Fool For Charms

1

Note : The first original chapter that I wrote for this book I've decided to delete it and start over so here is the new original beginning of Fool for Charms..Written in Patois (pat-wah) read if you understand, vote if you want, comment if you feel to. I welcome all comments!

~Reds POV~

"Tiday!Tiday! wi a lef mi nah tan one more day Ina dis! Mi tyaad a it! Mi can't tek it no more!" A pay screaming and flinging mi deh pon. Mi wah buss di likkle nastiness head wid one a dem rock stone yah. One a wi affi dead today inna di yard

From wah day mi nuh stop hear say mi man, Johnny a give mi bun and mi wuda never believe if a never fi Kim. Him own a sister see and know how him a gwan and shi tell mi everything and show mi di evidence. Him nu tap  deh wid di likkle school gyal dem a pay likkle gyal full up him phone. Big tuff back bwoy like him want off di likkle gyal dem

"me must send yuh nastiness go prison fi di likkle gyal dem dat yah keep. Watch an see if yuh nah reach in a prison cell. If mi nuh  mek yuh go deh mi nuh know wah mi name yuh think yuh can come fool mi up and get weh suh by di way present mi back wid all di money weh mi borrow and gi yuh!" Mi shout after di likkle fool who me waste three full years a mi life wid.

Dis bwoy weh me tek up out a sufferation and mek in a somebody tek me kindness fi weakness. When mi lef school 3 years ago me move in wid Johnny who older than mi by two years everybody did a say me go to man too soon but him a never nobody no woman never really did want him but mi clean him up and mek him Ina somebody sake a so gyal start want him

"B just cool off a dat nuh mon. Mi tell yuh Say a lie Kim a tell pon mi she just nuh wah see wi together and yuh just a do exactly wah she want right now" him push past mi a di door way and walk go inside a di one room board house dat him build. Hear how him lie. Why him own a sister would a deh tell lie pon him so

"lie! Eeh a Lie? Suh wah di heap a text message and picture from gyal dem in a yuh phone a do? Bet say if a did me who have a bag a man message and picture inna me phone yuh would a probably cut off me neck already. Yuh see how yuh unfair tho" Mi tired a di foolishness it no mek sense me go be loyal to somebody who can't even be honest and admit di truth to me like a big man.

"Come here mon. Stop di noise and come kiss me " di likkle frigga come a put him hands round me waist and a hug me up

"no no it nah go so easy yuh can't come sweet talk yuh way out a dis one" me did a push him off a mi but him start kiss up me neck which him know a me weakness.

"Reds. You know a you me love " him Start kiss me pon me lip "only you me want. You alone have me heart " me nuh know wah happen to me but all me know is that we clothes start fly and just like dat me gone back to being di fool fi him lies.

Johnny always know how fi sweet me up. Me always a say me hate him and go kill him whenever we have arguments but at the end a di day dis bwoy have dis charming way bout him and nu care how mi try me can't vex too long wid him. Di likkle frigga know how fi frig up mi head.

Kim go haffi try harder fi break up di two a we but as far as me see right now. Me nah left my man fi nothing or fi no body . So any gyal a try come mash up wi relationship better know say thick bumpa Reds have di key fi har man heart.

~~••~~

If you read di first chapter before forget about that outline. This one is gonna be totally different. But how this one sound so far?