Noon ay pinipilit itanggi
Sa sinisigaw ng damdamin, sinasadyang mabingi
Alam ko mang magiging masakit
Walang magagawa, pagka't puso'y ayaw papilit
Nalalapit nang mangalahati
Baka mawala na ang mga ngiti
Sa mga panahong kasama ka'y gustong sulitin
Ngunit paulit-ulit lamang na nabibitin
Ayoko mang maging mapaghangad
Ngunit anong magagawa kapag pangungulila'y sagad?
Ika'y paulit-ulit na sinisigaw
Ng aking pusong naliligaw
Alam kong hindi pa ito pag-ibig
Subalit ikaw ang laging bukambibig
Hindi ko man alam ang tawag sa aking damdamin
Alam ko namang ika'y mahalaga sa'kin
BINABASA MO ANG
Ang Aking Mga Tula
PoetryAng aking lihim na nadarama, idinaan na lamang sa mga tula. *Plagiarism is a crime. Do not copy or reproduce without the Author's permission. **The photo used as book cover was downloaded from an application (Themes) on my cellphone.
