ဧရာဝတီမြစ်ကမ်းကို ငေးကြည့်နေသည့် မုတ်သုံ ဦး မာန်ခေါ်သံကြောင့် သတိပြန်ဝင်သွားမိသည်။
တည်ခင်းထားသည့် Breakfast ကို ပန်းကန်ထဲ တွေ့ရာ ကောက်ထည့်ခဲ့သော်ငြား တစ်စက်ကလေးမှပင် မတို့မထိရသေး ။
စားပွဲပေါ်တင်ထားသည့် မုတ်သုံ၏ လက်သီးဆုပ်ကို ဦးမာန်က အုပ်မိုးဆုပ်ကိုင်လိုက်သည်။ ထို့နောက်မုတ်သုံ၏ လက်သီးဆုပ်ကို ခပ်ဖွဖွ ဆွဲဖြည်ကာ ဧက ပေးသွားခဲ့သည့် စာအိတ်ကို မုတ်သုံ လက်ထဲထည့်ပေးသည်။
မျက်လုံးပြူးလျက် ကြည့်လာသည့် မုတ်သုံကို ဦးမာန်က နှစ်လိုစွာ ပြုံးပြကာ ပြောသည်။
'' မင်းကိုယ့်ကို အားနာလို့ ဒီလိုလုပ်နေတာဆိုရင် ကိုယ်တော်တော် စိတ်ဆိုးမိမယ်ထင်တယ် ကလေး''
စီးပွားရေးလုပ်ငန်းအများကြီးကို ဦးစီးအုပ်ချုပ်နေရတဲ့ ဦးမာန်ပြေဟာ မုတ်သုံနှင့် ဧက တို့၏ လက်ရှိအခြေအနေကို အသေအချာကို သိနေလောက်ပြီ။ ဒါကြောင့် မုတ်သုံ အံ့သြထိတ်လန့်တုန်လှုပ်ခြင်းတွေ ရှိမနေတော့ပါ ။
'' မင်း တစ်ခုခုကို ရွေးချယ်ရမှာ ကလေး .. မင်းကို ကိုယ်ချစ်တဲ့အတွက် မင်းဘယ်လိုဘဲ ဆုံးဖြတ်ဆုံးဖြတ် ဘာကိုဘဲ ရွေးချယ် ရွေးချယ် ကိုယ်လေးစားလိုက်နာပေးမှာ.. တစ်ခုဘဲ ''
ဦးမာန်ပြေက စကားကို ခဏရပ်ကာ မုတ်သုံကို ပြုံးပြီး စိုက်ကြည့်သည်။ ထို့နောက် စာအိတ်ကိုင်ထားသည့် မုတ်သုံရဲ့ လက်ကို ဆုပ်ကိုင်လိုက်ပြီးတော့မှ ဆက်ပြောသည်။
'' ကိုယ့်က မင်းဦးနှောက်နဲ့ စဉ်းစားပြီး ဖြစ်သင့်လို့ ရွေးချယ်လိုက်တဲ့လူ မဖြစ်ချင်ဘူး .. ကိုယ်က မင်းနှလုံးသားနဲ့ ရွေးချယ်ခံရတဲ့လူဖြစ်ချင်တာ ''
ဦးမာန်ပြေရဲ့ နှစ်လိုဖွယ် အပြုံးတွေနဲ့ မုတ်သုံကို အမြဲကြည့်လေ့ရှိတဲ့ ချစ်မြတ်နိုးသည့် အရိပ်အယောင်များအပြည့်နှင့် မျက်ဝန်းများကို ရင်မဆိုင်ရဲတော့သဖြင့် ခေါင်းကိုသာ ငုံ့ချလိုက်မိသည်။
ဦးမာန်ပြေက အပြုံးတွေကို ဆင်မြန်းထားလျက်က ဆက်ပြောသည်။
YOU ARE READING
မျက်တော်ပြေ
RomanceWattpad Author ေတြရဲ႕ Collabration ျဖစ္တဲ့ Seven Petals ဆိုတဲ့ စာအုပ္ထဲမွာပါတဲ့ ညေမႊးရဲ႕ ဇာတ္လမ္းပါ ။ Wattpad Author တွေရဲ့ Collabration ဖြစ်တဲ့ Seven Petals ဆိုတဲ့ စာအုပ်ထဲမှာပါတဲ့ ညမွှေးရဲ့ ဇာတ်လမ်းပါ ။ Cover by - Ei Khaing Mon
Chapter ( 4 )
Start from the beginning