طفلتي

مقدمة

هلاو بنات طبعا هاي اول قصة اكتبهة اتمنة تعجبكم وهاي مقدمة بسيطة❤
بتركيا وتحديدا اسطنبول بقصر اقل مايقال عنه فخم يدندن بصوتة الحلو ماكو شي على جسمة غير منشفة صغيرة مغطية الجزء الاسفل من بطنة واكيد على الفراش وحدة من بين الالف وحدة بدت تفتح عيونهة وشافتة كدامهة ابتسمت
سارة:البارحة احلى ليلة عشتهة بحياتي ممصدكة واخيرا قبلت بية ك جسد وراح ابقة انتظر اليوم الي تتقبل كلبي بيه
آيان:لاتنسين انتي مثلج مثل غيرج وهذا الكلب انسي بيوم تحضين بيه وانتي تعرفين قصدي كل الزين
وكامت سارة من الفراش سارة الي جانت تنتظر سنين حتى تحضة بحضن ايان واخيرا نالت الي تريدة بقة شغلة وحدة وهي كلبة وهذا الشي المستحيل
.......................
وبمكان ثاني بالعراق وتحديدا العاصمة بغداد بنية حلوة بريئة شعرهة بني طويل جوة ظهرهة وبيضة مثل الثلج والجسم الرشيق اقل مايقال عنها انو هي اميرة كعدت الصبح على صوت امهة
حنان(ام مريم):يلااااا مريم كعدي يلا بنتي تاخرتي على المدرسة
وطبعا مريم مسمعت كلام وغطت راسهة ورجعت نامت
اجتي حنان وطشت مي عليهة
وهنا كامت بياض الثلج تشهك من البرودة مال مي
مريم:اووووف ماكو راحة بهل بيت شلون يعني
حنان : اي طبعا من الصبح دا اكعد بيج كومي راح تتاخرين ساعة ٦ ونص
مريم ووجهة صار هيج😲٦ ونص وراح اتاخر مو؟
حنان اييي يلا
ومن بعد جدال طويل بين الام وبتهة كامت مريم غسلت وبدلت وكعدت تنتظر الخط وبهل اثناء ومثل كل يوم تشوف اخبار الحب فتحت الانستا ودخلت على حسابة وشافت الشي الي كسر كلبهة صورة وية بنية ومثل كل يوم تشوف الصور ويحترك كلبهة وهي متكدر تنساه..
طبعا مصارت مقدمة صار كأنو بارت 😂بس حبيباتي احب انوه على شي انو القصة جريئة ومحبيت اعرف على الابطال حبيت انو تتعرفون عليهم اثناء القصة واي ملاحظة اتمنى تكتبوهة بالتعليقات حتى اصحح من خطأي ومثل ماكلت هاي اول قصة اتمنى منكم الدعم ❤