عشق المحروم

بارت ٢١

زينه /غسان واگف ورايه اشر بيده من خوفي انطيته گبل شاف غيث المتصل مااحس الا التلفون انضرب بالحايط ولزمني من شعري ويسحلني بلبيت واني اعيط وامه اجتي تضرب على وجهها ام غسان /ولك شبيك
غسان / عوفوووووني العار يبقى عاار اليوم اخلص عليها
زينه /مااحس الرشديات منين كامت تجيني دفرات بالكوه اخذوني منه وامه خربت وركضو عليها 😱🤭
غسان / والله اذا صار على امي شي الا احط طلقه براسج
زينه /وطلع وكمت الطم ياربي شلون كلما افرح لازم ارجع من البدايه ياربي طلعها بسلامه ياربي وابجي متت من الضيم والقهر شوكت ارتاح اني رحت فكرت انتحر واخلص اتعوذت من الشيطان ومن الافكار السوده باوعت تلفون عمتي بلبيت ياربي مااعرف الاسماء علمود ادك على ابويه شلون ورطه بس اريد احد ايطمأني عليهم صار الليل ومحد بين بيهم ورا ساعتين اجوي ركضت اشر عليه
غسان / وخري منها 😡
زينه /وطببوها جوا واسمعه بالتلفون يحجي ايگول صايره عدها ذبحه قلبيه 😱ياربي لطفك وكمت الوب اروح واجي اجى دخل لللمطبخ وسد الباب وضربني قوي على الحايط
غسان / رب العالمين انقذج من ايدي
زينه / انت شبيك موتني وخلصني علمود اخلص منك وعيوني كلها دموع كوه اشوفه
غسان / الا اشوفج نجوم الضهر اني شغلته ابد مادخلت بعقلي هذا غيث افندي حسابه ويايه
وكعت على ايده
زينه /الله يخليك لاتأذي لزمني من ايدي قوي
غسان /اتخافين عليه
زينه / لاوالله الخاطر خالتي انت فاهمني غلط
غسان / شنوووو الغلللللط هااامشتريلج تلفون بسكوت وديگ عليج بعد شنو انتضر يجي يخبطج بعد موو علمود طلقه براسج وبراسه زينه /انت شعليك بيه اني عندي اب واذا رادني واجى يخطبني حالي حال الناس
غسان / مادام راسي ايشم الهوا مااخليج تتهنين احنه مو اتفقنه من البدايه انتي الي بعد شنو هل خرابيط هااا بعد تأجيل ماكو باجر ينگطع مهرج افتهمتي واي سالفه كدام امي مااريد واذا سالتج كوليلها عاندته وضربني افهمتي طاري التلفون لاتجيبنه والا
زينه /والا شنوووو احجي
غسان /تقرين الفاتحه على روح المرحوم
زينه / ولك انت شتكول اشبيك 😱مخبل الولد شعليه
غسان / هذا اخر كلام عندي وعلاقتج ابيت خالتج تگطعينها نهائياً فاااهمه 😡
زينه / الله ينتقم من كل ضالم وعافني وراح وكعدت الطم على حظي الاغبر وصعدت فوك طگيت بجي على حالي يعني باجر اكطع مهر وتنتهي حياتي ويا وغيث شلون ارجع واكول لا مااريد احرگ گلب خالتي على ابنها هسه فتره وينساني وكلبي ممرود من القهر قررت هاي هيه ارضى بنصيبي وارتبط بغسان واگطع المشاكل لان اذا صارت مشاكل ماالها اول ولاتالي وكلنه ننضر لازم اضحي ام غسان هم ماالها ذنب لايروح يصير شي بيها من ورايه وابتلي واعيش طول عمري بعذاب الضمير الليل كله مانمته وكعدت صليت الفجر ونزلت شفته كاعد بالمطبخ ايدخن اجيت وكفت يمه وكتله موافقه اني بس الله يخليك ماعليك ابيت خالتي ولاتحرمني من التعليم باوع عليه
غسان / صعدي هسه مااريد اشوف وجهج
زينه /صعدت وكعدت ورا ساعه نزلت لگيته كاعد بالحديقه سويت جاي واخذتله الجاي كتله ماتتريگ
غسان / لا مااريد اريد بس جاي
زينه /انطيته ورجعت للمطبخ طبيت لكيت عمتي بعدها نايمه عفتها خطيه وعمي گعد واتريك لااول مره يحجي ويايه عمي اشكد يمهم بس اذا راد حاجه ايگولي احسه ماحبني ماادري ليش
ابو غسان / اشبي غسان وياج البارحه
سكتت
ابو غسان /بنتي ليش اتعاندينه هذا عصبي شيريد منج كوليله صار وانتبهي على حجابج
زينه /اني 😳كلت والله مابي شي حجابي
ابو غسان /لعد شلون انتي معاندته علمود حجابج شعرج طالع منه وهو ضاربج
زينه /😳كتله هااا اي عمو بعد مااعيدها
ابو غسان /احنه ضمينه السالفه وماگلنه الابوج على المشكله اتمنى انتي هم ماتحجين اله
زينه / ماشي دخل غسان للمطبخ كاله يابه اليوم بلغ عمي يجي اريده بسالفه
ابو غسان / خير شكو
غسان /كل الخير ان شاء الله
زينه /اني گلبي انخطف من الخوف اني شدااسوي بنفسي هسه ينتقم مني كملت شغل وبديت اطبخ وگعدت عمتي ها عمه سلامات ورحت بوستها
ام غسان / الله يسلمج يمه گلبي مردني عليج خوما ااتأذيتي
زينه / مابيه شي انتي بس كومي بسلامه
ام غسان / اوووف من غسان اموتني بعصبيته يابنتي ليش اتعاندينه ماتعرفينه عصبي
زينه / صار عمه بعد ابد مااعانده يله عمه كومي اتريگي علمود العلاج مالتج
ام غسان / اي الله يرضى عليج ويحفظج الشبابج
زينه / كملنه الشغل واتغدو واجى ابويه دخل سلم عليه وعلى ام غسان
همام /ها سلامات اجر وعافيه
ام غسان / الله يسلمك
همام / انتي شويه قللي من الدهون بااكل علمود گلبج والضغط زينه /ودخل للصالون يتناقشون اليوم مارحت للمدرسه علمود ام غسان لو هاي هيه بعد ميقبل ادوام بعد ماادري الله يستر ورا ربع ساعه اجى ابويه عليه
همام / امشي انروح على غرفتج
زينه /طبيت ويا وسالني ها بنتي موافقه هسه انتي احنه مو اجلنه الشغله
زينه / بابا ماكو فرق علمود اخذ راحتي بالبيت متقيده منه واستحي وثانيا همه قررو وانتهى الموضوع اول وتالي انه اله
همام / لاتگولين هيجي اذا ماتريدينه محد يجبرج واني ابوج ولاتخافين
زينه / هاي هيه علمود اگطع المشاكل وانت تدري وضعي مو مال اگعد اشرط على عرسان
همام / لاتحجين هيجي بابا مادام انتي عفيفه وشريفه ماالج دخل بيهم هذا قرار مصيري الج لازم اتفكرين بي زين انتي راح ترتبطين بي طول عمرج مو يوم ويومين اذا ضغط عليج كوليلي
زينه / لا بابا ماكو هيجي حجي اني هم بعد مااكدر اترك خاله ام غسان
همام / والله يابنتي اني اتمنالج السعاده بااي مكان يختاره گلبج زينه /عيوني دمعت اريد ابجي بحضن ابويه واشكيله بس مااكدر لان خطيه راح يدخل بمشاكل ماالها اول ولاتالي
همام / زين وغيث
زينه / 😳اشبي
همام /اجى فاتحني بموضوع وخطبج مني بس كال اريد تاخذون وقتكم بتفكير لان مااريد تضغطون عليها بس حب الموضوع يبقى بينه حاليا
وانت شكتله 😳