《مـعشـوگت سـيد علي باشا》

بارت 7

وان يحجي عم زينب جاسم
جاسم:ها ولك اكرير ماعاجبك اسم جاسم
كرار يحك بركبته :لا عمي يخبل ان شاء الله اول ولد الي اسمه جاسم (يحجي هيج ويكرص بعلي)والولد يظحكون عليه
ماقبلو انروح عطلونه للباجر
عمامهم القريبين راحو لهلهم بيقنه بس احنه وهمه
كعدنه كلنه على السفره اشوف زينب كعدت يم ابوهه وميانه كلش قويه بيناتهم
والله كلش ضجت حته من ابوهه هل كدر قريب عليهه واني كاعد تبعدني عنهه مااعرف ليش الله كريم اله اكسر خشمج العالي يزنوبه اباوع اكلهه كلش قليل بحيث اذا تباوع على جسمهه تشوفهه شلون ضعيف خلصنه العشه واجت وزنوبتي جايه الجاي
صبتنه الجاي وراحت لغرفتهه وابوي وابوهه بقو يباوعون اخبار وامي وامهه
يسولفن سوالف النسوان ماادري ليمته تخلص
كرار دخل هوه ومرته لغرفتهم
وانه صعدت وي مهند لغرفته عفته يخابر بصديقه وكتله راح اروح للحمام
طلعت ورحت اشوف زينب شتسوي اباوع باب غرفتهه بي فتحه يعني مامسدود كلش
اباوعلهه تمشط بشعرها الي نازل جوه خصرها وتغني(ويحد حلو)لوليد الشامي
كلش حلووو صوتهه وي الهجه الموصليه حبيت حته اهل الموصل من وراهه
يالله راح تسودني وانه شكبرني
دفعت الباب عله كيف وفتت مانتبهت الي
حضنتهه من خصرها ودخلت راسي بركبتهه وضليت اشتم عطرها
هيه كبل نزت خطيه
علي:لا تخافين هاذا انه
زينب:انته منو سمحلك تدخل غرفتي
علي:اني سمحت لروحي ادخل لغرفه مرتي عندج مانع
زينب:ايي عندي مانع
علي:الي هوه
زينب:من اصير بيتك ذيج الساعه الك الحق انوو تدخل بيه هسه انته بلنسبه الي ولا شي
علي:اها هيج صار الحجي
زينب:ايي هيجي

علي سحب زينب من خصرها ولزكهه بسمهه هيه كبل رجفت وتوترت
علي:تدرين هسه اكدر اسوي الاريده لئن انتي حرمتي على سنه الله ورسوله
واني ما عندي مانع تردين انجرب
زينب ظلت تظرب عله صدره وتدفع بي بس هيه كلش نحيفه بلنسبه اله هوه جسم وطول ومعضل وهيه جنهه عصفور
زينب:علي ابعد عندي لا يشوفنه واحد
علي:خلي يجي ويشوف مامسوين شي (بعدين حته بصوت هايم)
انه شمسوي والله نطاني هاذا الجمال الالهي
وباسهه بوسه هيه حست شكد يحبهه من خلال هاي البوسه
بعدين وخرت عنه من شافته ارخه قبضه ايده عنهه
زينب:علي هاي رابع مره تبوسني المره الخامسه اقسم بلقران لو اعرف شيصير اكل لبوي عن كلشي حته لو يصير بيه شي ولا تدنالي انته
علي وعيونه تجادح:انته! انه الي اسم ماشي وبعدين كلهه تتمناني بس هاذا ابن المنعول (ويأشر على كلبه)مارجف بس الج ولج من اول مره شفتج بيهه دك هاذا الكلب بس الج وعمري ماعينت لمره ولا لتفاصيل جسمهه بس انتي ولج والله حبيتج من كل كلبي ليش تسوي هل شكل والله اعيشج ملكه

زينب
احس اكو شي داخلي تحرك لئن احس كلامه صدك لئن طالع من كل كلبه بس لا يمكن لئن اول مره واحد هيجي يحجي وياي كتله
زينب:علي اقدر مشاعرك بس اني بعدني مامتعرفه عليك مااعرف اطباعك شنو ومااعرف شتحب وشتكرهه خليني عل اقل اتعرف عليك مو كلشي كبل هوه

علي:يابه يجرالج الي تردينه يصير بعد شتردين بس اريد منج طلب واوعدج بعد ماادنالج

زينب:اطلب
علي:بس كون يتنفذ
زينب:يابه ماشي الي تريده يصير
علي:تنطيني رقمج وكل حساباتج على البرامج
زينب:اففففف امري لله
علي:ولج لا تأفئفين كدامي هاذا رهيف(يأشر على كلبه)
زينب:ههههههههه ظحكت بصوت عالي
علي:من اروح فدوه لهاي الضحكه
زينب:هاك هاذا رقمي واسمي على البرامج زينب الغزي ومخليه صوره مهند
علي ضيك عيونه :وليش يابه مهند
دخل عليهم مهند
مهند:لئن انه حلوو فيتابعوهه هواي بسبب جمالي واكف وهوة يعدل بشعره
علي:انته شلون تدخل هيج ماتكول رجال ومرته
مهند:وانته ماتكول حمار متانيك عبالي متت بلحمام اثاري الحمام طلع اختي
ظحكو ثنينهم
مهند :وبعدين لا عبالك ساكتيلك مساع ضليت ساعتين تحجي وياهه وهسه صارلك ساع وربع اله خمس دقايق حاسبهن حساب الك لا عبالك مامنتبه لا عيني وعلي اطلعهن من عيونك
علي ظحك:هههههه ابشر شتريد كول من هاي كبل هاي(يأشر على عيونه)
مهند:والله ياخي اريد.......

يتبع،،،

شراح يطلب مهند؟
شراح يصير بلبارت الجاي وهل رتح يأثر على زينب؟
شنو رده فعل علي؟
وووو؟تساؤلات هووواي بلبارت الجاي بعد يومين ينزل لئن راح تبدي الاحداث من البارت الجاي لئن البارت الجاي راح يحدد حيات علي وزينب وممكن اشخاص ثانين مثل مهند

مشتاق”
صدقيني لشوفك ولقياك
وكل العيون بلا عيونك ممله
اسمك على لساني وشوقي لملقاك
ورسمك ترى بوسط قلبي محله
كل املي تجمعني الايام “وياك”
يامالك “القلب” مع العقل كله

شكرا الكم ولتعليقاتكم الحلوه وللدعم الروعه احبكم والله شكرا الكم بطاريقي

لحد يكول قصير
لا تنسون التصويت والتعلق رئيكم يهمني كلش كولولي البارت حلو لو لا
والقصه حلوه هم شكرا للي متفاعلين اول ماانزل

حبايبي سوو متابعه لحسابي علمود اذا انزل يوصلكم اشعار ماشي

مع السلامه