...... .
طلعت من ليله وامي وامه
ورحت اتمشى
لان طبن بشغله حريم كلت خلهن براحتهن
شفت بمحل بدله كلش حلوه
لونها وردي فاتح والصدر تور شفاف
وقصيره ومدنفش من جوه
تخيلت ليله بيها كبل طبيت واشتريتها
واخذت وياها كلابيه مفتوحه من
الصفح ودلعه الصدر
اخ يابه هاي اذا لبستها تموتني
طلعت امشي وانه دايخ بليله الي اول ماشفتها داخ العقل والقلب بيها
معقوله يارضا تحب وانته عمرك طب بالاربعين
اي والله حبيت يارضا ولا انته تاخذ ثوب لحرمه وانته ابد مامسويها لحرمه من حرماتك ال2
الشيخ رضا يمشي على كيفه ويحجي وي روحه تالي حس على نفسه وصل للمحل ال بيه. ليله واخته وامها
شافهن واكفات ينتضرنه
شيخ وين صرت توخرت علينه
هياني ام زاهد كملتو شغلاتكم
اي ياخوي يل نمشي توخرنه بس خل خلنا نشرب شي ترانا عطشنا
اي تامرين امر ام زاهد يل امشو لمطعم
نتغده ونرتاح وبعدين نرجع لهلنا
اي والله ودينا رضا ترنا هلكنا من وره المشي
اخذنا الشيخ لمطعم راقي كلش وطبينا
لجناح العوائل انه ردت اطب اغسل
اخذتني امي وحياه غسلنا ورجعنا
كعدنا انه رفعت البوشيه مالتي
لان ماكو احد بالجناح بس عائله
بعيده عنه
وهم شفت رضا ماحجه شي
طلبنا اكل وكعدنا ناكل انه من مستحاتي
اكلت شويه
اكلي ليله لاتستحين
حجت ام زاهد ولفت لفه وانطتنيها
انه اخذتها وكمت اكلها وي السفن
انتبهت واحد كاعد وي مره ورجال وجهال ا2
يباوع عليه ومركز انه درت وجهي منه
وسويت نفسي احجي وي امي
رفعت عيوني نوبه الخ وهم شفته يباوع لا والنوب غمز
بويه كمت ارجف نزلت البوشيه رأسن
رضا انتبه عليه من نزلت البوشيه ودار عيونه وشاف الولد يباوع عليه
حسيت بيه صار نار وخوزرني وكال
شبي هذا الناقص شسوه الج
اني كمت امتمت بالحجي
هاا ماكو شي
كام من مكانه وشمر الكرسي بكومته
انه جفلت واخته لزمت ايده
شبيك اخويه ياهو المضوجك
رضا نفض ايد اخته وراح للولد وهو يسب وينعل علي
شفت الولد كام من مكانه يريد يحجي بس رضا ماانطه فرصه لزمه من ياختها وكفخه بوكس جندله بالكاع
لك عار سكط شنو ماتشوف رجال كاعد
وياها لو شايفني مكرن
الرجال كام وهو يفشر ويغلط على رضا الي عيونه صارن حمر ودمراته طلعن من العصبيه
شفته هد نوبه الخ وهو يغلط عليه
ولك اليوم اكتلك
لو اعرف افصلك بملايين
الرجال الخ لزمه من اجتافه يريد يضربه
بس نفضه نفضه وكع يم صاحبه
امي كامت تلطم وتملخ بوجها
وتصيح عوفه شيخ خله يولي على
بختك لايصير بيك شي
اني من الصدمه مااشوف بس غواش
شنو الي صار وشلون عرف وحس
يمه والله مو هين رضا
اصحاب المطعم لزموه وهدوه
واعتذرو منه لان الضاهر يعرفوا
وذوله كامو يهددون برضا الي كل ساع يريد يهد عليهم
مافضت الا وين
تالي اجه علينا وعيونه نار تجدح وشكله يخوف جرني من ايدي وكبل للسياره
دفعني لكدام وهو يعد ويصف عليه وعليهم
ولج ليش نزعتي البوشيه من انكسرت ايدج
هاي الردتيها يشوفوج ويتحارشون بيج
YOU ARE READING
هدية عمر
Romantik"انة الشيخ رضا ابن الشيخ سالم عمري ب الاربعين وحبيت وحدة خذت العقل والراي هدية هداها ابوها اليه. وصارت هديه عمري وسنيني " للكاتبة اوتار حزينة
