي كانت مصره تاخدنا بس ماحبا فينا ع مااعتقد بس عشان تغيظ ابوي والدليل انو اول ماراجلا رفض جدعتنا لحبوبتنا ام ابوي وهي الربتنا وعرست لنعمات ومدثر ولاسي بترعانا انا ويوسفي  وابوي برضو مامقصر معانا 😘..امي سافرت السعوديه مع راجلا وسمعنا انها اسي عندها منو ولديين وبت اخواننا يعني بس اسمائهم منو مابنعرف يوم مانزلو السودان وكمان ماقاعديين نتواصل معاهم كل اسبوع انا ويوسف بنتكلم مع امي بس مدثر ونعمات زعلانيين من موقفا بس برضو احيانا بحس انو سبب يوسف ف انو مايثق ف البنات هو امي💔..وضعنا الحمد لله مستور الحال انا السنه دي ممتحنه تامن يادوب ويوسفي ممتحن للجامعه ومن اسي شايله الهم لانو حسب ماسمعتو قال ح يسافر يقرا ف الخرطوم ويبعد عني 💔😭..احنا ف كسلا طبعا اهل ابوي من هناك واسي اخوي مدثر معرس ومقيم عيالو معانا بس شغلو ف الخرطوم اكتر وعشان كدا قال هو كمان ف اقرب فرصه ح يقلع الخرطوم ومنها زاتو يوسف يقعد معاو ويقرا جامعتو بارتياح 😘💙هو مهندس بترول 💙😙..المهم دي نبذه صغيره عن عيلتي المتواضعه واسي انا حاليا حبوبه بتصحي فيني عشان الحق المدرسه...نسييييت اعرفكم ع شخصيتي خلقيا واخلاقيا..اول شي انا متوسطة الطول يعني لاطويله ولاقصيره جسمي حلو بمعني الكلمه وباتفاق الجميع ودا السبب المخلي حبوبه اربعه وعشريين ساعه ملبساني عبايات فوق ملابس المدرسه والاساتذه موافقيين داخل الفصل بقلعا بس حتي ف الفطور وزمن الفسحه بلبسا عشان ف اساتذه ف المدرسه مع العلم اني ماسمينه ابدا بس شايله جسم امي 😙جسمي حتي احلي من اختي المعرسه ع قول حبوبه ودا الجاب لي مشاكل ف حياتي لقدام 💔😭..المهم لوني فااااتح وعيوني كبار ولونهم عسلي لامع زي عيون ابوي 😘 وملامحي جميله خالص زي مابقولو لدرجة انو حبوبه كانت حالفه تنقبني بس انا ابيت وابوي وقف معاي وقال انو بجي يوم براي بتنقب لو الله عاوز لي حبوبه دي هاجت وقعدت بس ف النهايه ابوي اقنعا اني صغيره ومابستحملو وممكن اطلع بجاي واقلعو بجاي وبكدا ماصاح ف حق النقاب والدين💙 وبكدا خلصنا من الكابوس التعيس دا بعد اسبوع حبسه فالبيت بسبب انو حبوبه بتقول ماف لي مرقه بدون نقاب ونا قلت ماطالعه بنقاب وهكذا لامن ابوي الحنيين حل القصه بكل فهم ك عادتو 😘💙 الله يخليهو لي ❤..اما شعري ف دي حكايه براها😂💔 شعري بني محروق زي عيوني وغزير غزاره لامن يخوف طبعا بزحو وبقعد 😂ماتستغربو حتي حبوبه العجوز شعرها بتزحو وتقعد للان😂طبعا لامن اقول ليها كدي بتفنني بالشبشب طوالي😂 مابترضا عجوز دي مامحس نحنا والشعر حقنا😘💙..طبعا كم مره بدخل بالدس بحاول اقصو اخليهو نهاية ضهري ان شاله 😭لانو متعبني بس حبوبه محلفاني بحياتها اني ماالمسو وهي مهتميه لي بيهو بتمشطو لي من اسبوع لاسبوع الجمعه بيكون مفكوك ومن السبت للخميس ممشط😂💔وبعد دا ف الطرحه عامل عمايل حبوبه ملبساني طرحه توب عديل😂😂..يعني ببساطه انا حاسه اني ماعايشه حياتي 😭عبايه كبيره وطرحه توب لبت عمرها يادوب ١٤ سنه وكنت بحسب الايام حساب عشان امتحن للجامعه وقلت بس ابعد من حبوبه دي اعيش زي الخلق😂😂بس ماكنت عارفه انو بالجد كلاما كان صاح وياريتني لو كنت مخمخره كدا طول العمر 😭💔..
المهم صحيت كالعاده وحبوبه تجدع لي التوب حتي ابوي بتقول لي ماتمشي ليهو بالجلباب ساي 😭💔من الاحترام قال..المهم خمخرت توبي ومشيت صبحت ع ابوي ف راسو وطوالي دخلت اتسوكت واستحميت وجيت لحبوبه الليله يوم السبت طبعا واحنا عشان ممتحنيين تامن عندنا كورسات والمفروض نمشيها ف حبوبه صحتني بدري عشان تلحق تمشط لي شعري لانو امس كان مفكوك 😢وديك المعافره انا ف السرير الشرقي وحبوبه ف الغربي😂😂وواقفه ع حيلا تمش يمين وتمش شمال ياحليلا وطبعا كل دقيقتيين بدوني صعقه بالمشط قال اكان كان طويل وخفيف مالو شلت الشعر الغزير بتاع عمتي وطبعا انا اكشر ف الوشيش وامد ف خشيمي الصغير واحرك ف عيوني وطبعا رموشي زاتا حكايه وعاوزه ليها تسريح عديل😂😂..حبوبه تاني تديني جلده وتقول لي حركه زي دي اوعك تعمليها بره البيت سامعه؟
حركة شنو ياحبوبه ؟ تمدي ف شلاليفك اصلا منفخات براهن اوعي سامعه! طبعا انا احيانا بتعقد من حبوبه وكلاما د ياخ اقل حركه مني هي قاعده لي بالمرصاد وكنت كارهه الوضع شديد بس ماكنت عارفه انو حبوبه بس كانت بتحميني وعاوزه لي كل الخير💔😢..
فطوم: ياحبوبه رقبتي وجعتني والله خ لاص خليهو تتميهو لي بعد مااجي من المدرسه
حبوبه: رقبتك ماعشان طويله كيفن ماتوجعك يابت اسكتي خليني اخلص ع اساس عاجبني انا الوضع 😅💔..
وفجاءه سمعنا صوت يوسف بره طوالي اتفلتت من حبوبه وجريت ليهو بجلبابي التحت ركبتي بشويه بس وطبعا هو طويل بس الجسم رافعو🙈 ورا وقدام الحمد لله المهم بشعري النصو ممشط ونصو منكوش ومفكوك ومالي جسمي جريت بره اصلا ماصدقت لقيت لي شي يحلني من حبوبه دي 💔وبس طلعتي اشوف ليك يوسف ومعاهو صحبو ويوسف كان بتكلم ف التلفون وصحبو متنشن ومركز معاو انا مع صوت الجري بتاعي وكواريكي صحبو قبل علي بس يوسف ماانتبه لي وكان بتكلم ف التلفون بتركيز وباشر بيدينو كدا المهم انا اتصمغت قبلي لامن شفت زول تاني مع يوسف بقيت لاقادره ارجع ولااكمل انا ابوي ماقاعده اطلع ليهو بالمنظر دا 💔ودا اليوم الانا جبت فيهو المشاكل بيدي ومابنسا اليوم دا طول حياتي💔..المهم صحب يوسف بقا فاتح خشمو عديل فيني لامن حسيتو ح يريل وماقدرت اعرفو هو بعاين وين بالضبط حسيت عيونو احتوتني كلي وانا مصمغه وبعاين ليهو وهو فاتح خشمو ماجايب خبر فجاءه اسمع كوراك زي الصاعقه وراي ودي حبوبه طبعا بطول حسها نادتني وهنا يوسف انتبه وركز معاي وصحبو لحق قفل خشمو بس انا كنت شفت وشو عرقان عرق السنيين وجسمو د كلو برجف تقول شاف شبح قلت احتمال شعري خوفو وطبعا عاوزه اضحك بس يافرحه ماتمت حبوبه رمت فيني ملايه كبيره وبقيت مافاهمه شي بس ضلام ويدين حبوبه بتلذ فيني بطريقه همجيه جدا وهنا انا بالجد كرهت عيشتي يعني طفله يادوبي وعاوزه اعيش بحريه ع الاقل قبل ما اكبر واتخمخر بالجد ويكون علي واجب دا غير اني ماعارفه اصلا حبوبه بتعمل كدا ليه انا من عمر سته سنيين بالعبايه واول ماحصلت عشره الطرحه فبالجد كنت عاوزه زول ينقذني من التقييد الانا فيهو وماكنت فاهمه ليهو معني دا💔..المهم حبوبه دخلتني جوه الغرفه ورزعتني كف لامن جضومي حمرت طبعا طوالي انا هنا بقيت اكورك واجرجر شعري واتمردغ ف الارض خليت حبوبه زاتها تستغرب دي مالا دي😂😂..بس فجاءه ابوي ويوسف بقو يدقو ف الباب ف شنو! وانا ازيد ف الكواريك وحبوبه بقت فاتحه خشمها وتعاين لي😂..لحدي ماابوي فتح الباب من فوق واول ماجا داخل حبوبه رمت فيني الملايه الغطتني بيها طوالي انا ولاكذبت فنيتها هنااااك😂😂وبقيت افرفر زياده بس جا ابوي مسكني من كتفي وضماني عليهو وبقا يقول لي بسم الله يابتي بسم الله اهدي الله يرضا عليك اهدي وطبعا يوسف قاعد ف الارض جمب ابوي يحمر لي ساااي ماعارفه زعلان مني ولا من مكالمتو الكان منفعل فيها  ولا من صحبو المهم يحمر ساي وانا ولاشغاله بيهو رقدت ف حضن ابوي وبقيت اتكلم واقطع ف الكلام ياابوي انا فرق من البنات ف شنو ليه عايشه زي كاني مجرمه ولازم اتخمخم وكاني عامله غلط ياابوي انا فيني عيب؟ بس انت قول لي! وابكي طبعا واقول ف الكلام د بكل براءه وابوي يقول لي انتي كامله يابتي والكمال لله انت ست البنات مافيك عيب بس حبوبتك خايفه عليك من عيون الناس ي السمحه 💙 انا بعد شويه بديت اهدا وفجاءه نمت ف حضن ابوي💙 وتاني ماصحيت الا بعد ساعه مهجومه قمت لبست عبايتي سريع سريع ولفحت توبي اقصد طرحتي وشلت شنطتي وجيت طالعه ف وش حبوبه ولاحتي اتكلمت معاها وطبعا الكف لاسي معلم عاد البشره حساسه وكدا😂😂😂..حبوبه تنادي فيني ونا ولااااجبت ليها خبر ومشييييت خليتها لقيت الحصه الاولي فاتتني اصلا كانت بتاعت قران❤بتتجاسف والتانيه رياضيات جيت قعدت ف كنبتي واخلاقي ف نخرتي ومااتكلمت مع زول حتي صحباتي جيت ماشه فيهم وطبعا هم متفاجئات مالي بس تودد وتنزيل جوني وقالو لي مالك يابت ماشفتينا احنا قلقانيين عليك وغشيناك حبوبتك قالت لينا انك اليوم محمومه كنا جاينك بعد الحصص بس فاجئتينا بجيتك اليوم انتي كويسه! اكتفيت ب اني اهز ليهم راسي بس ودموعي نزلت وكنت طبعا مكوزه الطرحه ومغطيه خدي مكان الكف بس تنزيل شافت وشي لانو ملامحها اتغيرت كده وشفتها اتصدمت طوالي جريت الطرحه عديل وطلعت الكتاب عملت فيها بقرا هنا تنزيلي فهمتني وقالت لتودد خلينا نشرح ليها التجويد الفاتا طبعا عشان تغير الموضوع وفعلا بدو يشرحو لي وتنزيل بي تحت بتعصر لي يديني نظام ماتبكي واتناسي حاليا وفعلا مشيت الموضوع وشرحو لي وجات حصة الرياضيات حضرناها والبعديها كانت قران برضو انا حسيت نفسي انا ماحاقدر اكمل قمت خليت تنزيل وتودد يمشو يصححو عشان مايكترو لي كلام كتير ولميت عفشي وطلعت من المدرسه وياريتني لو ماطلعت 💔 مع مرقتي القا ليكم صاحب يوسف بتاع الصباح البسببو يومي كلو ضرب الليله 😲💔واقف تحت شجره كبيره او بمعني اصح متدسي ونا بدل ماارجع قلت مالي ومالو طلعت وبقيت ماشه سريع ومااشوف ليكم الا وصاحبكم تابعني بس شمطت ليك العبايه وفكيت الجريه ومع جريتي ديك طرحتي وقعت وكعكتي اتفكت واتكب الشعر والي بسببو جراني المعتوه دا من شعري وقدر يمسكني وكانت الماسآة😭😭💔💔....