هدية عمر

1.2

،،،،،،،،،،
خايبه نعيمه ليش مانروح وياهم
لبيت الشيخ
ايكولون ذابحين الذبايح ومحتفلين بجيه الشيخ من العمره هو وامه

چا شمالج يازهره تريديهم يطكونه
اذا نسلم من ابويه الحجي مانسلم من زلمنا

يا ليش بس حظنا تراها الوادم كلها راحت بس احنا ضلينا مثل البوم بالبيت

اي والله وانتي الصادكه
يمه زهوره مادكومين انتي وليله اجهزون الغده
اي يمه كايمين
ولج اكفي ليل،،،،،، مو خاف يجيبلنا بويه الحجي من غداهم
يا شبيج زهوره تريدين ابويه يجيب غده
منهم وانتي تعرفي نفسه شكد عزيزه

اي والله انا اعرف بويه الحجي مايسويها
خايبه دوكمي خلنا انزهب الغده من وكت للفريخات
وانتي يمه نعيمه كومي نخبز اني وياج
اي يمه كايمه بس انتي اكعدي انا اخبز
لاتعبين حالج
لا يمه اني وياج علمود نخلص من وكت
،،،،،،،،،
بيت الشيخ رضا الناس واكفه نتنضر جيه الشيخ وامه
اهله وربعه من الفجر كاعدين وجهزون بالغده والضيافه للناس الي جتي تتحمد بالسلامه للشيخ
،،،،،،،،،
ولج دعاء خابري على زاهد شوفي وينهم

يمه خابرت وانطاني رفض
يعني واصلين

جا خوش هلا بيهم

انا حليمه ام دعاء مرت الشيخ وام بناته الخمسه الله مانطاني منه ولد وهاي ضلت حسره بقلبي خاف يتزوج عليه وصدك سوها؛ وتزوج سميه من وره شغله صارت بس  الي صار سميه ماتت وهي تجيب البنيه الثالثه قبل 6 سنوات اني بداخلي كيفت من ماتت لان رجع الي وحدي اني اعرف هذا الشي غلط وحرام بس شسوي احبه وماأريد احد ياخذ
،،،،،،،،،

السياره تمشي بينا واني اباوع على ديرتنا
اشتاقيت لهوها وخضرتها
اشتاقيت للديوان مالتي ولمه هلي
اني الشيخ رضا شيخ قبيله جبيره
اخذت المشيخه من بعد ابويه
الي توفه قبل فتره

عمري37 سنه خريجه كليه الزراعه
متزوج من بنت عمي الي تكبرني ب10 سنوات وعندي منها دعاء الي مزوجه ابن اختي حياه واسمه زاهد وزينب وزهاء ونور وسكينه الصغيره هاي من حليمه
اما سميه الله يرحمها
عندي مريم وورده ووعد

الله ماقاسم الي الولد والحمد لله بناتي اموتن عليهن ذني وردات بيتي اسمع
نوبات من بعض الي يكرهوني كلام
على الشيخ بس يخلف بنات
وهو ابو البنات هذا الشي جان يقهرني
لان اريدن ولد يحمي خواته ويصير حزام ضهر الي ولخواته بس اخ، ،،،،،،

يمه مو احاجيك صارلي ساعه
ها يالحبيبه احجي شمالج
اكولن يمه وصلنا مو
اي يم وصلنا هاي ديرتنا
الحمد لله والشكر ربي والله قلبي ملهوف لشوفه بيتي وحبوبتك والبنوات
جا بس ذوله حجيت وضحكت وياها
جا شمالك يول تتبسم
اكولن مااشتاقيتي لحليمه

بسعك عاد تونا رادين من بيت الله
لاتخليني
احجي واشيل ذنب

ههههههههههه ضحكت من كل قلبي لان اعرف امي وحرمتي مثل الفاره والبزون
،،،،،،،،،،،
وصلنا لبيتنه وشفنا اهلنا وناسنا واكفين ينتضرونا
ياهلا بالشيخ توها نورت الديره صاح واحد من ولد عمي وحضني
امي طبت كبل للبيت انا وكفت وي ناسي وهلي وبعدين طبينا. للديوان مالتي
الديوان انترس بالي جايين يباركون الي
مافكيت روحي من السلام الا وين
تالي كعدت واشرت لابو عباس يجي يمي