وره ساعه حسيت بيها كعدت وهي تون
انه لزمت ايدها وانه قلبي ملهوف عليها
اول مافتحت عيونها نطقت اسمي
رضا
ها يبعد عيون رضا حجيت هيج وعيوني دمعت
رضا مي اريد مي
جريت كلاص المي وخليته يم
شفتها
شربتها شويه وانا ساندها على صدري
يمه ليله شلونج هسه
هي لزمت بطنها ورفعت عيونها لرضا
من شافت عيوني مغوركه دمع كامت تبجي
رضا وين ابني
رضا ميعرف شلون يجاوبها
يمه وين ابني عايش مو وينه جيبو الي
امها كامت تبجي هي وامي
جده رازقيه رغم لهفتها على الولد بس
جانت اقوانا كلنا جتي ولزمتها من ايدها وكالت
يمه ليله لاتسوين هيج بروحج الله
ماقسمه الكم
ليله صفنت بوجه جده رازقيه وردت
عاينت على رضا
يعني شنو ابني مات لا انتو تجذبون
عليه الصبح جان يدفر ببطني حجت هيج ولزمت رضا من دشداشته
رضا مو انته جنت ويايه ومكيفين بيه
مو حبيب كول مو انته لزمته
وشفت شلون يتحرك رضا جاوبني
رضا من شاف ليله هيج لزمها وحضنها لصدره
اسكتي حبيبه لاتسوين بروحج هيج
موزين عليج عمري انتي المهم انتي سالمه
ليله دفعته لرضا وعاطت
ابني اريدن ابني يمه جيبيلي ابني
رضا اذا تحبني جيبه الي الله يخليك
ولج يمه لادكولون مات الصبح مابي شي
انه ماتحملت تسوي بروحها هيج
لزمتها وحضنتها لصدري حيل وانه مخنوك
كافي يابعد عمري كافي لايصير بيج شي
احجي وياها وشهكاتها
تخض روحي خض اااااخ ياربي شكبر الوجع بقلبي وبقلبها
ظلت تبجي بحضني وادكول رضا والله واحد دفعني انه حسيت بأيد لزمتني ودفعتني والله انه امشي على كيفي
اخافن علي اكثر من روحي
اش اش قلبي الله يعوضنا ان شاء الله
ظلت ليله بحضني تبجي وادكول اريدن ابني الما حسيت بيها تعبت ونامت
حطيت راسها على المخده وعيوني على وجها اشوفن عيونها الحلوه شلون ورمن
من البجي انتبهت كصتها مجروحه ومخيطه
من اثر الوكعه
وجوه حنجها ازرق ومجرح
ذيت حسره من قلبي شكبرها
ها شلونها ليله هسه
سمعت الدكتور تحجي وي امي
انه وخرت منها وطلعت
من غرفتها وره ربع ساعه
طلعت الدكتوره طمنتنا وكالت ليله
عدت
مرحله الخطر والنزيف قل
شفت ابوها سجد بالكاع من فرحته
وانه تحمدت ربي
الحمد لله والشكر ربي ماخيبت
دعاء عبدك.
امي طلعت وحجت ويايه
يمه روح بدل هدومك كلها دم
انه امي من حجت يل انتبهت هدومي
كلها دم
هزيت براسي وكتلها امشي ويايه انتي وجده رازقيه
امي طبت جوه وانه وراها وكفت يم ليله
الي نايمه ووصيت امها عليها
روح يمه لاتوصيني على وصله من قلبي
دنكت وانا اعاين عليها شلون تعبانه
طولا بنظرتي الها يله طلعت
لكيت زاهد راكب السياره وينتظرنا
جا وين دعاء
وديتها قبل ساعه شيخ
ركبت جده رازقيه وامي وركبت ليكدام
وي زاهد
طول الطريق مغمض عيني بس
اسمع امي وجدتي يحجن بصوت ناصي
ولج نبعه سمعتي شحجت ليله
شنو يمه
جا شمالج وين اذنج وماسمعتيها
يمه انه من الهبطه والقهر. ضغطي صعد
واذني لطشت لطش
ولج سمعتها ادكول واحد دفعني من الدرج
ولج يمه نبعه خاف الي بالي سوتها
ام رضا سكتت وبالها راح لبعيد بس لا ماتسويها لان حليمه جانت يمها بالغرفه
ام رضا
حجت بصوت ناصي يم جده رازقيه وهي متاكده من كلامها
يمه حليمه جانت يمي من طاحت ليله
ها صدك يمه
اي والله جانت يمي وطلعت وي طلعتي
من طاحت ليله
سكتت جدة رازقيه وبالها الف حسبه
YOU ARE READING
هدية عمر
Romance"انة الشيخ رضا ابن الشيخ سالم عمري ب الاربعين وحبيت وحدة خذت العقل والراي هدية هداها ابوها اليه. وصارت هديه عمري وسنيني " للكاتبة اوتار حزينة
