دكتور عبد الوهاب : منال ارواحي نهدر معاك حاجة فالبيرو تعي
كاميليا : اه وهاب اصبر... هدرت مع لمدير موقبيلا قالي قولي لعبد الوهاب مكاش عملية ليوم مي قوليلو يكمل فالاستعجالات...
د. عبد الوهاب : ايه نلبس طابليتي و نولي مام منال لازم تلبس... اسبقونا نتوما...
كاميليا : مممم... داكور ...
طلعت مع دكتور عبد الوهاب للبيرو تاعو غلق الباب و دار ليا قالي : اون فان قعدنا وحدنا
منال : ...
حسيت قلبي قريب يخرج من بلاصتو علاش جابني هنا ؟ وش يسحق
د. عبد الوهاب * دنا ليا و عنقني * : كامل باركولك غير انا... منال مبروك علينا
منال : يسلمك
انا تان عنقتو... سمعتو يضحك جبدت روحي قالي : مانيش مامن علابالك راني حاسو منام منال والله شحال راني خايف نفطن و نلقاه منام برك
دنيت ليه قرصتو من يدو بدا يتعوج وقتلو: دك هكذا عرفت بلي مشي منام ؟
د. عبد الوهاب : ههههه وي يالمهبولة تاعي ...
عاود عنقني
قالي: منال تامني جامي مشيت مع وحدة ... بسكو جوزت حياتي لهيه و مع لقراية و الضغط مالتيتش بهذ العفايس... لبنات لي تما كامل صح شابات بصح لعقلية ماكاين والو نشفا كنت فلجاميعة كي جات وحدة تركية و مسلمة شابة و عاقلة حسيت روحي نحبها... كي رحت نصارحها عرفت بلي عرسها كان قريب... قلبي تقسم... صعيبة بزاف على هذاك مانلومش فؤاد... وش يدير قليل...
علاه راهو يحكيلي فحياتو... جبدت روحي وقتلو: انا جامي حبيت و جامي مشيت و بالاك ماراحش نعرف نتعامل معاك على هذاك نقولك ساعفني.
د. عبد الوهاب : جامي كان عندك حبيب ولا حبيتي ؟
منال: نو جامي...
د. عبد الوهاب : ههههه مانقدرش نوصفلك شحال راني فرحان ...
منال: طولنا خلينا نولو
كنت دايرة بش نخرج مالباب حتى يحكمني و دورني ليه باسني في خدي حسيت لحمي تشوك... حليت الباب وخرجت نجري....
رحت لشومبر تعنا لبست طابليتي... مارانيش حاسة روحي مليحة الفرحة لي راهي فقلبي ماقدرتش نخرجها اصلا من التعب... كان مدابيا نتفاعل خير من هك... بصح مانيش قادرة...
خرجت جيت حابطة فلاصانصور لقيت د. عبد الوهاب لداخل...
شافني تبسم...
د. عبد الوهاب : نخدمو فالاستعجالات ليوم بالاك نطولو شوية...
منال : نورمال
part 28 ^^
Mulai dari awal
