تزوجتا غصب ولكن....☆

Ał-Bärët 4

البارت الرابع★☆★☆

الحقه طويله شوي اليوم سامحوني كيكاتي ندهشكم معااي 😂😂😂
---------------------------------------------------------
الشاب :قاعد وسام ولا واحد من خوتك؟
سجى:ءءءءء لاااا لا مش قاعدين
الشاب : اها وسام قالي تلقى معتز هني
سجى : *اففف يعليك حصله * شني اني توا نكدب عليك معتز هني ومنبيش نطلعهولك ولا كيف
الشاب: لالا حشاك وخيتي به اطلعي حتى انتي خوديهم لان الجو شمس وبدوب الكيكه
سجى: *كيكه يوليي* به انت حطهملي قدام الباب وتو نخدهم *انزرف يا عطيك زرفه 😂*
الشاب :تمام ..حطهم وطلع
سجى :سمعت باب الكنشيلو رده الريح فتحت الباب بشعرها يلي مدايراته فوق(كعكه) وتوتا
سجى:حليلي من وسومي العسل مش ناسي عيد ميلا معاد♥ وكيف طبست ع الكيكه وقامتها وشبحت وراها بتخش للحوش ..شبحت الشاب واقف قدام الكنشيلو وسارح فيها وفملامحها
سجى:هيييييييييييي انت شن دير هني مصحك×_×
الشاب :ااااااااسف وووووالله اسففف غير نسيت الشمع ف السياره بس وقلت نجيبلهملك وبعدين قعدت سرحان فيك لانك اطلع طول مكنتش نحساب وسام عندا النوتيلا هادي وغمزلها♥~_^
سجى: خااافت لان بروحها ف الحوش يا.. شن بيقول فمي غير اطلعع برا اطلعع خزييه
الشاب:ت به طالع خيرك يا منجوها لميتي الجيراان
طلع الشاب يلي هوا احمد ..وطول الطريق كان سرحان ف شعرها وكيف تصرفت معاه بعفويه
......................
سجى:خشت توتت ف الحوش خزيي يا عليك نمادج ملايم عليهم وسام وربي ما يتحشم شويا وروحت امها
منيره: هادم شني يا سجى
سجى:ماه اليوم عيد ميلاد معاد خيرك ماما المشكله فرخك وجايبتيه من بطنك يا حاجه (وقاتها نفس الولاد لما يقعدو يتمهتكو )
منيره:احترمي نفسك وانتي تقول نتكلم مع بعجيلا السكير النكير هادا...وبعدين اما عيد ميلاد متنسيش ان اليوم حفلت  صفاء بنت نجاة
{نجاة هادي بنت عم ماما وبنتها صفاء اليوم حفلتها}
اني:حي وووه مش ماشيه
ماما:كيف مش ماشيه الناس شن بيقولو عندها فرخه وحده ومطلعش فيها
اني:ت ياماما كيف نسيتا اني بكل لعرس عنديش حتى قفطان
ماما: غير قوليلي امتا قلتي الحمدلله وعندي
اني:متنسيش اني بنت وحده رااه بيش الناس بيهزو اعليك ع خاطر مطلعيش فيا اكيد بيهزو اعليك عخاطر ماشيا بنفس القفطان~.~
ماما: وربي لما تجلطيني به كلمي ضياء ولا علي
اني :لالا بالك تبيني نمشي مع المتعجرف ضياء هادا مناقص ولا بالك تبيني نطلع مع الصايع علي
ماما:متمشيش من قدام خليقتي والله ما تبدا الا العصا عليك
اني:قلتها بتحد ماما راه توا الساعه قريب 2 والحفله تبدا 7 وشوفي جوك انتي اني مش ماشيا
ماما: طلعت فونها وتصلت... ايوا ضياء
اني:فتحت عيوني ع وسعهم وانشرلها لا نبيش نمشي معاه لا يا ماما
ماما:تمام هي سلم وليدي اهي اشويا وتطلعلك انزرفي وتي رووحك
اني: اححح يا ماما تعرفيه تو بوقفني ع محل واحد بس وبيقولي اشري منا وبخليني نروح بقفطان المصريات القدماء
ماما:اني منطلع معاك
اني:مرات راجلك يغار ميبيكش تطلعي يا حاجه ههههههه
ماما :بدت تضحك *والله والله بدي عندي شك انك بديتي دكر
اني: ههههه متلوحي شي وركبت
جي ضياء وقاللنا هيا
ماما مسكينا تحسابني شويا ومننزل واتيا
اني نزلت لابسه كانتيرا وحاطتها ف سروالي  وشاده زوز بلايز  ماما ماما اما وحده نلبس........  وكان ضيا برا يدير ف كلاكس
ماما: يا وووه اعليا منك شبحت ع اليمين القت شبشب الكوجينا مقابلهااا وخداتا وجتني اعطتني طريحا رباشة القبور ...اول مره يجي ضياء يحز اعليا
اني:نبكي هئ هئ منييش لابسه ولاني ماااشيه  ولاني شاااريه تحسابيني سودانيه هكي تضربي فيا يا مجرمه هئ هئ
ماما: ف عز غيضها ضحكت هيا وضياء من كلمت مجرما
خش معتز: اسمعو ....اااااه خيرها سجى تبكي من ضربها خيرك سجوو
اني:درقلي وجهك انت التاني خير ما نخلطك توا
ماما:نوضي وتي روحك والبسي البلوزه البيضه
اني: اننلا مش ماشيا بري انتي
ماما: الشبشب قاعد ف يدي راه نوووضي
اني:ءءءء يا ماما به مخاطريش نمشي
ضياء :كلما هيا هي نوضي خير ميولي لونك كوكتيل هههههههه
اني:*نقلد ف صوته *كوكتيل* نننننننن اسكت تراااا وخديت بلوزتي وركبت قربعت باب الدار لين سمعوه لوطا وصكرت راسي قعدت نص ساااعه داخل ومحد كلمني وبعدها طلعت
اني:من غير نيا هيا كان بنمشو
ماما وضيا:هي
معتز:ارفعوني معااكم
اني :ت مه حافظهم حفظ المحلات
معتز: لالا للعرس وبدي يرقص ف حواجبه
اني:هههههههه ومدابيك بعدين تجي ترقد معاي وتبدا فيها تقريم عااد
ضياء:هيااااااا
وركبنا¥¥¥¥
اني:طبعا طول الطريق ساكتا
ماما*ارفعنا لمول*****
صياء:اياااا بتعطلو كنهادا اهم حتى المحلات هادم
اني:عيطت لاااا محلات المصاروه لاااا
ماما:لالا ارفعنا لمول*****خير
ضياء :به لاكن متعطلوش
اني:درتها نفس السوريين..الله حيوو 😂
وصلنا¥¥¥
واول ما نزلت من السياره بدو اخواننا الليبين ف عداتهم وتقاليدهم
كل ما واحد يحدف كلماا ..ماماتشبحلي تحسس فيا ان اني يلي عازمتهم ولا مقايلتلهم تعالو عاكسو
شاب1:سن اسمك يا محلا زسمك
اني:شبحت لماما القيتها تشبحي درتلها اشاره بحواجبي معناها شن دخلي اني
الشاب2:ااه ياريتني اني امك بيش يشبحولي هالعوينات العسل
اني: انبحح ههههه
الشااب 1 شكلا سمعني بدي يقول:عوعو
اني وماما: صخنا ضحك
خشينا لمحل طول عجبني فستاان
*كان ع الاسود وكان نظام قصير وكلوش من لوطا وفيه طرف من الظهر ينزل لا كعبة الرجل ومن جيهة الخصر كان ف حزام لونه احمر نظامه من فوق كان نظام الكمام هدوكا يلي طايحات من الكتاف ع اليدين مش عارفه شن اسمهم كانت الرقبه ولوطا من الرقبه كلا يبان*{وانشالله وصلت المعلومه متع القفطان}
اني:ماما شوفيييه
ماما: اممم خلي نزدو نشوفو غيرا بالك نلقو احلى
اني:لالا يا هوا يا نموت حبيبي يا هوا يانموت 😂😂
ماما:به ..لو سمحت نزلي من هادا منشوفه
صاح المحل:كم الرقم يا ابله
ماما:xl
اني:هييييي ماما تحسابيني تورااا
صاحب المحل :ههههه هوا كان ليك يجي عليك حتى m
اني:ايه هوا رقميmاصلا... ومدلي القفطان خشيت قستا طلع عليا طرفففف
ماما:حلوى لبستا نازكه
اني:لالا بنتك يلي عطيتيها الطريحه هيا النازكه^_^
ماما:هههه هي كملي
اني:اه كملت.. وطلعت
ماما خلصت وطلعنا..
اني:مامي حياتي حبيبتي اختي يلي مجبتها امي 😂
ماما:خيرك
اني: شوفي الكندره هاديك حلاتها
ماما: ايه تركب ع لون الحزام هي تعالي
اني:منورا حااجه
وخشيت خديت الكندره وطلعنا
لاقونا نفس الولاد
الشاب1:عوعو
اني وماما: ضحكنا وبعدها كملنا طوول لين وصلنا للسياره
ضياء: خلاص كملتو
اني:يا فرحتك كملنا هي اطلع
.................
وصلنا
اني:نطقطق عزووو افتح تعال نوريك شن خديت
معتز:فتح حي وريني شن اخديتي
اني:شوف شوف... تعال تو منقيسااا
ركبت اني ومعتز.. وماما بدت تحوس ودارت الغدي
معتز:حيحي اختي طرففف مطرففف
اني:هههه بيش تعرف بس
________________________________
ف مكان تاني
ابتسام:والله البنيه مشالله عليها وهاديه ومش من جيل البنات يلي توا وخشات علي شي مش ليهم
عمي فتحي:ايه شن عندي شك اني ف ترباية خوي
ابتسام:والله يا فتحي البنيه زين وادب ماهي قاعدتها ولما يجيها نصيبها هيا لا بعد امتحناتها بسبوع جو خطبوها هيا بنيه وحده واهو مشالله زين كامل مكمل ما ناقصا شي
عمي فتحي:ايه عندك الحق تو نكلما
ابتسام:ونتمولا فيا مره وحده وسنه تالتا تقراها عنده
عمي فتحي:انشالله انشالله اني طالع توا مرات نروح الساعه 10 ولا ال11 كلمي زين يرفعك لعرس بنت رجب
{رجب هادا بو صفاء ويكون صاحب عمي فتحي رااس}
ابتسام :انشالله
________________________
عند لؤي
جي لشارع سجى
لؤي:اااخ يا سجى استاحشتك لاكن شن مندير ربي هكي رااد اعليااا
واني والله ومن خلق السماء والوطا ما واخدك واحد غيري لو كان منمووت
اشويا وشبح معاد وعلي مروحين للحوش تباعد ع الحوش شويا لاكن قاعد اقريب منا وبعدها طلع معتز من الحوش وهادا كلا لؤي ع امل ان يشبح سجى بس عبسس......
لين جت المفجااءه وسجى طلعت تنادي يا عزوو عزوو تعالااا
لؤي :طول سمع صوتها قلبااا بدي يدققق وبدي يشبح للحوش
لين شافها طلعت نص وجها من الباب وقصتها طاحت ع عيونهاا ومدت ل معتز فلوس وقعدت تستنا فيه ف الباب
لؤي :قدم خطوتين ...وفات من قدا الباب وقاللها نحبك يا سجوو
سجى:جتها صدمه للللؤي طول صكرت الباب لان كلامااا قاعد ف ودنهااا وقالت مرض يرفعك
لؤي:اتنهد من وصت قلبااا وطلعع
لؤي ف السيارت.
معقولا كرهتني لدرجه متبيش تشبح حتى هي معقولا هكي ومخلتنيش حتى نفهمها كرها ليا غطا ع كل شي ياربييي علااش هكي صار وتصكرت الامور كلها ف خليقتيي
وبعدها تصل بيه صاحبه جهاد قاله ت وينك ياراجل هي تعالا عاوني الزحح
_________________
معتز:خير جدك بيش قتلك ستنيني ف البااااب
اني:اااااا مه خفت واني واقفه قدام الباب
به  اهوا لاكن بش بيج بيج
اني:عادي اصلا القفطان اسود
معتز: هاك
اني: يا كداب بالك هادا بعشرين
معتز: مصح وجهك تطلبي فيهم حتى مني واني يلي لودت المحلات اكل
اني:بلا برااده وراسك ردهملي
معتز:ت روحي والله ماك شامتيهم حتى الشم نياهاهاها
اني:افففف مرزن دمك
_______________
ماما:تعالي اجبديلي شعري
اني:اووو نبع الحنان  بدت توتي ف روحها به تعالي هي ستشورتلها شعرهاا
اني:ماما منركب مندوش ومن بعدها نبيك تستشوريلي
ماما :به بري
اني ركبت للدار وطلعت توتا اشويا ورن فوني اني الو توها شجوك يا عمريي
ابتهال:ت وين يا كلبه عادش دوري
اني:صكفمك ياحيوانه ماه حكيتلك
ابتهال:المهم عندي ليك موضووع نار وجهنم وبئس المصير 😂😂🐊
اني:تقوليليش هداك المزيت كلمك
ابتهال :ههههه ايه وتو نحكيلك
اني:حتى اني نبيك نحكيلك  ع حاجه مع الصايع هداك
ابتهال:حي شنصار تعالي يا كلبه احكيلي
اني:ت تعرفي عندي عرس منوتي روحي سلام توا قبل ما ماما تجيني بالشبشب 😂😂
ابتهال:ههههه تمام سلام وصوريلي شن بتلبسي
اني :تمام هههه
خشيت دوشت وزي ما تقولو لؤي كرهتا بالرسمي وخاصه بعد كلامه ليااا
طلعت من الدوش ستشورتلي ماما شعري
روح بابا ونادا ماما ف الدار
بابا :منيره اتعالي
اني:بديت نرقصلها ف حواجبي يا منيره بريلا جرييي~.¤
ماما:تحشمي يا فرخه خير ما نجيك
اني:ههههه عادي ماما♥
خشت ماما هيا وبابا واني بديت ندير ف دوره ع روحي
..............بابا وماما
بابا :اليوم كلمني فتحي علي سجى
ماما:كيف قصدك يبيها ل ولدا
بابا:ايه وقالي كان ع قرايتها تو تكملها عندا هوا مش حيمنعها منها
ماما: يا محمد هادا خوك الكبير كيف تقولا لا وبعدين سجى بنت وحده لا امتا بتقعد بروحها والله ف من حاجات غلط ديرهم قدام خوتها لاكن كونها عندهاش خوات دير فيهم زي لما تلبس قفطان قصير قدام ضياء وعلي  ولا بين ولد عمها مش حتلقى خير منا
بابا:ايه كلامك صح وخوي منقدرش نردا لاكن سجى قاعده صغيره وكي {كيف بكمل كلمتا قاطعاته ماما}
ماما:لا معادش تقو صغيره يا محمد البنت مليها ستره غير حوش راجلهاا وحني ما صدقنا تفكينا من هداك الطير الشر ..  ويومها بنت عمه قتلي حيولي لليبيا ...حتى كان ولا يلقاها مخطوبه ولا متزوجاا
بابا:ايه لاكن مش هاينه عليا سجى بنتي نعطيها
ماما:ت لابين ولد عمها اهم قراب منا كل ما تجي لحوش عمها تجينا♥
بابا: انشالله خير
___________
اني بعد ما كملت مشيت نادي ف معاد لان صراحتا ضوقا ابدااع
اني:ها قولي شن رايك ولا شعري نديرا vir احلى
معاد:اووو ت اطلع طووول والله لما طيحي الصاله  كلها اليوم وتو تشوفي
اني:خيتي سلما وجيت حظنتا
ع خشت وسام
وسام:اي الحلاوه ده ..القفطان مليح امتا خديتيه
اني:هههه تسلم يا ولا يا وسومي... بكري طلعنا ضياء اني وماما
وسام :اها لاكن ملييح والله كلهم لما يقولو هادي شن جيبها هني طيحتنا
معاد:لو سمحت معادش تعاود كلامي وخليلي برستيجي بروحي ايوه(×_×)
اني:ههههه قصدك عدعود قاعد حرجان من وسام راه بكري والله مقالي حاجه غير نتسهوكو عليك وسنه حلوى يا جميل
معاد:ايه صح يوم ميلادي اليوم
اني وسام :صحه النوم
خش معتز بكل قوه وندفااع وين القاتو وييين لان مصاريين دايرات حفله بالبيانو ف بطني* ولا عيد ميلاد بالكلام بس
اني:ههههه وووه حفله صار هونا ف التلاجه الساعه كم توا
وسام:الساعه  6:30
اني:هييييي ماما يا ماما وقت راه
ماما: من الدار هيا طلعت اهو
بابا:خلاص معناها تو نرد علي فتحي وانقولا تفضلو
ماما:تلبس ف عبايتها ايه قولا قولا وسجى تو غدوه نفاتحها ف الموضوع انشالله وطلعت
اني: يا سلطاانه انتي شن رايك
ماما:مشالله عليك اقري المعودات
جي معتز يجري هي حتى اني وااتي
اني ووسام ومعاد: هههههههههه
ماما:قعمز وركح فيش مشي
معتز:ت علااش نبي نمشي النهارااات ونقعد برا
اني: لا ورااسك خش ^_^
ماما :هيا سجى بوك يكلكس وانت ضم فمك وقعمز فيش مشي ديرو عيد ميلاد معاد
{وطلعنا}
طول الطريق نهدرزو وبابا يبصر علياا وهكي
وصلنا...
خشيت ورا ماما
جت خالتي نجاة سلمت علينا
نجاة خ :انستينا خيركم مجيتوش امس العفوو
ماما: والله ظروف اهو جيناك اليوم ولا نروحو هههه
نجاة خ: ههههه لالا تفضلو تفضلو.....كيف حالك سجى يا بنتي
اني:سلمت عليها الحمدلله كيف حالك انتي ومبروك علي صفاء
نجاة خ: الحمدلله الله يبارك فيك والعقبالك
ماما:انشالله تسلمي
وخشيناا طوول مشيت جنب حوش جدي سلمت ع حنينا وبعدها نساوين خوالي
وبعدين يبست جنب بلقيس واستبرق ...  وبعدين جت سلمت عليا مرت عمي فتحي ومخلت كيف سلمت ودعتلي والخ.... بعد ما قعمزت
استبرق:ههههه خير يدك من هني زرقه
اني:شبحتلها شبحه ت مه من اختك ه المجرمه (نقصد ماما)
بلقيس:هههههه شن دايره باش ضرباتك
اني:......حكيتلهم
بلقيس واستبرق :هههههه تستااهلي
اني:قاعده مدحتش مرت خالي اكرم هههه
بلقيس :يا تاعبه كان جابت راه سمعتي
استبرق:حيحي غير شوفو البطه هاديك
اني :حييييي مسمنها كم توزن هااادي
بلقيس:ياناري القفطان بتنصل عليها😂😂
وقعدنا قرمه وهدرزا....لين جت العروسه ونظنا رقصنا معاها ....{الكاتبه :معنديش نيه نقوللكم كيف كملو الحفله 😂 يلا ما علينا}
المهم روحت صفاء هيا وراجلها
مع الساعه 12:45
ماما:سجى التغطيه هربت ووصلتني مكالمه فايته من علي بالك جي وبرا ترا اطلعي شوفيه
اني:ماما رسمي تتكلمي كيف منطلع وقدام الصاله تريس كلهم الزحح
ماما:والله مزال تقوليه اسلوب الشوارع نهارك
حنينا:هههه بالشويه ع البنت
اني:تعرفي يا حنينا بكري قريب قتلتني بنتك هادي
ماما:حتى توا ف الحوش منعاودلك مراسم الدفن كان متحركتيش وطلعتي توا
بلقيس استبرق ومرت خ رياض :ههههههه نوضي نوضي يا سجى
اني:اخخخخ اهو نضت ولبست عبيت مرت خالي رياض لانها كانت ساهله ف اللبس وكان فيها برنوص خاطريش نلبس وشااح
...طلعت ....
اني وقفت قدام الباب قعدت نشوف بعدين لقيت ولد خ نجاة قتلا تعالا ترا شوفلي علي جي
محمد ولد نجاة : باهي هي تو نشوف
جي لؤي:قدام الباب هوا وجهاد ولد خالتي نجاة الكبير(*الكبير الله)
لؤي:يا راجل برا بسرعه مرات يوصل الضي ف الصاله من داخل
جهاد:خلي نجيب السلوم من غادي وانت برا افصل التاكو تلقاه ف الجنان
لؤي :به بسرعه
خش لؤي للجنان لاكن لا اني ركزت فيه ولا هوا ركز فيا وفصل الضي وقعد ف الجنان يستنا ف جهاد واني واقفه ف الجنان نتستنا ف محمد
......ع خشت محمد جاي يجري
محمد :سجى سجاااا وهوا داهش بالصوت العالي شبه يقول فيه
لؤي:لفت انتباها الاسم شبح..
اني :نقص صوووتك حشمتني
محمد:مهناش علي
اني:به ضياء ولا وسام ولو واحد من خوتي
لؤي :هيا والله الا هيا وقعد يفكر
سجى :اها به الطغطيه هني هاربه اول ما تشبح واحد منهم تعال نادني بهي حمودي
محمد:دهشتيني  ... به
اني: ههههه خيتي سلما حمودي وسلمت عليه وخشيت
لؤي:سامحيني يا سجى لاكن لازم ما ندير هكي بيش تبدي ليا
جي جهاد وقالا لؤي كملا بروحك اني صارلي موضوع ولازم ما نطلع
طلع لؤي ...ونادا ع محمد
محمد:نعم
لؤي:برا قول ل ام ضيا تعرفها ولا
محمد:ايه نعرفها
لؤي:قوللها قالك ضياء قول ل سجى تطلع تكلمني
محمد :وينا ضياء هوا
لؤي:قوللها قالك تطلعلي من الباب الخلفي جريي لان مستعجل
محمد:اها به
خشش محمد للصاله وبدي ينادي  خالتي منيره
ماما: نعم
محمد: قالك ضيا قولي ل سجى تطلعلي منكلمها من الباب الخلفي
ماما:هوا جي ضياء
محمد :ايه
ماما:سجى
اطلعي لابين قاعده بعباية مرت خالك شوفيه خيرا لابين ما سلمت وطلعت حتى اني
اني:به اهو طاااالعه
طلعت سجى للباب الخلفي مقبلتهاش سيارتهم
زادت طلعت القدام
سجى افففف ت وين مدرس جدها هادا
لؤي:جي ل سجى من الخلف وصكرلها فمها وركبها ف السيااره....وبعد جهد جهيد ركب هوا
سجى:نزلني والله نعيط ونحشمك نزلنيي وبدت تبكي
لؤي:عيطي ..شوفي روحك وين انتي ووين الصاله والناس
سجى: دكرت كلاما كلا .... بالهي نزلني باللهي عليك هئ هئ
لؤي:نزلك صاار ههههه وحرك السياره
سجى :بدت تعيط وتخبط ف الروشن ....ياناااااس خاطفني يا عاااالم وتبكي نزلنييييييييي نزلنيييييييي
لؤي :ولع اغاني وقواااااااهم لين خلاااص
وسجى تعيط  وتخبط وتبكييي ...لين لؤي درس السيااره
سجى:باللهي اعليك والله حرااام ردني لحوشناا
لؤي:ايه ايه منروح بيك لاكن مش توا
سجى:لااا لؤي لاااا باللهي لا روح بياااا هئ هئ
لؤي:هي انزلي
جى:لا مش ناااازله مش ناااااازله يانااااااس يا ناااااااااس تعالولاااااا
لؤي:نزل من السيااره وبدي ينزل فيها
سجى: تبكي ومبتش تنزل ..وخررر وخرررر منيش ناااازله
وبعد جهد جهيد نزلت سجى وعيطت وبكت وناادت مفيش حد سمعها ولين داخت قدام السياره
لؤي:عرفها داخت ....سامحيني يا سجى لاكن هادا الحل الوحيد بيش نقدر نااخدك وقامها وحطها ع ال........ يتبع

كتاباتي..
9nasem7a♥

معلومات!♡
احيانا الحب يجربنا ع حاجات حني العقل ميبيهمش لاكن القلب يبيهم
احيانا الحاجات هادم تغضب ربي ونعرفوه الشي هادا حني لاكن الحب
يعمينا علي كل شي ف سبيل نعيشو ع يلي نحبوهم حبي لؤي ل سجى
كان حب اعماااااا يحبها لدرجة ان يقدر يدير اي حاجه بيش ياخدها وتقعد
معاه وتقعد ليه وملكا هوا وبس ...
*احيانا العلاقات والحب والغرام وتعلق الشخص بينا يكون ل صالحنا ..
لاكن ف رواية تزوجتا غصب ولكن ... هادي مرات مش حتكون ف صالح
سجى الشي هادا
_______________

طرح اسئله
1كيف حتكون ليلة سجى مع لؤي؟!
2هل لؤي حيتنادل مع سجى بتصرفاته وبيصير يلي يصير ولالا؟
3بعد ليلة اليوم مع سجى ولؤي تقدر سجى تتزوج ولد عمها او حد تاني ولالا؟
4زعما سجى حتقعد{عذارء}ولالا؟
-----------------    -------------------     ------------------    ---------
البارت الخامس حنعرفو فيه جواب كل الاسئله هادم وحنعرفو فيه ردت فعل اهل سجى!!
تصويت+ كومنت+كومنت+كومنت=تفاااعل
رايكم كيكااااتي♥مع تحياااتي