واشرت الي اصعد لغرفتي
انه هم صعدت كلت اعزل غرفتي مادام رضا طلع للديوان مالته
طبيت للغرفه ونزعت كلابيتي ولبست دشادشه خفيفه وقصيره ارتاح بيها
وكمت نظفت الغرفه وعزلت هدومنا
الوصخه كلت اغسلهن قبل الغده
طبيت للحمام غسلته وعطرته وطلعت
تفاجأت بحليمه بغرفتي واكفه يم ميز التواليت
هاي شنو شصعدها هاي مو غرفتها جوه.
باوعت عليه من فوك ليجو
وفرت بأيدها
اكولن شبي الشيخ مسودن اثاري مدوخته
بلبسج الي مال كح.......
انه تفاجات بحجيه بس رديتها
احترمي نفسج ام دعاء ولاتحجين
هيج عليه
عاطت بيه ولج انه احترم نفسب جا ما كلتي عيب اخذ الرجال من مرته وبناته
وشمرت غراضي الي على الميز بالكاع وتقدمت مني
لزمتني من كصيبتي وجرتها حيل
اخ ولج عوفيني
لج بنت الفكر ابوج العار هداج
بلاش للشيخ عباله اتصيرون
اوادم براسه لج احجي شسوت امج من سحوره وخلته محبس باصبعج
عوفيني شنو سحر شنو محبس
بأصبعي هذا شيخ رضا لا انه ولا انتي نحكمه
عوفي شعري يمه الحكيني
جرتني حليمه حيل من شعري ولطمت حلكي الا طلع الدم منه
انه دخت من سوت هيج ماأدري افك
شعري
ماأدري امسح الدم من حلكي
ولج حليمه عوفي البنيه
جتي ام زاهد هي وصفاء فكني
بالكوه منها انه رأسن وكعت بالكاع لان حسيت براسي يريد يطك من الوجع
ولج صفاء جيبي مي البنيه خربت
شنكول لاهلها الي جايين جوه
الله لاينطيج حليمه على هاي سوايتجهي انتي لاتغلطين احترمي نفسج انتي بيتي
انجبي ولج عرمه والله لاكول للشيخ
خلي يكسر ايدج البنيه عروس وتضربيها
ماتستحين انتي كبر بلا فهمام دعاء شمالج عقلج طار لو يسمع رضا شحسوي بيج
ليش اكو شي ماسواه اخوجن هجر وهاجرني زواج وتزوج بدل المره مرتين
روحن حاسبن اخوجن عيني بالاول وبعدين حاسبنيعوفيها صفاء هاي تخبلت نست السوته
وخلت اخويه يهجرهاالزمي حدج حياه لو تطلعين من بيتي
مني الي تطلع من بيتي حليمه الكل تفاجأ
بالشيخ من طب للغرفهرضا من شاف ليله واكعه بالكاع والدم
طالع من حلكها راح ركض الها
وكومها من الكاع
شمالج. يبعد الروح.
مابيه شي رضا شويه دختشنو دختي ليله ماتحجين الصار
ام زاهد عفيه اسكتي
رضا كام يباوع عليه وعيونه تجدح
انه من القهر والوجع برطمت وكمت ابجي
بويه تبجين حياه شمالها ليله
حليمه رادت تطلع بس رضا كال الها
اوكفي لاتطلعين
هي وكفت مثل الصنم وبدت تخنزر على خوات رضاشيخ انه ماأكدر اضم عليك. شي
وانه ماعندي نسوان تظم عليه. ام زاهد
أنت تقرأ
هدية عمر
Romance"انة الشيخ رضا ابن الشيخ سالم عمري ب الاربعين وحبيت وحدة خذت العقل والراي هدية هداها ابوها اليه. وصارت هديه عمري وسنيني " للكاتبة اوتار حزينة
5 .،4
ابدأ من البداية