ملحمة .. إرث ســلـيــمــان

الـحـلـقـة الـثانـي و الـثـلاثـين - ج2

كنست الكزاز و الصار يدور بذهني .. التفتت شفت يوليس نظر ع الكزاز و انوب نظرلي بنظرة كانو فاهم يعرف ..

غدير : شصار ؟ ليش هيج هدم الجام ؟

يمامة : ما ادري ما فهمت منه شي بس يصيح ..

غدير : ممم اكول كأنو حذيفه احم احم

يمامة : شنو؟

غدير : يعني .. يميل او هاوي هيج شي

يمامة : بقيت ساكته ..

اهتمام حذيفة يمكن فهمته شي طبيعي بس وجه مليك الـ مافهمته حذيفة مو جن حتى مليك يحميني منه ..

غدير : سكتي؟! السكوت علامة القبول

يمامة : لا شرد فكري

غدير : شكلتي؟ انتي همين حاسة نفس احساسي

يمامة : يا احساس؟

غدير : ولج لتصيرين هبلة داكولج مشاعر حذيفة تجاهج معقولة محسيتي؟

يمامة : و اشوكت احس اني طول هالفترة ابيت عمتي

غدير : اي صح بس هو يخية گلب الدنيا وراج حتى اهله حسو

يمامة : بالخير .. ناقصني حذيفة

غدير : ناقصج!!! يااا ليش اكو غيره

يمامة : وحدي الله اقصد ماريد بلاوي

غدير : لا اني بهاي مو وياج حذيفة هيج .. شاكولج .. انسان انسان

يمامة : انسان انسان شنو

غدير : اشمدريني هي هيج اجتي اوي دامدحه و هيج طلعت هسة المهم خوش ولد شبي

يمامة : وحدي الله غدير .. كافيني البية

غدير : و شنو الي بيج .. سولفيلي .. اخاف عمتج عدها ولد و حبيبتي ولج احجي من اشوكت تضمين علية؟!

يمامة : ديلا كتبت سيناريو من كلمتين كلتهن

غدير تازمها من جتوفها و تهزها متحمسة

: لعـعععععد

يمامة : اريد تعين هذا البية

غدير : هووففف بهاي صدكتي اكبر مصيبة انو نزرع نزرع و بالاخير ماكو ثمر مانجني شي .. تعبنا راح ع البلاش

يمامة : اتعجبت ليش البيت هدوء بس يوليس شفته مو عوايدهم ميحوصون بالبيت

وين خالتي ..؟

غدير : هزا غير متدرين من الصبح الباب تفلشت ..

يمامة : يا ستار و ليش

غدير : نسوان ابنهم مدري منو مسكون و الجن ميخلي يجي يكولج مكسر البيت كله ع روسهن ..

يمامة : اي؟!

غدير : اخذن امي و مشن

يمامة : ها من هذا

غدير : من هذا شنو؟